Parliament Budget Session: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਰਾਸ਼ਟਰਪਤੀ ਦ੍ਰੋਪਦੀ ਮੁਰਮੂ ਦੇ ਸੰਬੋਧਨ 'ਤੇ ਧੰਨਵਾਦ ਪ੍ਰਸਤਾਵ 'ਤੇ ਚਰਚਾ ਦਾ ਜਵਾਬ ਦਿੰਦਿਆਂ ਹੋਇਆਂ ਕਾਂਗਰਸ ਅਤੇ ਹੋਰ ਵਿਰੋਧੀ ਪਾਰਟੀਆਂ 'ਤੇ ਤਿੱਖਾ ਨਿਸ਼ਾਨਾ ਸਾਧਿਆ। ਉਨ੍ਹਾਂ ਕਿਹਾ ਕਿ ਵਿਰੋਧੀ ਨੇਤਾਵਾਂ ਦੀ ਗੱਲ ਸੁਣ ਕੇ ਉਨ੍ਹਾਂ ਨੂੰ ਯਕੀਨ ਹੋ ਗਿਆ ਹੈ ਕਿ ਉਨ੍ਹਾਂ ਨੇ ਲੰਮਾ ਸਮਾਂ ਉੱਥੇ (ਵਿਰੋਧੀ ਧਿਰ ਵਿੱਚ) ਬੈਠਣ ਦਾ ਸੰਕਲਪ ਲਿਆ ਹੈ। ਤੁਹਾਡੇ ਵਿੱਚੋਂ ਕਈ ਚੋਣ ਲੜਨ ਦਾ ਹੌਂਸਲਾ ਗੁਆ ਚੁੱਕੇ ਹਨ, ਕਈਆਂ ਨੇ ਪਿਛਲੀ ਵਾਰ ਸੀਟਾਂ ਬਦਲੀਆਂ ਸਨ ਅਤੇ ਇਸ ਵਾਰ ਵੀ ਬਦਲਣ ਦੀ ਕੋਸ਼ਿਸ਼ ਕਰ ਰਹੇ ਹਨ।
ਪੀਐਮ ਮੋਦੀ ਨੇ ਲੋਕ ਸਭਾ ਵਿੱਚ ਕਿਹਾ ਕਿ ਜਨਤਾ ਵਿਰੋਧੀ ਧਿਰ ਨੂੰ ਜਵਾਬ ਦੇਵੇਗੀ। ਉਨ੍ਹਾਂ ਕਿਹਾ, ''ਹਰ ਵਾਰ ਦੀ ਤਰ੍ਹਾਂ ਤੁਸੀਂ (ਵਿਰੋਧੀ) ਲੋਕਾਂ ਨੂੰ ਨਿਰਾਸ਼ ਕੀਤਾ ਹੈ। ਨੇਤਾ ਤਾਂ ਬਦਲ ਗਏ ਹਨ, ਪਰ ਉਹ ਉਹੀ ਪੁਰਾਣੀਆਂ ਗੱਲਾਂ ਕਰਦੇ ਰਹਿੰਦੇ ਹਨ। ਚੋਣਾਂ ਦਾ ਸਾਲ ਸੀ ਤਾਂ ਕੁਝ ਮਿਹਨਤ ਕਰਦੇ। ਕੁਝ ਨਵਾਂ ਕਰਨ ਦੀ ਕੋਸ਼ਿਸ਼ ਕਰਦਿਆਂ ਵਿਰੋਧੀ ਧਿਰ ਦੀ ਇਸ ਹਾਲਤ ਦੀ ਜ਼ਿੰਮੇਵਾਰ ਕਾਂਗਰਸ ਪਾਰਟੀ ਹੈ।
ਉਨ੍ਹਾਂ ਦੋਸ਼ ਲਾਇਆ ਕਿ ਕਾਂਗਰਸ ਨੇ ਵਿਰੋਧੀ ਧਿਰ ਨੂੰ ਅੱਗੇ ਨਹੀਂ ਵਧਣ ਦਿੱਤਾ। ਵਿਰੋਧੀ ਧਿਰ ਨੇ ਸੰਸਦ ਨਹੀਂ ਚਲਣ ਦਿੱਤੀ। ਅਜਿਹਾ ਕਰਕੇ ਵਿਰੋਧੀ ਧਿਰ ਨੇ ਸੰਸਦ ਅਤੇ ਦੇਸ਼ ਦਾ ਨੁਕਸਾਨ ਕੀਤਾ ਹੈ। ਇਸ ਸਮੇਂ ਦੇਸ਼ ਨੂੰ ਸਿਹਤਮੰਦ ਅਤੇ ਚੰਗੇ ਵਿਰੋਧੀ ਧਿਰ ਦੀ ਲੋੜ ਹੈ।
ਇਹ ਵੀ ਪੜ੍ਹੋ: Punjab News: ਰੋਡਵੇਜ਼ ਬੱਸਾਂ 'ਚ 52 ਸਵਾਰੀਆਂ ਬਿਠਾਉਣ ਦੀ ਪਾਬੰਦੀ ਹਟੀ, ਜਾਣੋਂ ਕਿਵੇਂ ਬਣੀ ਸਹਿਮਤੀ
PM ਮੋਦੀ ਨੇ ਕੀ ਕਿਹਾ?
ਪੀਐਮ ਮੋਦੀ ਨੇ ਤੰਜ ਕੱਸਦਿਆਂ ਹੋਇਆਂ ਕਿਹਾ ਕਿ ਅਸੀਂ ਅਧੀਰ ਬਾਬੂ ਦੀ ਹਾਲਤ ਦੇਖ ਰਹੇ ਹਾਂ, ਪਰ ਇੱਕ ਪਰਿਵਾਰ ਦੀ ਸੇਵਾ ਤਾਂ ਕਰਨੀ ਪੈਂਦੀ ਹੈ। ਮਲਿਕਾਰਜੁਨ ਖੜਗੇ ਇਸ ਸਦਨ ਤੋਂ ਉਸ ਸਦਨ ਵਿਚ ਸ਼ਿਫਟ ਹੋ ਗਏ। ਗੁਲਾਮ ਨਬੀ ਆਜ਼ਾਦ ਨੇ ਤਾਂ ਪਾਰਟੀ ਹੀ ਬਦਲ ਲਈ।
ਰਾਹੁਲ ਗਾਂਧੀ ਬਾਰੇ ਕੀ ਕਿਹਾ?
ਰਾਹੁਲ ਗਾਂਧੀ ਦਾ ਨਾਮ ਲਏ ਬਿਨਾਂ ਪੀਐਮ ਮੋਦੀ ਨੇ ਸਦਨ ਵਿੱਚ ਕਿਹਾ ਕਿ ਇੱਕ ਹੀ ਉਤਪਾਦ ਨੂੰ ਵਾਰ-ਵਾਰ ਲਾਂਚ ਕਰਨ ਕਰਕੇ ਕਾਂਗਰਸ ਦੀ ਦੁਕਾਨ ਤਾਲਾ ਲੱਗਣ ਦੀ ਕਗਾਰ 'ਤੇ ਹੈ। ਅਜਿਹਾ ਸਿਰਫ ਪਰਿਵਾਰਵਾਦ ਕਾਰਨ ਹੀ ਹੋ ਰਿਹਾ ਹੈ। ਕਾਂਗਰਸ ਇੱਕ ਪਰਿਵਾਰ ਵਿੱਚ ਉਲਝੀ ਹੋਈ ਹੈ।
ਲੋਕ ਸਭਾ ਚੋਣਾਂ ਬਾਰੇ ਕੀ ਕਿਹਾ?
ਪੀਐਮ ਮੋਦੀ ਨੇ ਕਿਹਾ ਕਿ ਮੇਰੀ ਗਾਰੰਟੀ ਹੈ ਕਿ ਸਾਡੇ ਤੀਜੇ ਕਾਰਜਕਾਲ ਵਿੱਚ ਭਾਰਤ ਦੁਨੀਆ ਦੀ ਤੀਜੀ ਸਭ ਤੋਂ ਵੱਡੀ ਅਰਥਵਿਵਸਥਾ ਬਣ ਜਾਵੇਗਾ। ਮੇਰੇ ਤੀਜੇ ਕਾਰਜਕਾਲ ਵਿੱਚ ਵੀ ਅਜਿਹਾ ਹੋਵੇਗਾ। ਉਨ੍ਹਾਂ ਕਿਹਾ ਕਿ ਦੇਸ਼ ਵਿੱਚ ਜਿਸ ਰਫ਼ਤਾਰ ਨਾਲ ਕੰਮ ਚੱਲ ਰਿਹਾ ਹੈ, ਕਾਂਗਰਸ ਉਸ ਦੀ ਕਲਪਨਾ ਵੀ ਨਹੀਂ ਕਰ ਸਕਦੀ। ਦਰਅਸਲ, ਭਾਜਪਾ ਦੀ ਅਗਵਾਈ ਵਾਲੀ ਐਨਡੀਏ ਨੇ 2014 ਅਤੇ 2019 ਦੀਆਂ ਲੋਕ ਸਭਾ ਚੋਣਾਂ ਜਿੱਤੀਆਂ ਸਨ। ਜੇਕਰ ਇਸ ਵਾਰ ਵੀ ਐਨਡੀਏ ਜਿੱਤਦਾ ਹੈ ਤਾਂ ਇਹ ਹੈਟ੍ਰਿਕ ਹੋਵੇਗੀ।
'ਐਨਡੀਏ ਨੂੰ 400 ਅਤੇ ਭਾਜਪਾ ਨੂੰ ਯਕੀਨੀ ਤੌਰ 'ਤੇ 370 ਸੀਟਾਂ ਮਿਲਣਗੀਆਂ, ਪੀਐਮ ਮੋਦੀ ਨੇ ਕੀਤਾ ਦਾਅਵਾ
ਪੀਐਮ ਮੋਦੀ ਨੇ ਦਾਅਵਾ ਕੀਤਾ, "ਸਾਡੀ ਸਰਕਾਰ ਦਾ ਤੀਜਾ ਕਾਰਜਕਾਲ ਜ਼ਿਆਦਾ ਦੂਰ ਨਹੀਂ ਹੈ। ਸਿਰਫ਼ 100-125 ਦਿਨ ਬਚੇ ਹਨ। ਮੈਂ ਅੰਕੜਿਆਂ 'ਤੇ ਨਹੀਂ ਜਾਂਦਾ, ਪਰ ਮੈਂ ਦੇਸ਼ ਦਾ ਮੂਡ ਦੇਖ ਸਕਦਾ ਹਾਂ। ਇਸ ਨਾਲ ਐਨ.ਡੀ.ਏ. ਨੂੰ 400 ਅਤੇ ਭਾਜਪਾ ਨੂੰ ਯਕੀਨੀ ਤੌਰ 'ਤੇ 370 ਸੀਟਾਂ ਮਿਲਣਗੀਆਂ। ਤੀਜਾ ਕਾਰਜਕਾਲ ਬਹੁਤ ਵੱਡੇ ਫੈਸਲੇ ਲੈਣ ਨਾਲ ਭਰਪੂਰ ਹੋਵੇਗਾ।
'ਕਾਂਗਰਸ ਦੀ ਰਫਤਾਰ ਨਾਲ ਕੰਮ ਹੁੰਦਾ ਤਾਂ 100 ਸਾਲ ਲੱਗ ਜਾਂਦੇ', ਪੀਐਮ ਮੋਦੀ ਨੇ ਸਾਧਿਆ ਨਿਸ਼ਾਨਾ
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਵਿਰੋਧੀ ਧਿਰ ਕਾਂਗਰਸ 'ਤੇ ਨਿਸ਼ਾਨਾ ਸਾਧਦਿਆਂ ਹੋਇਆਂ ਕਿਹਾ ਕਿ ਅੱਜ ਦੇਸ਼ 'ਚ ਜਿਸ ਰਫਤਾਰ ਨਾਲ ਕੰਮ ਹੋ ਰਿਹਾ ਹੈ, ਕਾਂਗਰਸ ਸਰਕਾਰ ਉਸ ਦੀ ਕਲਪਨਾ ਵੀ ਨਹੀਂ ਕਰ ਸਕਦੀ। ਅਸੀਂ ਗਰੀਬਾਂ ਲਈ 4 ਕਰੋੜ ਘਰ ਬਣਾਏ, ਜਿਨ੍ਹਾਂ ਵਿੱਚੋਂ 80 ਲੱਖ ਪੱਕੇ ਘਰ ਸ਼ਹਿਰੀ ਗਰੀਬਾਂ ਲਈ ਬਣਾਏ ਗਏ। ਜੇਕਰ ਕਾਂਗਰਸ ਦੀ ਰਫਤਾਰ ਨਾਲ ਕੰਮ ਹੋਇਆ ਹੁੰਦਾ ਤਾਂ ਇੰਨਾ ਕੰਮ ਪੂਰਾ ਕਰਨ ਲਈ 100 ਸਾਲ ਲੱਗ ਜਾਂਦੇ, 100 ਪੀੜ੍ਹੀਆਂ ਬੀਤ ਜਾਣੀਆਂ ਸਨ।
ਪੀਐਮ ਮੋਦੀ ਨੇ ਨਹਿਰੂ ਅਤੇ ਇੰਦਰਾ 'ਤੇ ਨਿਸ਼ਾਨਾ ਸਾਧਿਆ
ਪੀਐਮ ਮੋਦੀ ਨੇ ਕਿਹਾ ਕਿ ਇੰਦਰਾ ਗਾਂਧੀ ਦੀ ਸੋਚ ਜਵਾਹਰ ਲਾਲ ਨਹਿਰੂ ਤੋਂ ਬਹੁਤੀ ਵੱਖਰੀ ਨਹੀਂ ਸੀ। ਉਨ੍ਹਾਂ ਨੇ ਲਾਲ ਕਿਲ੍ਹੇ ਤੋਂ ਕਿਹਾ ਸੀ - ਬਦਕਿਸਮਤੀ ਨਾਲ ਸਾਡੀ ਆਦਤ ਹੈ ਕਿ ਜਦੋਂ ਕੋਈ ਸ਼ੁਭ ਕੰਮ ਪੂਰਾ ਹੋਣ ਵਾਲਾ ਹੁੰਦਾ ਹੈ ਤਾਂ ਅਸੀਂ ਆਤਮ-ਸੰਤੁਸ਼ਟੀ ਦੀ ਭਾਵਨਾ ਨਾਲ ਦੁਖੀ ਹੋ ਜਾਂਦੇ ਹਾਂ ਅਤੇ ਜਦੋਂ ਕੋਈ ਮੁਸ਼ਕਲ ਆਉਂਦੀ ਹੈ ਤਾਂ ਅਸੀਂ ਨਾ-ਉੱਮੀਦ ਹੋ ਜਾਂਦੇ ਹਾਂ।
ਪੀਐਮ ਮੋਦੀ ਨੇ ਕਿਹਾ ਕਿ ਨਹਿਰੂ ਜੀ ਨੇ ਲਾਲ ਕਿਲ੍ਹੇ ਤੋਂ ਕਿਹਾ ਸੀ- ਭਾਰਤ ਵਿੱਚ ਆਮ ਤੌਰ 'ਤੇ ਮਿਹਨਤ ਕਰਨ ਦੀ ਆਦਤ ਨਹੀਂ ਹੈ। ਅਸੀਂ ਇੰਨਾ ਕੰਮ ਨਹੀਂ ਕਰਦੇ। ਜਿੰਨਾ ਯੂਰਪ, ਜਾਪਾਨ, ਚੀਨ, ਰੂਸ ਅਤੇ ਅਮਰੀਕਾ ਕਰਦੇ ਹਨ। ਭਾਰਤੀਆਂ ਪ੍ਰਤੀ ਨਹਿਰੂ ਜੀ ਦਾ ਨਜ਼ਰੀਆ ਇਹ ਸੀ ਕਿ ਭਾਰਤੀ ਆਲਸੀ ਹਨ।
ਇਹ ਵੀ ਪੜ੍ਹੋ: CBSE Admit Card: 10ਵੀਂ ਅਤੇ 12ਵੀਂ ਜਮਾਤ ਦੇ ਐਡਮਿਟ ਕਾਰਡ ਜਾਰੀ, ਇਦਾਂ ਕਰੋ ਡਾਊਨਲੋਡ, ਇਹ ਹੈ ਡਾਇਰੈਕਟ ਲਿੰਕ