ਸ਼ਿਮਲਾ: ਇੱਥੇ ਦੇ ਇੱਕ ਇਤਿਹਾਸਕ ਗ੍ਰੈਂਡ ਹੋਟਲ ਦੀ ਇਮਾਰਤ ਨੂੰ ਭਿਆਨਕ ਅੱਗ ਲੱਗ ਗਈ। ਇਹ ਹਾਦਸਾ ਰਾਤ ਦੋ ਵਜੇ ਦੇ ਕਰੀਬ ਹੋਇਆ ਦੱਸਿਆ ਜਾ ਰਿਹਾ ਹੈ ਜਿਸ ‘ਚ ਇਮਾਰਤ ਦਾ ਕਰੋੜਾਂ ਦਾ ਨੁਕਸਾਨ ਹੋਇਆ ਹੈ। ਇਹ ਗ੍ਰੈਂਡ ਹੋਟਲ ਕੇਂਦਰੀ ਸਰਕਾਰ ਦਾ ਗੈਸਟ ਹਾਉਸ ਵੀ ਹੈ। ਦੱਸ ਦਈਏ ਕਿ ਇਸ ਇਮਾਰਤ ਨੂੰ ਪਹਿਲਾਂ ਵੀ ਅੱਗ ਲੱਗ ਚੁੱਕੀ ਹੈ।
ਅੱਗ ਨੂੰ ਬੁਝਾਉਣ ਲਈ ਕਰੀਬ 6 ਅੱਗ ਬੁਝਾਉ ਗੱਡੀਆਂ ਮੌਕੇ ‘ਤੇ ਪਹੁੰਚੀਆਂ। ਮੌਕੇ ‘ਤੇ ਸ਼ਿਮਲਾ ਡਿਪਟੀ ਕਮੀਸ਼ਨਰ ਮੌਜੂਦ ਰਹੇ ਜਿਸ ‘ਚ ਕਿਸੇ ਜਾਨੀ ਨੁਕਸਾਨ ਦੀ ਕੋਈ ਖ਼ਬਰ ਨਹੀਂ। ਅੱਗ ਦੇ ਕਾਰਨਾਂ ਦਾ ਕੋਈ ਪਤਾ ਨਹੀਂ ਲੱਗ ਸਕਿਆ।