ਪਟਨਾਃ ਰਾਸ਼ਟਰੀ ਜਨਤਾ ਦਲ ਦੇ ਸੁਪ੍ਰੀਮੋ ਲਾਲੂ ਪ੍ਰਸਾਦ ਯਾਦਵ ਨੇ ਵੀਰਵਾਰ ਰਾਤ ਨੂੰ ਆਪਣਾ 74ਵਾਂ ਜਨਮਦਿਨ ਮਨਾਇਆ। ਦਿੱਲੀ ਵਿੱਚ ਆਪਣੀ ਮੀਸਾ ਭਾਰਤੀ ਦੇ ਘਰ ਲਾਲੂ ਨੇ ਕੇਕ ਵੀ ਕੱਟਿਆ। ਇਸ ਦੌਰਾਨ ਲਾਲੂ ਦੀ ਪਤਨੀ ਰਾਬੜੀ ਦੇਵੀ ਵੀ ਮੌਜੂਦ ਸੀ। ਇੱਕ ਦੂਜੇ ਨੂੰ ਕੇਕ ਖੁਆ ਕੇ ਇਸ ਖ਼ੁਸ਼ੀ ਦੇ ਮੌਕੇ ਨੂੰ ਉਨ੍ਹਾਂ ਦੇ ਪਰਿਵਾਰ ਨੇ ਮਾਣਿਆ।
ਮੀਸਾ ਭਾਰਤੀ ਨੇ ਟਵੀਟ ਕੀਤੀਆਂ ਤਸਵੀਰਾਂ
ਲਾਲੂ ਯਾਦਵ ਦੇ ਜਨਮਦਿਨ ‘ਤੇ ਉਨ੍ਹਾਂ ਦੀ ਧੀ ਮੀਸਾ ਭਾਰਤੀ ਨੇ ਟਵਿੱਟਰ ‘ਤੇ ਪੋਸਟ ਕਰ ਪਿਤਾ ਨੂੰ ਜਨਮਦਿਨ ਦੀ ਵਧਾਈ ਦਿੱਤੀ ਅਤੇ ਲਿਖਿਆ, “ਪਾਪਾ ਸੇ ਹੀ ਜਹਾਂ ਹੈ, ਪਾਪਾ ਜਹਾਂ ਹੈਂ ਵਹੀਂ ਜਹਾਂ ਹੈ! Happy Birthday Papa!” ਇਸ ਟਵੀਟ ਨਾਲ ਹੀ ਮੀਸਾ ਨੇ ਕੁਜ ਤਸਵੀਰਾਂ ਵੀ ਸਾਂਝੀਆਂ ਕੀਤੀਆਂ ਹਨ। ਇੱਕ ਤਸਵੀਰ ਵਿੱਚ ਲਾਲੂ ਯਾਦਵ ਨੂੰ ਉਨ੍ਹਾਂ ਦੀ ਪਤਨੀ ਰਾਬੜੀ ਦੇਵੀ ਕੇਕ ਖਵਾਉਂਦੀ ਵੀ ਦਿਖਾਈ ਦੇ ਰਹੀ ਹੈ। ਮੀਸਾ ਦੀ ਵੀ ਤਸਵੀਰ ਹੈ ਜਿੱਥੇ ਉਹ ਕੇਕ ਖੁਆ ਰਹੀ ਹੈ।
ਰਾਜਲਕਸ਼ਮੀ ਨੇ ਵੀ ਦਿੱਤੀ ਪਿਤਾ ਨੂੰ ਵਧਾਈ
ਲਾਲੂ ਯਾਦਵ ਦੀ ਧੀ ਰਾਜਲਕਸ਼ਮੀ ਯਾਦਵ ਨੇ ਵੀ ਟਵੀਟ ਕਰਕੇ ਆਪਣੇ ਪਿਤਾ ਨੂੰ ਜਨਮਦਿਨ ਦੀ ਵਧਾਈ ਦਿੱਤੀ। ਉਸ ਨੇ ਲਿਖਿਆ ਹੈ, “ਪਾਪਾ ਤੁਹਾਨੂੰ ਜਨਮਦਿਨ ਦੀਆਂ ਬਹੁਤ ਬਹੁਤ ਵਧਾਈਆਂਂ ਅਸੀਂ ਤੁਹਾਨੂੰ ਪਿਆਰ ਕਰਦੇ ਹਾਂ। ਤੁਸੀਂ ਉਨ੍ਹਾਂ ਲੱਖਾਂ ਲੋਕਾਂ ਦੀ ਉਮੀਦ ਹੋ ਜਿਨ੍ਹਾਂ ਦਾ ਦਹਾਕਿਆਂ ਬੱਧੀ ਸ਼ੋਸ਼ਣ ਕੀਤਾ ਗਿਆ। ਤੁਸੀਂ ਉਨ੍ਹਾਂ ਦੀ ਆਵਾਜ਼ ਰਹੇ ਹੋ। ਤੁਸੀਂ ਸਮਾਜ ਦੇ ਆਖਰੀ ਵਿਅਕਤੀ ਨੂੰ ਸਮਰੱਥ ਤੇ ਸਮਾਜਿਕ ਨਿਆਂ ਦਿਵਾਉਣ ਵਾਲੇ ਯੋਧਾ ਹੋ।”