ਮਨੋਜ ਤਿਵਾੜੀ ਨੇ ਕਿਹਾ ਕਿ ਇੱਕ ਆਰਟੀਆਈ ਤੋਂ ਪਤਾ ਲੱਗਿਆ ਹੈ ਕਿ ਸਕੂਲਾਂ ਦੇ ਕਮਰਿਆਂ ਦੇ ਨਿਰਮਾਣ ਲਈ ਵਾਧੂ 2000 ਕਰੋੜ ਰੁਪਏ ਦਿੱਤੇ ਗਏ ਜੋ ਸਿਰਫ 892 ਕਰੋੜ ਰੁਪਏ ਵਿੱਚ ਹੀ ਬਣਾਏ ਜਾ ਸਕਦੇ ਸੀ। ਇਸ ਕੰਮ ਲਈ ਦਿੱਤੇ ਗਏ 34 ਠੇਕੇਦਾਰਾਂ ਵਿੱਚ ਉਨ੍ਹਾਂ ਦੇ ਰਿਸ਼ਤੇਦਾਰ ਵੀ ਸ਼ਾਮਲ ਹਨ।
ਦਿੱਲੀ ਬੀਜੇਪੀ ਦੇ ਅਧਿਕਾਰਿਕ ਟਵਿੱਟਰ 'ਤੇ ਦਿੱਤੀ ਜਾਣਕਾਰੀ ਮੁਤਾਬਕ ਬੀਜੇਪੀ ਲੀਡਰ ਨੇ ਕਿਹਾ ਕਿ ਦਿੱਲੀ ਸਰਕਾਰ ਕਹਿੰਦੀ ਹੈ ਕਿ ਉਨ੍ਹਾਂ ਸਿੱਖਿਆ ਬਜਟ ਵਧਾਇਆ ਹੈ, ਕੀ ਇਹ ਇੰਨੇ ਵੱਡੇ ਘਪਲੇ ਕਰਨ ਲਈ ਵਧਾਇਆ ਗਿਆ ਤਾਂ ਕਿ ਇਹ ਪੈਸੇ ਚੋਣਾਂ ਦੌਰਾਨ ਵਰਤੇ ਜਾ ਸਕਣ? ਉਨ੍ਹਾਂ ਕਿਹਾ ਕਿ ਆਲੀਸ਼ਾਨ ਬੰਗਲੇ ਵਿੱਚ ਵੀ ਇੰਨਾ ਖ਼ਰਚ ਨਹੀਂ ਆਉਂਦਾ ਤੇ ਦਿੱਲੀ ਸਰਕਾਰ 8800 ਰੁਪਏ ਵਰਗ ਫੁੱਟ ਦਾ ਕੜੀ ਟੁਕੜੀ ਦਾ ਕਮਰਾ ਬਣਵਾ ਰਹੀ ਹੈ।