ਪੈਨਿਕ ਬਟਨ ਦਬਾਉਂਦਿਆਂ ਹੀ ਪੁਲਿਸ ਹੀ ਮੋਬਾਈਲ ਵੈਨ ਕੋਲ ਜਾਣਕਾਰੀ ਪੁੱਜ ਜਾਏਗੀ। ਇਸ ਬਟਨ ਦੇ ਦਬਾਉਣ ਬਾਅਦ ਐਮਰਜੈਂਸੀ ਲਈ ਜਿਨ੍ਹਾਂ ਪੰਜ ਕਰੀਬੀਆਂ ਦੇ ਨੰਬਰ ਸੇਵ ਕੀਤੇ ਹੋਣਗੇ, ਉਨ੍ਹਾਂ ਨੂੰ ਵੀ ਇਹ ਜਾਣਕਾਰੀ ਚਲੀ ਜਾਏਗੀ ਕਿ ਮਹਿਲਾ ਮੁਸੀਬਤ ਵਿੱਚ ਹੈ। ਮਹਿਲਾ ਤੇ ਬਾਲ ਵਿਕਾਸ ਮੰਤਰਾਲੇ ਨੇ ਕਰੀਬ ਢਾਈ ਸਾਲ ਪਹਿਲਾਂ ਸੁਰੱਖਿਆ ਦੇ ਮੱਦੇਨਜ਼ਰ ਪੈਨਿਕ ਬਟਨ ਦਾ ਸੁਝਾਅ ਦਿੱਤਾ ਸੀ।
ਇਸ ਪ੍ਰੋਜੈਕਟ ਨੂੰ ਅਮਲੀ ਰੂਪ ਦੇਣ ਲਈ ਮਹਿਲਾ ਤੇ ਬਾਲ ਵਿਕਾਸ ਮੰਤਰਾਲੇ ਨੇ ਨਿਰਭਿਆ ਕੋਸ਼ ਵਿੱਚੋਂ 321 ਕਰੋੜ ਤੋਂ ਵੱਧ ਰੁਪਏ ਦਿੱਤੇ ਹਨ। ਉੱਤਰ ਪ੍ਰਦੇਸ਼ ਸਮੇਤ ਕਈ ਸੂਬਿਆਂ ਵਿੱਚ ਇਸ ਬਟਨ ਦੀ ਅਜਮਾਇਸ਼ ਹੋ ਚੁੱਕੀ ਹੈ। ਹੁਣ ਟ੍ਰਾਇਲ ਪੂਰੀ ਤਰ੍ਹਾਂ ਸਫਲ ਹੋਣ ਮਗਰੋਂ ਦੇਸ਼ ਦੇ ਸਾਰੇ ਸੂਬਿਆਂ ਵਿੱਚ ਇਹ ਸੁਵਿਧਾ ਲਾਗੂ ਕਰ ਦਿੱਤੀ ਜਾਏਗੀ।