ਨਵੀਂ ਦਿੱਲੀ: ਦਿੱਲੀ ਐਨਸੀਆਰ ‘ਚ ਰਹਿਣ ਵਾਲੇ ਲੋਕਾਂ ਲਈ ਅੱਜ ਸਵੇਰ ਖਾਸ ਰਹੀ। ਦਿੱਲੀ-ਐਨਸੀਆਰ ‘ਚ ਸਵੇਰ ਤੋਂ ਹੀ ਤੇਜ਼ ਬਾਰਸ਼ ਹੋ ਰਹੀ ਹੈ। ਸੰਘਣੇ ਬੱਦਲਾਂ ਨਾਲ ਹੋ ਰਹੀ ਬਾਰਸ਼ ਕਰਕੇ ਕਈ ਇਲਾਕਿਆਂ ‘ਚ ਦਿਨ ‘ਚ ਹੀ ਹਨੇਰਾ ਛਾਇਆ ਹੋਇਆ ਹੈ। ਮੌਸਮ ਦਾ ਮਿਜਾਜ਼ ਬਦਲਣ ਨਾਲ ਗਰਮੀ ਦੀ ਮਾਰ ਛੱਲ ਰਹੇ ਲੋਕਾਂ ਨੂੰ ਰਾਹਤ ਮਿਲੀ ਹੈ।
ਮੌਸਮ ਵਿਭਾਗ ਮੁਤਾਬਕ ਦਿੱਲੀ ‘ਚ ਅਗਲੇ ਦੋ-ਤਿੰਨ ਘੰਟੇ ਬੱਦਲਾਂ ਦੇ ਨਾਲ ਹਵਾਵਾਂ ਚਲ ਸਕਦੀਆਂ ਹਨ। ਦਿੱਲੀ ਨਾਲ ਲੱਗਦੇ ਇਲਾਕਿਆਂ ‘ਚ ਮੌਸਮ ਰਾਹਤ ਦੇ ਸਕਦਾ ਹੈ। ਐਨਸੀਆਰ ਦੇ ਨਾਲ ਲੱਗਦੇ ਸੂਬੇ ਹਰਿਆਣਾ ਦੇ ਹਿਸਾਰ, ਜੀਂਦ, ਰੋਹਤਕ, ਕੈਥਲ, ਗੋਹਾਨਾ, ਪਾਨੀਪਤ, ਕਰਨਾਲ, ਸੋਨੀਪਤ ਅਤੇ ਗੁਰੂਗ੍ਰਾਮ ‘ਚ ਵੀ ਮੌਸਮ ਬਦਲ ਸਕਦਾ ਹੈ।
ਇਸ ਤੋਂ ਇਲਾਵਾ ਮੌਸਮ ਵਿਭਾਗ ਨੇ ਉੱਤਰ ਪ੍ਰਦੇਸ਼ ਦੇ ਜ਼ਿਲ੍ਹਿਆਂ ‘ਚ ਬਾਰਸ਼ ਦੀ ਸੰਭਾਵਨਾ ਜਤਾਈ ਹੈ। ਪਰ ਮੱਧ ਪ੍ਰਦੇਸ਼ ਅਤੇ ਦੱਖਣੀ ਭਾਰਤ ‘ਚ ਫਿਲਹਾਲ ਗਰਮੀ ਤੋਂ ਕੋਈ ਰਾਹਤ ਦੀ ਉਮੀਦ ਨਹੀ ਹੇ। ਭਾਰਤੀ ਮੌਸਮ ਵਿਭਾਗ ਨੇ ਪਹਿਲਾਂ ਹੀ ਦੱਸ ਦਿੱਤਾ ਸੀ ਕਿ ਪੱਛਮੀ ਗੜਬੜੀ ਕਰਕੇ 17 ਮਈ ਤਕ ਮੌਸਮ ਦੇ ਮਿਜਾਜ਼ ਅਜਿਹੇ ਹੀ ਬਣੇ ਰਹਿ ਸਕਦੇ ਹਨ। ਬਾਰਸ਼ ਦੇ ਨਾਲ ਹਨੇਰੀ ਚਲਦ ਦੀ ਉਮੀਦ ਜਤਾਈ ਗਈ ਸੀ।