ਉਨ੍ਹਾਂ ਨੇ ਕੇਜਰੀਵਾਲ ‘ਤੇ ਇਲਜ਼ਾਮ ਲਾਉਂਦੇ ਹੋਏ ਕਿਹਾ ਕਿ ਤੁਹਾਡੇ ਝੂਠੇ ਵਾਅਦਿਆਂ ਕਰਕੇ ਸਾਡੀ ਪੀੜੀ ਧੂੰਏ ‘ਚ ਜੀਅ ਰਹੀ ਹੈ। ਗੌਤਮ ਗੰਭੀਰ ਨੇ ਟਵਿਟਰ ‘ਤੇ ਪੋਸਟ ਕਰਦੇ ਹੋਏ ਲਿਖਿਆ, ‘ਦਰਦੇ ਦਿਲ, ਦਰਦੇ ਜ਼ਿਗਰ ਦਿੱਲੀ ਮੇ ਜਗਾਇਆ ਆਪ ਨੇ, ਪਹਿਲੇ ਤੋ ਯਹਾਂ ਆਕਸੀਜ਼ਨ ਥਾ, ਆਕਸੀਜ਼ਨ ਭਗਾਇਆ ਆਪ ਨੇ’।
ਆਪਣੇ ਟਵਿਟਰ ‘ਚ ਬਾਲੀਵੁੱਡ ਗਾਣੇ ਦਾ ਇਸਤੇਮਾਲ ਕਰਕੇ ਗੰਭੀਰ ਸੋਸ਼ਲ ਮੀਡੀਆ ‘ਤੇ ਛਾ ਗਏ ਹਨ। ਇਸ ਨਾਲ ਗੰਭੀਰ ਨੇ ਕੇਜਰੀਵਾਲ ਤੇ ਆਪ ਨੂੰ ਟੈਗ ਵੀ ਕੀਤਾ ਹੈ। ਇਸ ਦੇ ਨਾਲ ਅੱਗੇ ਲਿਖਿਆ, ‘ਸਾਡੀ ਪੀੜੀ ਤੁਹਾਡੇ ਝੁਟੇ ਵਾਦਿਆ ਕਰਕੇ ਧੂੰਏ ‘ਚ ਜੀ ਰਹੀ ਹੈ। ਤੁਹਾਡੇ ਕੋਲ ਡੇਂਗੂ ਤੇ ਪ੍ਰਦੂਸ਼ਨ ਨੂੰ ਰੋਕਣ ਲਈ ਇੱਕ ਸਾਲ ਦਾ ਸਮਾਂ ਸੀ, ਦੁਖ ਦੀ ਗੱਲ ਹੈ ਕਿ ਤੁਸੀਂ ਦੋਨਾਂ ਵਿੱਚੋਂ ਕਿਸੇ ‘ਤੇ ਵੀ ਕੰਟਰੋਲ ਨਹੀਂ ਕਰ ਸਕੇ। ਜਾਗ ਜਾਓ’।
ਗੰਭੀਰ ਨੇ ਦਿੱਲੀ ਦੇ ਜਾਮਾ ਮਸਜ਼ਿਦ ਇਲਾਕੇ ਦੀ ਤਸਵੀਰ ਵੀ ਸ਼ੇਅਰ ਕੀਤੀ ਹੈ ਜਿਥੇ ਹਵਾ ‘ਚ ਕਾਫੀ ਸਮੌਗ ਨਜ਼ਰ ਆ ਰਿਹਾ ਹੈ।