Rajendra Pal Gautam Resigns: ਆਮ ਆਦਮੀ ਪਾਰਟੀ ਦੇ ਮੰਤਰੀ ਨੇ ਦਿੱਤਾ ਅਸਤੀਫ਼ਾ, ਹਿੰਦੂ ਦੇਵੀ ਦੇਵਤਿਆਂ ਦਾ ਅਪਮਾਨ ਕਰਨ ਦਾ ਲੱਗਿਆ ਸੀ ਇਲਜ਼ਾਮ

ਰਾਜੇਂਦਰ ਪਾਲ ਗੌਤਮ ਨੇ ਹਿੰਦੂ ਦੇਵਤਿਆਂ 'ਤੇ ਵਿਵਾਦਿਤ ਬਿਆਨ ਦੇਣ ਤੋਂ ਬਾਅਦ ਐਤਵਾਰ ਨੂੰ ਮੰਤਰੀ ਦੇ ਅਹੁਦੇ ਤੋਂ ਅਸਤੀਫਾ ਦੇ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਉਹ ਭਾਜਪਾ ਦੀ ਗੰਦੀ ਰਾਜਨੀਤੀ ਤੋਂ ਦੁਖੀ ਹੋ ਕੇ ਅਸਤੀਫਾ ਦੇ ਰਹੇ ਹਨ।

Rajendra Pal Gautam: ਰਾਜੇਂਦਰ ਪਾਲ ਗੌਤਮ ਨੇ ਐਤਵਾਰ  ਨੂੰ ਮੰਤਰੀ ਦੇ ਅਹੁਦੇ ਤੋਂ ਅਸਤੀਫਾ ਦੇ ਦਿੱਤਾ ਹੈ। ਰਾਜੇਂਦਰ ਪਾਲ ਗੌਤਮ ਨੇ ਆਪਣਾ ਅਸਤੀਫ਼ਾ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੂੰ ਭੇਜ ਦਿੱਤਾ ਹੈ। ਉਨ੍ਹਾਂ ਨੇ ਟਵੀਟ ਕਰ ਕੇ ਕਿਹਾ, ''ਅੱਜ ਮਹਾਰਿਸ਼ੀ ਵਾਲਮੀਕਿ ਜੀ ਦਾ ਪ੍ਰਕਾਸ਼ ਦਿਹਾੜਾ ਹੈ ਅਤੇ ਦੂਜੇ ਪਾਸੇ ਮਨਿਆਵਰ ਕਾਂਸ਼ੀ ਰਾਮ ਸਾਹਬ ਦੀ ਬਰਸੀ ਵੀ ਹੈ। ਅਜਿਹੇ ਸੰਜੋਗ ਨਾਲ ਅੱਜ ਮੈਂ ਕਈ ਬੰਧਨਾਂ ਤੋਂ ਮੁਕਤ ਹੋ ਗਿਆ ਹਾਂ ਅਤੇ ਅੱਜ ਮੈਂ ਆਪਣੇ ਆਪ 'ਚ  ਦੁਬਾਰਾ ਜਨਮ ਲਿਆ। ਹੁਣ ਮੈਂ ਸਮਾਜ ਵਿੱਚ ਹੋਰ ਮਜ਼ਬੂਤੀ ਨਾਲ ਹਾਂ। ਪਰ ਮੈਂ ਬਿਨਾਂ ਕਿਸੇ ਰੋਕ ਦੇ ਅੱਤਿਆਚਾਰ ਅਤੇ ਹੱਕਾਂ ਦੀ ਲੜਾਈ ਜਾਰੀ ਰੱਖਾਂਗਾ।"