ਚੰਡੀਗੜ੍ਹ : ਹਰਿਆਣਾ ਦੇ ਯਮੁਨਾਨਗਰ ਜਿਲ੍ਹੇ ਤੋਂ ਕਾਵੜ ਯਾਤਰਾ ਲੈ ਕੇ ਨਿਕਲਣ ਵਾਲੇ ਸ਼ਰਧਾਲੂਆਂ ਦੇ ਲਈ ਪ੍ਰਸਾਸ਼ਨਿਕ ਅਧਿਕਾਰੀਆਂ ਨੂੰ ਜਰੂਰੀ ਨਿਰਦੇਸ਼ ਦਿੱਤੇ ਗਏ ਹਨ ਤਾਂ ਜੋ ਜਿਲ੍ਹੇ ਵਿਚ ਕਾਵੜ ਯਾਤਰਾ ਨੂੰ ਲੈ ਕੇ ਕਿਸੀ ਤਰ੍ਹਾ ਦੀ ਘਟਨਾ ਨਾ ਘਟੇ।
ਇਕ ਸਰਕਾਰੀ ਬੁਲਾਰੇ ਨੇ ਅੱਜ ਇਸ ਸਬੰਧ ਵਿਚ ਜਾਣਕਾਰੀ ਦਿੰਦੇ ਹੋਏ ਦਸਿਆ ਕਿ ਜਿਲ੍ਹਾ ਯਮੁਨਾਨਗਰ ਵਿਚ ਕਾਵੜ ਯਾਤਰੀਆਂ ਨੂੰ ਲੈ ਕੇ ਸਥਾਨਕ ਅਧਿਕਾਰੀਆਂ ਦੇ ਨਾਲ ਮੀਟਿੰਗ ਪ੍ਰਬੰਧਿਤ ਕਰ ਤਿਆਰੀਆਂ ਦੀ ਸਮੀਖਿਆ ਵੀ ਕੀਤੀ ਗਈ।
ਬੁਲਾਰੇ ਨੇ ਦਸਿਆ ਕਿ ਕਾਵੜ ਯਾਤਰਾ ਦੌਰਾਨ ਡਿਊਟੀ ਮੈਜੀਸਟ੍ਰੇਟ ਨਿਯੁਕਤ ਕਰ ਉਨ੍ਹਾਂ ਨੂੰ 24 ਘੰਟੇ ਨਿਗਰਾਨੀ ਕਰਨ ਅਤੇ ਚੌਕਸ ਰਹਿਣ ਦੇ ਨਿਰਦੇਸ਼ ਦਿੱਤੇ ਗਏ ਹਨ। ਬਿਜਲੀ ਬੋਰਡ ਦੇ ਅਧਿਕਾਰੀ ਨੂੰ ਜਿਲ੍ਹੇ ਵਿਚ ਜਿਨ੍ਹਾਂ ਰਸਤਿਆਂ ਤੋਂ ਕਾਵੜੀਏ ਲੰਘਣਗੇ ਉਨ੍ਹਾਂ ਰਸਤਿਆਂ 'ਤੇ ਬਿਜਲੀ ਦਾ ਵਿਸ਼ੇਸ਼ ਪ੍ਰਬੰਧ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ ਤਾਂ ਜੋ ਹਨੇਰੇ ਵਿਚ ਕਾਵੜੀਆਂ ਨੂੰ ਮੁਸ਼ਕਲ ਨਾ ਆਵੇ।
ਪੀਡਬਲਿਯੂਡੀ ਲੋਕ ਨਿਮਰਾਣ ਵਿਭਾਗ ਦੇ ਅਧਿਕਾਰੀਆਂ ਨੂੰ ਨਿਰਦੇਸ਼ ਦਿੱਤੇ ਕਿ ਕਾਵੜੀਆਂ ਦੇ ਰਸਤੇ ਵਿਚ ਆਉਣ ਵਾਲੀ ਸੜਕਾਂ ਦੇ ਗੱਡੇ ਤੁਰੰਤ ਭਰਵਾਉਣਾ ਯਕੀਨੀ ਕਰਨ। ਇਸ ਤੋਂ ਇਲਾਵਾ, ਰਾਦੌਰ ਵਿਚ ਬਣ ਰਹੀ ਸੜਕ ਨੂੰ ਦੋ ਦਿਨ ਦੇ ਅੰਦਰ ਪੂਰਾ ਕਰਨ ਤਾਂ ਜੋ ਸੜਕ ਦੇ ਖੱਬੇ ਪਾਸੇ ਦਾ ਸਥਾਨ ਕਾਵੜੀਆਂ ਦੇ ਲਈ ਰੱਖਿਆ ਜਾ ਸਕੇ।
ਉਨ੍ਹਾਂ ਨੇ ਸਿਹਤ ਵਿਭਾਗ ਦੇ ਅਧਿਕਾਰੀ 15 ਜੁਲਾਈ ਤਕ ਚਲਣ ਵਾਲੀ ਕਾਵੜ ਯਾਤਰਾ ਦੌਰਾਨ ਮੁੱਖ ਮਾਰਗਾਂ 'ਤੇ ਏਂਬੂਲੈਂਸ ਦਾ ਪ੍ਰਬੰਧ ਕਰਨ ਅਤੇ ਏਬੂਲੇਂਸ ਟੀਮ ਪੁਲਿਸ ਦੇ ਬੁਲਾਵੇ 'ਤੇ ਪ੍ਰਾਥਮਿਕ ਉਪਚਾਰ ਦੇ ਲਈ ਤੁਰੰਤ ਪਹੁੰਚਣ ਦੇ ਨਿਰਦੇਸ਼ ਦਿੱਤੇ। ਕੈਂਪ ਸਾਫ ਸੁਥਰੇ ਹੋਣੇ ਚਾਹੀਦੇ ਹਨ ਅਤੇ ਸਵੱਛ ਪੀਣ ਦੇ ਪਾਣੀ ਅਤੇ ਪਖਾਨੇ ਵਿਵਸਥਾ ਵੀ ਹੋਣੀ ਚਾਹੀਦੀ ਹੈ। ਕੈਂਪ ਦੇ ਨੇੜੇ ਸ਼ਰਾਬ ਦਾ ਠੇਕਾ ਨਹੀਂ ਹੋਣਾ ਚਾਹੀਦਾ ਹੈ ਅਤੇ ਨਾ ਹੀ ਕੋਈ ਮੀਟ ਦੀ ਦੁਕਾਨ ਹੋਵੇ।
ਕਾਵੜ ਯਾਤਰਾ ਦੇ ਦੌਰਾਨ ਸੁਰੱਖਿਆ ਵਿਵਸਥਾ ਬਣਾਏ ਰੱਖਣ ਲਈ ਪੁਲਿਸ ਅਧਿਕਾਰੀਆਂ ਨੂੰ ਵੀ ਜਰੂਰੀ ਦਿਸ਼ਾ-ਨਿਰਦੇਸ਼ ਦਿੱਤੇ ਗਏ ਹਨ। ਕਾਵੜ ਯਾਤਰਾ ਵਿਚ 9 ਜੁਲਾਈ ਤੋਂ ਭੀੜ ਹੋਣ ਦੀ ਸੰਭਾਵਨਾਵਾਂ ਹਨ ਇਸ ਦੌਰਾਨ ਭਾਰੀ ਵਾਹਨ ਦੇ ਲਈ ਰਸਤੇ ਵੀ ਡਾਇਵਰਟ ਕੀਤੇ ਜਾਣ ਤਾਂ ਜੋ ਕਿਸੇ ਵੀ ਸ਼ਰਧਾਲੂ ਨੂੰ ਮੁਸ਼ਕਲ ਨਾ ਆਵੇ।