ਇਸ ਰਾਜਪੂਤ ਲਾੜੇ ਨੇ ਕਿਹਾ ਕਿ ਉਹ ਤੇ ਉਸ ਦਾ ਪਰਿਵਾਰ ਦਾਜ ਦੇ ਸਖ਼ਤ ਖ਼ਿਲਾਫ਼ ਹੈ। ਉਨ੍ਹਾਂ ਨੂੰ ਦਾਜ ਨਹੀਂ, ਬਲਕਿ ਪਰਿਵਾਰ ਚਲਾਉਣ ਵਾਲੀ ਪੜ੍ਹੀ-ਲਿਖੀ ਤੇ ਸੰਸਕਾਰੀ ਲੜਕੀ ਚਾਹੀਦੀ ਹੈ। ਇਸ ਤੋਂ ਇਲਾਵਾ ਨਖਤ ਸਿੰਘ ਭਾਟੀ ਨੇ ਸਹੁਰਿਆਂ ਵੱਲੋਂ ਦਿੱਤਾ ਦਾਜ ਦਾ ਹੋਰ ਸਾਮਾਨ ਵੀ ਨਹੀਂ ਲਿਆ।
ਸ਼ੁੱਕਰਵਾਰ ਨੂੰ ਚੰਪਾਵਤ ਦੇ ਘਰ ਜੰਞ ਪੁੱਜੀ। ਸਹੁਰੇ ਪਰਿਵਾਰ ਨੇ ਲਾੜੇ ਨੂੰ ਟਿੱਕੇ ਦੇ ਸ਼ਗਨ ਵਜੋਂ ਦਾਜ ’ਚ 11 ਲੱਖ 25 ਹਜ਼ਾਰ ਰੁਪਏ ਨਾਲ ਭਰਿਆ ਥਾਲ ਦਿੱਤਾ ਤਾਂ ਦੋਵਾਂ ਪਿਉ-ਪੁੱਤ ਨੇ ਥਾਲ ਲੈਣ ਤੋਂ ਇਨਕਾਰ ਕਰ ਦਿੱਤਾ। ਉਨ੍ਹਾਂ ਕਿਹਾ ਕਿ ਉਹ ਦਾਜ ਦੇ ਸਖ਼ਤ ਖਿਲਾਫ ਹਨ।