India Pakistan News: ਭਾਰਤ ਨੇ ਨਵੀਂ ਦਿੱਲੀ ਵਿਖੇ ਸਥਿਤ ਪਾਕਿਸਤਾਨੀ ਉੱਚਾਯੋਗ ਵਿਚ ਤਾਇਨਾਤ ਇਕ ਹੋਰ ਅਧਿਕਾਰੀ ਨੂੰ "ਪਰਸੋਨਾ ਨਾਨ ਗ੍ਰਾਟਾ" ਘੋਸ਼ਿਤ ਕਰ ਦਿੱਤਾ ਹੈ। ਇਸ ਪਾਕਿਸਤਾਨੀ ਅਧਿਕਾਰੀ ਨੂੰ 24 ਘੰਟਿਆਂ ਦੇ ਅੰਦਰ ਅੰਦਰ ਦੇਸ਼ ਛੱਡਣ ਦਾ ਆਦੇਸ਼ ਦਿੱਤਾ ਗਿਆ ਹੈ। ਭਾਰਤ ਸਰਕਾਰ ਨੇ ਇਹ ਕਦਮ ਉਸ ਅਧਿਕਾਰੀ ਵਲੋਂ ਆਪਣੇ ਦਾਇਰੇ ਤੋਂ ਇਲਾਵਾ ਹੋਰ ਸ਼ੱਕੀ ਗਤਿਵਿਧੀਆਂ 'ਚ ਸ਼ਾਮਲ ਹੋਣ ਦੇ ਆਰੋਪਾਂ ਦੇ ਚਲਦਿਆਂ ਚੁੱਕਿਆ ਹੈ।
ਭਾਰਤੀ ਵਿਦੇਸ਼ ਮੰਤਰਾਲਏ ਨੇ ਪਾਕਿਸਤਾਨ ਉੱਚਾਯੋਗ ਦੇ ਡੀ ਅਫੇਅਰਜ਼ ਨੂੰ ਡਿਮਾਰਸ਼ੇ ਜਾਰੀ ਕੀਤਾ ਹੈ ਅਤੇ ਇਹ ਯਕੀਨੀ ਬਣਾਉਣ ਲਈ ਕਿਹਾ ਹੈ ਕਿ ਭਾਰਤ ਵਿੱਚ ਕੋਈ ਵੀ ਪਾਕਿਸਤਾਨੀ ਰਾਜਨੈਤਿਕ ਜਾਂ ਅਧਿਕਾਰੀ ਆਪਣੇ ਵਿਸ਼ੇਸ਼ ਅਧਿਕਾਰਾਂ ਅਤੇ ਦਰਜੇ ਦਾ ਕਿਸੇ ਵੀ ਤਰੀਕੇ ਨਾਲ ਦੂਰਪ੍ਰਯੋਗ ਨਾ ਕਰੇ।
ਦਾਨਿਸ਼ ਤੋਂ ਬਾਅਦ ਇਕ ਹੋਰ ਅਧਿਕਾਰੀ ਨੂੰ ਪਾਕਿਸਤਾਨ ਜਾਣ ਦਾ ਆਦੇਸ਼
ਭਾਰਤ ਸਰਕਾਰ ਨੇ ਇਸ ਤੋਂ ਪਹਿਲਾਂ ਪਾਕਿਸਤਾਨੀ ਦੂਤਾਵਾਸ ਵਿੱਚ ਕੰਮ ਕਰਨ ਵਾਲੇ ਅਧਿਕਾਰੀ ਅਹਸਾਨ-ਉਰ-ਰਹੀਮ ਜਿਹਨੂੰ ਦਾਨਿਸ਼ ਦੇ ਨਾਮ ਨਾਲ ਵੀ ਜਾਣਿਆ ਜਾਂਦਾ ਹੈ, ਨੂੰ ਜਾਸੂਸੀ ਗਤੀਵਿਧੀਆਂ ਵਿੱਚ ਸ਼ਾਮਿਲ ਹੋਣ ਦੇ ਕਾਰਨ 13 ਮਈ ਨੂੰ ਦੇਸ਼ ਛੱਡਣ ਦਾ ਆਦੇਸ਼ ਦਿੱਤਾ ਸੀ। ਦਾਨਿਸ਼ ਦਾ ਸਬੰਧ ਪਾਕਿਸਤਾਨੀ ਜਾਸੂਸ ਅਤੇ ਟਰੇਵਲ ਬਲੌਗਰ ਜਯੋਤੀ ਮਲਹੋਤਰਾ ਨਾਲ ਸੀ। ਜਯੋਤੀ ਪਾਕਿਸਤਾਨ ਉੱਚਾਯੋਗ ਵਿੱਚ ਹੋਈ ਇਫ਼ਤਾਰ ਪਾਰਟੀ ਵਿੱਚ ਸ਼ਾਮਿਲ ਹੋਈ ਸੀ।
ਦਾਨਿਸ਼-ਜਯੋਤੀ ਮਲਹੋਤਰਾ ਕਨੈਕਸ਼ਨ
ਸਾਲ 2023 ਵਿੱਚ ਜਯੋਤੀ ਮਲਹੋਤਰਾ ਦੀ ਦਾਨਿਸ਼ ਨਾਲ ਮੁਲਾਕਾਤ ਹੋਈ ਸੀ, ਜਦੋਂ ਉਹ ਪਹਿਲੀ ਵਾਰ ਇੱਕ ਡੈਲੀਗੇਸ਼ਨ ਨਾਲ ਪਾਕਿਸਤਾਨ ਗਈ ਸੀ। ਭਾਰਤ ਵਾਪਸ ਆਉਣ ਤੋਂ ਬਾਅਦ ਵੀ ਜਯੋਤੀ ਦਾਨਿਸ਼ ਨਾਲ ਸੰਪਰਕ ਵਿੱਚ ਰਹੀ। ਦਾਨਿਸ਼ ਦੀ ਸਿਫਾਰਿਸ਼ ਤੇ ਉਸਨੇ ਪਾਕਿਸਤਾਨ ਦੀ ਦੂਜੀ ਵਾਰੀ ਯਾਤਰਾ ਕੀਤੀ। ਉਥੇ ਉਸਦੀ ਮੁਲਾਕਾਤ ਅਲੀ ਅਹਸਾਨ ਨਾਲ ਹੋਈ। ਅਲੀ ਨੇ ਜਯੋਤੀ ਲਈ ਪਾਕਿਸਤਾਨ ਵਿੱਚ ਰਹਿਣ ਅਤੇ ਯਾਤਰਾ ਦੀ ਵਿਵਸਥਾ ਕੀਤੀ ਅਤੇ ਉਸਨੂੰ ਪਾਕਿਸਤਾਨੀ ਖੁਫੀਆ ਅਤੇ ਸੁਰੱਖਿਆ ਅਧਿਕਾਰੀਆਂ ਜਿਵੇਂ ਕਿ ਸ਼ਕੀਰ ਅਤੇ ਰਾਣਾ ਸ਼ਾਹਬਾਜ਼ ਨਾਲ ਮਿਲਵਾਇਆ।
ਭਾਰਤ ਨੇ ਪਾਕਿਸਤਾਨ ਖਿਲਾਫ ਕਈ ਕੂਟਨੀਤਿਕ ਕਦਮ ਚੁੱਕੇ
ਆਪਰੇਸ਼ਨ ਸਿੰਦੂਰ ਦੇ ਤਹਿਤ ਪਾਕਿਸਤਾਨ ਵਿੱਚ ਮੌਜੂਦ 9 ਅੱਤਵਾਦੀ ਠਿਕਾਣਿਆਂ ਨੂੰ ਤਬਾਹ ਕਰਨ ਤੋਂ ਬਾਅਦ ਭਾਰਤ ਨੇ ਇਹ ਫੈਸਲਾ ਲਿਆ। ਇਸ ਆਪਰੇਸ਼ਨ ਵਿੱਚ ਭਾਰਤ ਨੇ ਜੈਸ਼, ਲਸ਼ਕਰ ਅਤੇ ਹਿਜਬੁਲ ਨਾਲ ਜੁੜੇ ਆਤੰਕੀ ਠਿਕਾਣਿਆਂ ਨੂੰ ਏਅਰ ਸਟ੍ਰਾਈਕ ਵਿੱਚ ਨਸ਼ਟ ਕਰ ਦਿੱਤਾ, ਜਿਸ ਵਿੱਚ ਦੱਸਿਆ ਗਿਆ ਕਿ 100 ਤੋਂ ਵੱਧ ਅੱਤਵਾਦੀਆਂ ਮਾਰੇ ਗਏ। ਪਹਿਲਗਾਮ ਆਤੰਕੀ ਹਮਲੇ ਦੇ ਇਕ ਦਿਨ ਬਾਅਦ, 23 ਅਪ੍ਰੈਲ ਨੂੰ ਭਾਰਤ ਨੇ ਪਾਕਿਸਤਾਨ ਖਿਲਾਫ ਕਈ ਸਖ਼ਤ ਕੂਟਨੀਤਿਕ ਕਦਮ ਚੁੱਕੇ। ਭਾਰਤ ਨੇ ਦਿੱਲੀ ਸਥਿਤ ਪਾਕਿਸਤਾਨੀ ਉੱਚਾਯੋਗ ਵਿੱਚ ਅਧਿਕਾਰੀਆਂ ਦੀ ਗਿਣਤੀ ਘਟਾਉਣ ਦਾ ਹੁਕਮ ਦਿੱਤਾ ਸੀ।