International support: ਦੇਸ਼ ਵਿੱਚ ਕੋਰੋਨਾ ਦੀ ਦੂਜੀ ਲਹਿਰ ਪੂਰੇ ਜ਼ੋਰਾਂ ਉੱਤੇ ਹੈ। ਰੋਜ਼ਾਨਾ ਚਾਰ ਲੱਖ ਤੋਂ ਵੱਧ ਲਾਗਾਂ ਦਾ ਅੰਕੜਾ ਪੁੱਜ ਗਿਆ ਹੈ। ਪਿਛਲੇ ਕਈ ਦਿਨਾਂ ਤੋਂ ਦੇਸ਼ ਭਰ ਦੇ ਹਸਪਤਾਲਾਂ ਵਿੱਚ ਆਕਸੀਜਨ ਨੂੰ ਲੈ ਕੇ ਰੋਸ ਪਾਇਆ ਜਾ ਰਿਹਾ ਹੈ। ਬਹੁਤ ਸਾਰੇ Covid-19 ਮਰੀਜ਼ ਆਕਸੀਜਨ ਕਾਰਨ ਮਰ ਰਹੇ ਹਨ ਪਰ ਚੰਗੀ ਗੱਲ ਇਹ ਹੈ ਕਿ ਹੁਣ ਪੂਰੀ ਦੁਨੀਆ ਭਰ ਤੋਂ ਭਾਰਤ ਵਿਚ ਕੋਰੋਨਾ ਵਿਰੁੱਧ ਲੜਾਈ ਲਈ ਸਹਾਇਤਾ ਦਾ ਹੱਥ ਅੱਗੇ ਵਧਾਇਆ ਹੈ। ਅਮਰੀਕਾ ਤੇ ਬ੍ਰਿਟੇਨ ਤੋਂ ਬਾਅਦ ਕਈ ਦੇਸ਼ਾਂ ਤੋਂ ਰੋਜ਼ਾਨਾ ਆਕਸੀਜਨ ਦੇਸ਼ ਵਿੱਚ ਪਹੁੰਚਣੀ ਸ਼ੁਰੂ ਹੋ ਗਈ ਹੈ। ਹੁਣ ਤੱਕ ਆਕਸੀਜਨ ਅਤੇ ਹੋਰ ਸਮੱਗਰੀ ਦੀਆਂ 25 ਉਡਾਣਾਂ ਦਿੱਲੀ ਅੰਤਰਰਾਸ਼ਟਰੀ ਹਵਾਈ ਅੱਡੇ ‘ਤੇ ਪਹੁੰਚੀਆਂ ਹਨ।


ਕਿੱਥੋਂ ਆ ਰਹੀ ਮਦਦ


ਨੀਦਰਲੈਂਡਜ਼ ਤੋਂ 449 ਵੈਂਟੀਲੇਟਰਾਂ, 100 ਕੰਸੈਂਟ੍ਰੇਸਟਰ ਤੇ ਹੋਰ ਡਾਕਟਰੀ ਸਾਮਾਨ ਵਾਲੀ ਇੱਕ ਉਡਾਣ ਅੱਜ ਸਵੇਰੇ ਭਾਰਤ ਪਹੁੰਚੀ। ਵਿਦੇਸ਼ ਮੰਤਰਾਲੇ ਨੇ ਕਿਹਾ ਕਿ ਆਉਣ ਵਾਲੇ ਦਿਨਾਂ ਵਿੱਚ ਬਾਕੀ ਮੈਡੀਕਲ ਉਪਕਰਣ ਵੀ ਸਮੁੰਦਰੀ ਜਹਾਜ਼ ਰਾਹੀਂ ਭੇਜੇ ਜਾਣਗੇ।


ਸਵਿਟਜਰਲੈਂਡ ਤੋਂ 600 ਆਕਸੀਜਨ ਕੰਸੈਂਟ੍ਰੇਸਟਰ, 50 ਵੈਂਟੀਲੇਟਰਸ ਤੇ ਹੋਰ ਮੈਡੀਕਲ ਸਪਲਾਈ ਲੈਕੇ ਇੱਕ ਉਡਾਣ ਅੱਜ ਸਵੇਰੇ ਭਾਰਚ ਪੁੱਜੀ ਹੈ।


ਇਸ ਤੋਂ ਪਹਿਲਾਂ 4 ਮਈ ਨੂੰ ਇੱਕ ਭਾਰਤੀ ਹਵਾਈ ਫੌਜ ਦੀ ਉਡਾਣ ਯੂਕੇ ਤੋਂ ਆਕਸੀਜਨ ਸਿਲੰਡਰ ਲੈ ਕੇ ਚੇਨਈ ਅੰਤਰਰਾਸ਼ਟਰੀ ਏਅਰਪੋਰਟ ਪੁੱਜੀ ਸੀ।


ਅਮਰੀਕਾ ਤੋਂ ਬਹੁਤ ਸਾਰੀਆਂ ਚੀਜ਼ਾਂ ਆ ਰਹੀਆਂ ਹਨ। ਵ੍ਹਾਈਟ ਹਾਊਸ ਦੀ ਬੁਲਾਰਾ ਜੇਨ ਸਾਕੀ ਨੇ ਕਿਹਾ ਕਿ ਹੁਣ ਤੱਕ ਛੇ ਜਹਾਜ਼ ਮਦਦ ਲਈ ਭਾਰਤ ਭੇਜੇ ਜਾ ਚੁੱਕੇ ਹਨ। ਇਨ੍ਹਾਂ ਵਿੱਚ ਆਕਸੀਜਨ, ਆਕਸੀਜਨ ਸਪਲਾਈ, N95 ਮਾਸਕ, ਟੈਸਟ ਕਿੱਟਾਂ ਤੇ ਦਵਾਈਆਂ ਸ਼ਾਮਲ ਹਨ। ਉਨ੍ਹਾਂ ਦੱਸਿਆ ਕਿ ਭਾਰਤ ਸਰਕਾਰ ਦੀ ਬੇਨਤੀ ‘ਤੇ ਅਮਰੀਕੀ ਮਦਦ ਦੀ ਖੇਪ ਇੰਡੀਅਨ ਰੈਡ ਕਰਾਸ ਸੁਸਾਇਟੀ ਨੂੰ ਸੌਂਪ ਦਿੱਤੀ ਗਈ ਹੈ।


ਕਈ ਹੋਰਨਾਂ ਦੇਸ਼ਾਂ ਤੋਂ ਆਈ ਮਦਦ


3 ਮਈ ਤੱਕ ਭਾਰਤ ਨੂੰ 14 ਦੇਸ਼ਾਂ ਤੋਂ ਐਮਰਜੈਂਸੀ ਸਪਲਾਈ ਮਿਲੀ ਹੈ, ਜਿਸ ਵਿੱਚ ਯੂਕੇ, ਮਾਰੀਸ਼ਸ, ਸਿੰਗਾਪੁਰ, ਰੂਸ, ਯੂਏਈ, ਆਇਰਲੈਂਡ, ਰੋਮਾਨੀਆ, ਥਾਈਲੈਂਡ, ਅਮਰੀਕਾ, ਜਰਮਨੀ, ਉਜ਼ਬੇਕਿਸਤਾਨ, ਫਰਾਂਸ, ਇਟਲੀ ਤੇ ਬੈਲਜੀਅਮ ਸ਼ਾਮਲ ਹਨ। ਸਿਹਤ ਮੰਤਰਾਲੇ ਦੇ ਲਵ ਅਗਰਵਾਲ ਦਾ ਕਹਿਣਾ ਹੈ ਕਿ ਅਸੀਂ ਇਸ ਵੇਲੇ ਸਾਰੀਆਂ ਸਪਲਾਈ ਲੈ ਰਹੇ ਹਾਂ, ਜਲਦੀ ਹੀ ਭਾਰਤ ਵਿਚ ਇਨ੍ਹਾਂ ਦੀ ਵੰਡ ਸ਼ੁਰੂ ਹੋ ਜਾਵੇਗੀ।


ਵਿਦੇਸ਼ ਤੋਂ ਕੀ-ਕੀ ਆਇਆ


• ਆਕਸੀਜਨ ਕੰਸਟ੍ਰੇਟਰ- 1,676
• ਵੈਂਟੀਲੇਟਰ-  965
• ਆਕਸੀਜਨ ਸਿਲੰਡਰ- 1,799
•  ਆਕਸੀਜਨ ਸਿਲੰਡਰ ਐਡਾਪਟਰ- 20
•  ਆਕਸੀਜਨ ਜੇਨਰੇਟਿੰਗ ਪਲਾਂਟ-1
•  ਆਕਸੀਜਨ ਥੈਰੇਪੀ ਡਿਵਾਇਸ-20
• ਬੈਡਸਾਇਡ ਮਾਨਿਟਰ-150
• BiPAPs, ਕਵਰਆਲ, ਗੋਗਲ ਅਤੇ ਮਾਸਕ - 480
• ਪਲੱਸ ਆਕਸੀਮੀਟਰ - 210
• ਰੇਪਿਡ ਡਾਇਗਨੋਸਟਿਕ ਕਿੱਟ - 8,84,000
• N-95 ਫੇਸ ਮਾਸਕ - 9,28,800
• ਰੇਮਡੇਸਿਵਰ- 1,36,000
• ਇਲੈਕਟ੍ਰਿਕ ਸਿਰਿੰਜ ਪੰਪ - 200
• AFNOR/BS ਫੈਲਕਸਿਬਲ ਟਿਊਬ- 28
• ਐਂਟੀ ਬੈਕਟੀਰੀਅਲ ਫਿਲਟਰ - 500
• ਮਸ਼ੀਨ ਫਿਲਟਰ ਅਤੇ ਪੇਸ਼ੇਂਟ ਸਰਕਿਟ- 1000


ਹੁਣ ਤੱਕ ਦੇਸ਼ ਭਰ ਵਿੱਚ ਕੋਵਿਡ ਟੀਕਾਕਰਨ ਵਿੱਚ 16,48,76,248 ਕਰੋੜ ਖੁਰਾਕ ਦਿੱਤੀ ਜਾ ਚੁੱਕੀ ਹੈ। ਕੇਂਦਰੀ ਸਿਹਤ ਮੰਤਰਾਲੇ ਅਨੁਸਾਰ, ਵੀਰਵਾਰ ਦੀ ਰਾਤ 8 ਵਜੇ ਤੱਕ, 18-44 ਸਾਲ ਦੀ ਉਮਰ ਸਮੂਹ ਵਿੱਚ 2.62 ਲੱਖ ਤੋਂ ਵੱਧ ਲਾਭਪਾਤਰੀਆਂ ਨੂੰ ਟੀਕੇ ਦੀਆਂ ਖੁਰਾਕਾਂ ਦਿੱਤੀਆਂ ਗਈਆਂ ਹਨ।