ਨਵੀਂ ਦਿੱਲੀ: ਕੋਰੋਨਾ ਮਹਾਮਾਰੀ ਤੇ ਲਾਕਡਾਊਨ ਕਾਰਨ ਰੁਕੀਆਂ ਰੇਲਾਂ ਨੂੰ ਭਾਰਤੀ ਰੇਲਵੇ ਨੇ ਮੁੜ ਚਲਾਉਣ ਦਾ ਫੈਸਲਾ ਕੀਤਾ ਹੈ। ਹੁਣ ਜਿਵੇਂ-ਜਿਵੇਂ ਕੋਰੋਨਾ ਦੇ ਮਾਮਲੇ ਘੱਟ ਹੋ ਰਹੇ ਹਨ ਭਾਰਤੀ ਰੇਲਵੇ ਵੀ ਆਪਣੀ ਰਫ਼ਤਾਰ ਫੜਨ ਲੱਗੀ ਹੈ। ਦੇਸ਼ ਦੇ ਕਈ ਸੂਬਿਆਂ ’ਚ ਕੋਰੋਨਾ ਕਰਫਿਊ ਦੇ ਚੱਲਦੇ ਕੁਝ ਟਰੇਨਾਂ ਦਾ ਸੰਚਾਲਨ ਬੰਦ ਕਰ ਦਿੱਤਾ ਗਿਆ ਸੀ, ਜਿਨ੍ਹਾਂ ਨੂੰ ਹੁਣ ਹੌਲੀ-ਹੌਲੀ ਫਿਰ ਤੋਂ ਸ਼ੁਰੂ ਕੀਤਾ ਜਾ ਰਿਹਾ ਹੈ।
ਰੇਲਵੇ ਨੇ 21 ਜੂਨ ਤੋਂ 50 ਟਰੇਨਾਂ ਨੂੰ ਮੁੜ ਤੋਂ ਚਲਾਉਣ ਦਾ ਐਲਾਨ ਕੀਤਾ ਹੈ। ਭਾਰਤੀ ਰੇਲਵੇ ਨੇ ਕਿਹਾ ਕਿ ਰਾਂਚੀ ਤੋਂ ਆਰਾ ਤੇ ਟਾਟਾਨਗਰ ਤੋਂ ਅੰਮ੍ਰਿਤਸਰ ਲਈ ਚੱਲਣ ਵਾਲੀਆਂ ਹਫ਼ਤਾਵਾਰੀ ਟਰੇਨਾਂ ਇਸ ਹਫ਼ਤੇ ਤੋਂ ਇਕ ਵਾਰ ਫਿਰ ਤੋਂ ਸ਼ੁਰੂ ਹੋ ਜਾਣਗੀਆਂ।
ਇਸ ਹਫ਼ਤੇ ਦੀ ਸ਼ੁਰੂਆਤ ’ਚ ਕੇਂਦਰੀ ਰੇਲ ਮੰਤਰੀ ਪੀਯੂਸ਼ ਗੋਇਲ ਨੇ ਉਨ੍ਹਾਂ ਟਰੇਨਾਂ ਦੀ ਇਕ ਸੂਚੀ ਬਾਰੇ ਦੱਸਿਆ ਸੀ ਜੋ ਅੱਜ ਭਾਵ 21 ਜੂਨ ਤੋਂ ਚੱਲਣੀਆਂ ਸਨ। ਇਸ ਨਾਲ ਹੀ ਉਨ੍ਹਾਂ ਨੇ ਇਸ ਹਫ਼ਤੇ ਦੇ ਅੰਤ ’ਚ ਸ਼ੁਰੂ ਹੋਣ ਵਾਲੀਆਂ ਟਰੇਨਾਂ ਦੇ ਨਾਂਅ ਤੇ ਗਿਣਤੀ ਦੱਸੀ ਸੀ।
ਸ਼ੁਰੂ ਹੋਣ ਵਾਲੀਆਂ ਰੇਲਾਂ ਦਾ ਵੇਰਵਾ
21 ਜੂਨ : ਟਰੇਨ ਨੰਬਰ 02011 ਨਵੀਂ ਦਿੱਲੀ-ਕਾਲਕਾ ਸ਼ਤਾਬਦੀ, ਟਰੇਨ ਨੰਬਰ 02017 ਨਵੀਂ ਦਿੱਲੀ-ਦੇਹਰਾਦੂਨ ਸ਼ਤਾਬਦੀ ਐਕਸਪ੍ਰੈੱਸ, ਟਰੇਨ ਨੰਬਰ 02018 ਦੇਹਰਾਦੂਨ-ਨਵੀਂ ਦਿੱਲੀ ਸ਼ਤਾਬਦੀ ਐਕਸਪ੍ਰੈੱਸ, ਟਰੇਨ ਨੰਬਰ 02005 ਨਵੀਂ ਦਿੱਲੀ-ਕਾਲਕਾ ਸ਼ਤਾਬਦੀ ਐਕਸਪ੍ਰੈੱਸ, ਟਰੇਨ ਨੰਬਰ 04048 ਦਿੱਲੀ ਜੰਕਸ਼ਨ-ਕੋਟਦੁਵਾੜਾ ਸ਼ਤਾਬਦੀ ਐਕਸਪ੍ਰੈੱਸ , ਟਰੇਨ ਨੰਬਰ 02047 ਚੰਡੀਗੜ੍ਹ-ਨਵੀਂ ਦਿੱਲੀ ਸ਼ਤਾਬਦੀ ਐਕਸਪ੍ਰੈੱਸ, ਟਰੇਨ ਨੰਬਰ 02045 ਨਵੀਂ ਦਿੱਲੀ-ਚੰਡੀਗੜ੍ਹ ਸ਼ਤਾਬਦੀ ਐਕਸਪ੍ਰੈੱਸ, ਟਰੇਨ ਨੰਬਰ 04527 ਕਾਲਕਾ-ਸ਼ਿਮਲਾ ਐਕਸਪ੍ਰੈੱਸ, ਰੇਲਵੇ ਨੰਬਰ 04528 ਸ਼ਿਮਲਾ-ਕਾਲਕਾ ਐਕਸਪ੍ਰੈਸ, ਰੇਲਵੇ ਨੰਬਰ 04517 ਕਾਲਕਾ-ਸ਼ਿਮਲਾ ਐਕਸਪ੍ਰੈਸ
22 ਜੂਨ : ਟਰੇਨ ਨੰਬਰ 02006 ਕਾਲਕਾ-ਨਵੀਂ ਦਿੱਲੀ ਸ਼ਤਾਬਦੀ ਐਕਸਪ੍ਰੈੱਸ
1 ਜੁਲਾਈ : ਟਰੇਨ ਨੰਬਰ 02013 ਨਵੀਂ ਦਿੱਲੀ-ਅੰਮ੍ਰਿਤਸਰ ਜੰਕਸ਼ਨ ਸ਼ਤਾਬਦੀ ਐਕਸਪ੍ਰੈੱਸ, ਟਰੇਨ ਨੰਬਰ 02462 ਸ਼੍ਰੀ ਮਾਤਾ ਵੈਸ਼ਣੋ ਦੇਵੀ ਕਟਰਾ-ਨਵੀਂ ਦਿੱਲੀ ਸ਼੍ਰੀ ਸ਼ਕਤੀ
2 ਜੁਲਾਈ : ਟਰੇਨ ਨੰਬਰ 02014 ਅੰਮ੍ਰਿਤਸਰ ਜੰਕਸ਼ਨ-ਨਵੀਂ ਦਿੱਲੀ ਸ਼ਤਾਬਦੀ ਐਕਸਪ੍ਰੈੱਸ, ਟਰੇਨ ਨੰਬਰ 02029 ਨਵੀਂ ਦਿੱਲੀ-ਅੰਮ੍ਰਿਤਸਰ ਸ਼ਤਾਬਦੀ ਐਕਸਪ੍ਰੈੱਸ, ਟਰੇਨ ਨੰਬਰ 02030 ਅੰਮ੍ਰਿਤਸਰ-ਨਵੀਂ ਦਿੱਲੀ ਸ਼ਤਾਬਦੀ ਐਕਸਪ੍ਰੈੱਸ, ਟਰੇਨ ਨੰਬਰ 02265 ਦਿੱਲੀ ਸਰਾਏ ਰੋਹੀਲਾ-ਜੰਮੂ ਤਵੀ ਦੁਰੰਤੋ, ਟਰੇਨ ਨੰਬਰ 02461 ਨਵੀਂ ਦਿੱਲੀ - ਸ਼੍ਰੀ ਮਾਤਾ ਵੈਸ਼ਣੋ ਦੇਵੀ ਕਟਰਾ ਸ਼੍ਰੀ ਸ਼ਕਤੀ
3 ਜੁਲਾਈ : ਟਰੇਨ ਨੰਬਰ 02266 ਜੰਮੂ ਤਵੀ-ਦਿੱਲੀ ਸਰਾਏ ਰੋਹੀਲਾ ਦੁਰੰਤੋ