ਇਸ ਦੇ ਨਾਲ ਹੀ ਸੁਕੰਨਿਆ ਸਮ੍ਰਿਧੀ ਯੋਜਨਾ ਭਾਵ SSY ਤੇ ਨੈਸ਼ਨਲ ਸੇਵਿੰਗਜ਼ ਸਰਟੀਫ਼ਿਕੇਟ ਭਾਵ NSC ਦੀ ਵਿਆਜ ਦਰ ਵਿੱਚ ਕੋਈ ਤਬਦੀਲੀ ਨਹੀਂ ਕੀਤੀ ਗਈ ਹੈ। ਲਗਾਤਾਰ ਤੀਜੀ ਤਿਮਾਹੀ ਦੌਰਾਨ ਛੋਟੀਆਂ ਬੱਚਤ ਯੋਜਨਾਵਾਂ ਉੱਤੇ ਵਿਆਜ ਦਰ ਵਿੱਚ ਕੋਈ ਤਬਦੀਲੀ ਨਹੀਂ ਕੀਤੀ ਗਈ। ਸਰਕਾਰ ਹਰ ਤਿਮਾਹੀ ਵਿਆਜ ਦਾ ਐਲਾਨ ਕਰਦੀ ਹੈ। PPF ਉੱਤੇ ਨਿਵੇਸ਼ਕਾਂ ਨੂੰ 7.1 ਫ਼ੀ ਸਦੀ ਦਰ ਨਾਲ ਵਿਆਜ ਮਿਲੇਗਾ। ਸੀਨੀਅਰ ਸਿਟੀਜ਼ਨ ਸੇਵਿੰਗਜ਼ ਸਕੀਮ ਉੱਤੇ ਸੀਨੀਅਰ ਨਾਗਰਿਕਾਂ ਨੂੰ 7.4 ਫ਼ੀਸਦੀ ਵਿਆਜ ਮਿਲੇਗਾ। ਸੁਕੰਨਿਆ ਸਮ੍ਰਿਧੀ ਯੋਜਨਾ ਦੇ ਨਿਵੇਸ਼ ਉੱਤੇ 7.6 ਫ਼ੀ ਸਦੀ ਵਿਆਜ ਮਿਲੇਗਾ।
ਡਾਕ ਘਰ ਦੀ ਮਿਆਦੀ ਜਮ੍ਹਾ ਯੋਜਨਾ ਅਧੀਨ ਇੱਕ ਤੋਂ ਤਿੰਨ ਸਾਲ ਦੇ ਡਿਪਾਜ਼ਿਟ ਉੱਤੇ ਸਾਢੇ 5 ਫ਼ੀ ਸਦੀ ਤੇ 3 ਤੋਂ 5 ਸਾਲਾਂ ਵਿੱਚ ਮੈਚਿਓਰ ਹੋਣ ਵਾਲੇ ਟਰਮ ਡਿਪਾਜ਼ਿਟ ਉੱਤੇ 6.7 ਫ਼ੀ ਸਦੀ ਵਿਆਜ ਦਿੱਤਾ ਜਾ ਰਿਹਾ ਹੈ। ਪੰਜ ਸਾਲਾਂ ਦੇ ਰੈਕਰਿੰਗ ਡਿਪਾਜ਼ਿਟ ਉੱਤੇ 5.8 ਫ਼ੀ ਸਦੀ ਤੇ ਨੈਸ਼ਨਲ ਸੇਵਿੰਗਜ਼ ਸਰਟੀਫ਼ਿਕੇਟ ਉੱਤੇ 6.8 ਫ਼ੀ ਸਦੀ ਦੀ ਦਰ ਨਾਲ ਵਿਆਜ ਦਿੱਤਾ ਜਾ ਰਿਹਾ ਹੈ। ਕਿਸਾਨ ਵਿਕਾਸ ਪੱਤਰ ਉੱਤੇ ਹੁਣ ਰਾਸ਼ੀ 10 ਸਾਲ 4 ਮਹੀਨਿਆਂ ’ਚ ਦੁੱਗਣੀ ਹੋ ਜਾਵੇਗੀ ਤੇ ਇਸ ਉੱਤੇ 6.9 ਫ਼ੀਸਦੀ ਦੀ ਦਰ ਨਾਲ ਵਿਆਜ ਮਿਲੇਗਾ।