ਨਵੀਂ ਦਿੱਲੀ: ਰਾਸ਼ਨ ਕਾਰਡ ਦੇ ਬਹੁਤ ਸਾਰੇ ਫਾਇਦੇ ਹਨ। ਇਸ ਲਈ ਪਰਿਵਾਰਕ ਮੈਂਬਰਾਂ ਦਾ ਨਾਂਅ ਇਸ 'ਚ ਦਰਜ ਕਰਾਉਣਾ ਜ਼ਰੂਰੀ ਹੈ। ਇਸ ਲਈ ਪਰੇਸ਼ਾਨ ਹੋਣ ਦੀ ਲੋੜ ਨਹੀਂ ਹੈ ਇਹ ਕੰਮ ਤੁਸੀਂ ਆਸਾਨੀ ਨਾਲ ਕਰ ਸਕਦੇ ਹੋ। ਨਵਾਂ ਨਾਂਅ ਐਡ ਕਰਾਉਣ ਲਈ ਤੁਸੀਂ ਆਫਲਾਈਨ ਜਾਂ ਆਨਲਾਈਨ ਮੋਡ ਚੁਣ ਸਕਦੇ ਹੋ।
ਰਾਸ਼ਨ ਕਾਰਡ 'ਚ ਨਾਂਅ ਐਡ ਕਰਨ ਦੀ ਪ੍ਰਕਿਰਿਆ ਕੀ ਹੈ ਤੇ ਕੀ-ਕੀ ਦਸਤਾਵੇਜ਼ ਇਸ ਲਈ ਚਾਹੀਦੇ ਹਨ। ਇਸੇ 'ਤੇ ਆਧਾਰਤ ਹੈ ਇਹ ਵਿਸਥਾਰ ਖ਼ਬਰ।
ਇਸ ਤਰ੍ਹਾਂ ਜੋੜੋ ਨਾਂਅ
ਜੇਕਰ ਕਿਸੇ ਬੱਚੇ ਦਾ ਨਾਂਅ ਰਾਸ਼ਨ ਕਾਰਡ 'ਚ ਜੋੜਨਾ ਹੈ ਤਾਂ ਤੁਹਾਡੇ ਘਰ ਦੇ ਮੁਖੀ ਦਾ ਰਾਸ਼ਨ ਕਾਰਡ (ਫੋਟੋਕਾਪੀ ਤੇ ਓਰਿਜਨਲ ਦੋਵੇਂ) ਬੱਚੇ ਦਾ ਜਨਮ ਪ੍ਰਮਾਣ ਪੱਤਰ ਤੇ ਬੱਚੇ ਦੇ ਮਾਤਾ ਪਿਤਾ ਦੋਵਾਂ ਦੇ ਆਧਾਰ ਕਾਰਡ ਦੀ ਲੋੜ ਹੋਵੇਗੀ।
ਜੇਕਰ ਵਿਆਹ ਤੋਂ ਬਾਅਦ ਆਈ ਬਹੂ ਦਾ ਨਾਂਅ ਜੁੜਵਾਉਣਾ ਹੈ ਤਾਂ ਮਹਿਲਾ ਦਾ ਆਧਾਰ ਕਾਰਡ, ਮੈਰਿਜ ਸਰਟੀਫਿਕੇਟ, ਪਤੀ ਦਾ ਰਾਸ਼ਨ ਕਾਰਡ ਤੇ ਪਹਿਲਾਂ ਮਾਤਾ ਪਿਤਾ ਦੇ ਘਰ ਜੋ ਰਾਸ਼ਨ ਕਾਰਡ ਸੀ ਉਸ ਤੋਂ ਨਾਂਅ ਹਟਵਾਉਣ ਦਾ ਪ੍ਰਮਾਣ ਪੱਤਰ ਹੋਣਾ ਚਾਹੀਦਾ ਹੈ।
ਆਨਲਾਈਨ ਇਸ ਤਰ੍ਹਾਂ ਜੋੜੋ ਨਾਂਅ
ਸਭ ਤੋਂ ਪਹਿਲਾਂ ਸੂਬੇ ਦੀ ਖਾਧ ਆਪੂਰਤੀ ਦੀ ਆਫੀਸ਼ੀਅਲ ਵੈਬਸਾਈਟ 'ਤੇ ਜਾਓ।
ਫਿਰ ਲੌਗਇਨ ਆਈਡੀ ਬਣਾਓ, ਜੇਕਰ ਪਹਿਲਾਂ ਤੋਂ ਆਈਡੀ ਹੈ ਤਾਂ ਉਸ ਨੂੰ ਲੌਗਇਨ ਕਰੋ।
ਹੋਮ ਪੇਜ 'ਤੇ ਜਾਓ, ਨਵੇਂ ਮੈਂਬਰ ਦਾ ਨਾਂਅ ਜੋੜਨ ਦੀ ਆਪਸ਼ਨ ਦਿਖਾਈ ਦੇਵੇਗੀ।
ਇਸ 'ਤੇ ਕਲਿੱਕ ਕਰਕੇ ਨਵਾਂ ਫਾਰਮ ਆ ਜਾਵੇਗਾ।
ਇੱਥੇ ਆਪਣੇ ਪਰਿਵਾਰ ਦੇ ਨਵੇਂ ਮੈਂਬਰ ਦੀ ਸਹੀ-ਸਹੀ ਜਾਣਕਾਰੀ ਭਰੋ।
ਫਾਰਮ ਦੇ ਨਾਲ ਤਹਾਨੂੰ ਜ਼ਰੂਰੀ ਦਸਤਾਵੇਜ਼ਾਂ ਦੀ ਸੌਫਟ ਕੌਪੀ ਵੀ ਅਪਲੋਡ ਕਰਨੀ ਹੋਵੇਗੀ।
ਫਾਰਮ ਸਬਮਿਟ ਕਰਨ ਤੋਂ ਬਾਅਦ ਇਕ ਰਜਿਸਟ੍ਰੇਸ਼ਨ ਨੰਬਰ ਵੀ ਆਵੇਗਾ।
ਇਸ ਨਾਲ ਤੁਸੀਂ ਇਸ ਪੋਰਟਲ 'ਤੇ ਆਪਣਾ ਫਾਰਮ ਟ੍ਰੈਕ ਕਰ ਸਕਦੇ ਹੋ।
ਫਾਰਮ ਤੇ ਦਸਤਾਵੇਜ਼ ਨੂੰ ਅਧਿਕਾਰੀ ਚੈੱਕ ਕਰਨਗੇ।
ਜੇਕਰ ਸਭ ਸਹੀ ਰਿਹਾ ਤਾਂ ਤੁਹਾਡੇ ਫਾਰਮ ਨੂੰ ਅਕਸੈਪਟ ਕਰ ਲਿਆ ਜਾਵੇਗਾ ਤੇ ਪੋਸਟ ਜ਼ਰੀਏ ਰਾਸ਼ਨ ਕਾਰਡ ਤੁਹਾਡੇ ਘਰ ਪਹੁੰਚਾ ਦਿੱਤਾ ਜਾਵੇਗਾ।