ਮੋਦੀ ਅੱਜ ਗੁਜਰਾਤ ‘ਚ ਤਿੰਨ ਰੈਲੀਆਂ ਕਰ ਰਹੇ ਹਨ। ਮੋਦੀ ਨੇ ਕਿਹਾ, “ਕਾਂਗਰਸ ਤੇ ਉਸ ਦੇ ਸਾਥੀ ਕਹਿੰਦੇ ਹਨ ਕਿ ਸਮਾਜ ‘ਚ ਜੋ ਵੀ ਮੋਦੀ ਹਨ, ਉਹ ਸਭ ਚੋਰ ਹਨ। ਇਸ ਵਾਰ ਤਾਂ ਉਨ੍ਹਾਂ ਨੇ ਹੱਦ ਪਾਰ ਕਰ ਕਰਦੇ ਹੋਏ ਪੂਰੇ ਪੱਛੜੇ ਸਮਾਜ ਨੂੰ ਹੀ ਗਾਲ਼ ਕੱਢੀ ਹੈ। ਮੈਨੂੰ ਗਾਲ਼ ਦੇਓ, ਮੈਂ ਬਰਦਾਸ਼ਤ ਕਰ ਲਵਾਂਗਾ। ਦਲਿਤ, ਆਦਿਵਾਸੀ ਨੂੰ ਕਿਸੇ ਨੇ ਵੀ ਅਪਮਾਨਿੱਤ ਕਰਨ ਲਈ ਚੋਰ ਕਿਹਾ ਤਾਂ ਮੋਦੀ ਤੇ ਦੇਸ਼ ਬਰਦਾਸ਼ਤ ਨਹੀਂ ਕਰੇਗਾ।”
ਮੋਦੀ ਨੇ ਕਿਹਾ, “ਜੋ ਲੋਕ ਦਿੱਲੀ ‘ਚ ਏਅਰ ਕੰਡੀਸ਼ਨਰ ਕਮਰਿਆਂ ‘ਚ ਬੈਠ ਕੇ ਕਿਆਸ ਲਾਉਂਦੇ ਹਨ, ਉਨ੍ਹਾਂ ਲੋਕਾਂ ਨੂੰ ਇਸ ਦੇਸ਼ ਦੀ ਧਰਤੀ ਦੀ ਸੱਚਾਈ ਨਹੀਂ ਪਤਾ। ਹੁਣ ਸਮਝ ਆਵੇਗੀ ਕਿ ਸ਼ਰਦ ਰਾਓ ਨੇ ਮੈਦਾਨ ਕਿਉਂ ਛੱਡ ਦਿੱਤਾ। ਸ਼ਰਦ ਰਾਓ ਵੀ ਖਿਡਾਰੀ ਹਨ, ਉਹ ਹਵਾ ਦਾ ਰੁਖ ਜਾਣਦੇ ਹਨ ਤੇ ਆਪਣਾ ਨੁਕਸਾਨ ਕਦੇ ਨਹੀਂ ਹੋਣ ਦੇਣਗੇ।”