ਨਾਈ ਨੇ ਕੱਟੀ ਮੁੱਛ, ਥਾਣੇ ਪਹੁੰਚਿਆ ਮਾਮਲਾ

ਨਾਗਪੁਰ ਵਿੱਚ ਹੇਅਰਡਰੈਸਰਾਂ ਦੇ ਇੱਕ ਸੰਗਠਨ ਨੇ ਇੱਕ ਵਿਅਕਤੀ ਦੀ ਸ਼ੇਵ ਨਾ ਕਰਨ ਦਾ ਫੈਸਲਾ ਕੀਤਾ ਹੈ ਕਿਉਂਕਿ ਉਸ ਨੇ ਬਿਨਾ ਪੁੱਛੇ ਮੁੱਛ ਕੱਟੇ ਜਾਣ ਇੱਕ ਨਾਈ ਖ਼ਿਲਾਫ਼ ਪੁਲਿਸ ਸ਼ਿਕਾਇਤ ਦਰਜ ਕਰਵਾ ਦਿੱਤੀ।

ਨਾਗਪੁਰ: ਨਾਗਪੁਰ ਵਿੱਚ ਹੇਅਰਡਰੈਸਰਾਂ ਦੇ ਇੱਕ ਸੰਗਠਨ ਨੇ ਇੱਕ ਵਿਅਕਤੀ ਦੀ ਸ਼ੇਵ ਨਾ ਕਰਨ ਦਾ ਫੈਸਲਾ ਕੀਤਾ ਹੈ ਕਿਉਂਕਿ ਉਸ ਨੇ ਬਿਨਾ ਪੁੱਛੇ ਮੁੱਛ ਕੱਟੇ ਜਾਣ ਇੱਕ ਨਾਈ ਖ਼ਿਲਾਫ਼ ਪੁਲਿਸ ਸ਼ਿਕਾਇਤ ਦਰਜ ਕਰਵਾ ਦਿੱਤੀ। ਮਹਾਰਾਸ਼ਟਰ ਵਿੱਚ ਨਾਗਪੁਰ ਪੁਲਿਸ ਨੂੰ ਮੰਗਲਵਾਰ ਨੂੰ ਕਿਰਨ ਠਾਕੁਰ (35) ਨੇ ਆਪਣੀ ਸ਼ਿਕਾਇਤ ਵਿੱਚ ਕਿਹਾ ਕਿ ਜਦੋਂ ਉਹ ਕਨਹਨ ਖੇਤਰ ਵਿੱਚ ਹੇਅਰਡਰੈਸਰ ਸੁਨੀਲ ਲਕਸ਼ਣੇ ਕੋਲ ਵਾਲ ਕਟਾਉਣ ਤੇ ਦਾੜ੍ਹੀ ਬਣਵਾਉਣ ਲਈ ਗਿਆ ਤਾਂ ਉਸਨੇ ਬਿਨਾਂ ਪੁੱਛੇ ਉਸ ਦੀਆਂ ਮੁੱਛਾਂ ਸਾਫ਼ ਕਰ ਦਿੱਤੀਆਂ।

ਘਰ ਪਹੁੰਚਣ ਬਾਅਦ ਜਦੋਂ ਠਾਕੁਰ ਨੂੰ ਇਸ ਦਾ ਪਤਾ ਲੱਗਾ ਤਾਂ ਉਸ ਨੇ ਲਕਸ਼ਣੇ ਨੂੰ ਫੋਨ ਕੀਤਾ ਤਾਂ ਲਕਸ਼ਣੇ ਨੇ ਉਸ ਨੂੰ ਕਥਿਤ ਤੌਰ 'ਤੇ ਧਮਕਾਇਆ। ਇਸ 'ਤੇ ਉਸ ਨੇ ਧਾਰਾ 507 (ਅਪਰਾਧਿਕ ਡਰਾਉਣਾ ਧਮਕਾਉਣਾ) ਦੇ ਤਹਿਤ ਲਕਸ਼ਣੇ ਖਿਲਾਫ ਮਾਮਲਾ ਦਰਜ ਕਰਾ ਦਿੱਤਾ। ਘਟਨਾ ਬਾਅਦ ਹੇਅਰਡਰੈਸਰਾਂ ਦੇ ਸੰਗਠਨ 'ਨਾਭਿਕ ਏਕਤਾ ਮੰਚ' ਨੇ ਤੈਅ ਕੀਤਾ ਕਿ ਕਿਰਨ ਠਾਕੁਰ ਨੂੰ ਕਿਸੇ ਤਰਾਂ ਦੀ ਸੇਵਾ ਮੁਹੱਈਆ ਨਹੀਂ ਕਰਵਾਈ ਜਾਏਗੀ।

ਸੰਗਠਨ ਦੇ ਪ੍ਰਧਾਨ ਸ਼ਰਦ ਵਾਟਕਰ ਨੇ ਦੱਸਿਆ ਕਿ ਲਕਸ਼ਣੇ ਖ਼ਿਲਾਫ਼ ਲੱਗੇ ਇਲਜ਼ਾਮ ਬੇਬੁਨਿਆਦ ਹਨ ਤੇ ਉਸ ਨੇ ਮੁੱਛਾਂ 'ਤੇ ਉਸਤਰਾ ਫੇਰਨ ਤੋਂ ਪਹਿਲਾਂ ਗਾਹਕ ਨੂੰ ਇਸ ਬਾਰੇ ਪੁੱਛਿਆ ਸੀ। ਉਸ ਨੇ ਕਿਹਾ ਕਿ ਜਦੋਂ ਠਾਕੁਰ ਘਰੋਂ ਵਾਪਸ ਆਇਆ ਤਾਂ ਉਸੀ ਸ਼ਾਮ ਲਕਸ਼ਣੇ ਦੀ ਦੁਕਾਨ 'ਤੇ ਪਹੁੰਚਿਆ ਤੇ ਹੰਗਾਮਾ ਕਰਨਾ ਸ਼ੁਰੂ ਕਰ ਦਿੱਤਾ ਸੀ। ਅੱਜ ਸੰਗਠਨ ਵੱਲੋਂ ਧਰਨਾ ਵੀ ਦਿੱਤਾ ਜਾਏਗਾ।