ਬੀਜੇਪੀ ਦੇ ਇੱਕ ਹੋਰ ਵਿਧਾਇਕ ਨੂੰ ਮਿਲੀ ਜਾਨੋਂ ਮਾਰਨ ਦੀ ਧਮਕੀ, ਪਾਕਿਸਤਾਨ ਦੇ ਨੰਬਰ ਤੋਂ ਮਿਲਿਆ ਮੈਸੇਜ

ਜਿਸ ਨੰਬਰ ਤੋਂ ਉਸਨੂੰ ਧਮਕੀ ਮਿਲੀ ਹੈ, ਉਹ ਪਾਕਿਸਤਾਨ ਤੋਂ ਦੱਸਿਆ ਜਾ ਰਿਹਾ ਹੈ। ਇਸ ਦੇ ਨਾਲ ਹੀ ਡਿਪਟੀ ਕਮਿਸ਼ਨਰ (ਜ਼ੋਨ ਤੀਜਾ) ਰਾਜੇਸ਼ ਕੁਮਾਰ ਸਿੰਘ ਨੇ ਕਿਹਾ, “ਵਿਧਾਇਕ ਤੇਜਪਾਲ ਸਿੰਘ ਨਗਰ ਦੀ ਸ਼ਿਕਾਇਤ ‘ਤੇ ਥਾਣਾ ਦਾਦਰੀ ਨੇ ਕੇਸ ਦਰਜ ਕਰ ਲਿਆ ਹੈ।

ਨੋਇਡਾ: ਯੂਪੀ ਦੇ ਇੱਕ ਹੋਰ ਭਾਜਪਾ ਵਿਧਾਇਕ ਨੂੰ ਜਾਨ ਤੋਂ ਮਾਰਨ ਦੀ ਧਮਕੀ ਦਿੱਤੀ ਗਈ ਹੈ। ਦੱਸ ਦਈਏ ਕਿ ਇਟਾਵਾ ਸਦਰ ਤੋਂ ਵਿਧਾਇਕ ਸਰਿਤਾ ਭਦੋਰੀਆ ਤੋਂ ਬਾਅਦ ਹੁਣ ਦਾਦਰੀ ਹਲਕੇ ਤੋਂ ਵਿਧਾਇਕ ਤੇਜਪਾਲ ਨਾਗਰ ਨੂੰ ਧਮਕੀ ਭਰੀਆ ਮੈਸੇਜ ਮਿਲਿਆ ਹੈ। ਵਿਧਾਇਕ ਤੇਜਪਾਲ ਨਗਰ ਨੂੰ ਇਹ ਧਮਕੀ ਵ੍ਹੱਟਸਐਪ ਕਾਲ ਤੇ ਮੈਸੇਜ ਰਾਹੀਂ ਮਿਲੀ ਹੈ। ਦੱਸ ਦਈਏ ਕਿ ਜਿਸ ਨੰਬਰ ਤੋਂ ਉਸਨੂੰ ਧਮਕੀ ਮਿਲੀ ਹੈ, ਉਹ ਪਾਕਿਸਤਾਨ ਤੋਂ ਦੱਸਿਆ ਜਾ ਰਿਹਾ ਹੈ। ਇਸ ਦੇ ਨਾਲ ਹੀ ਡਿਪਟੀ ਕਮਿਸ਼ਨਰ (ਜ਼ੋਨ ਤੀਜਾ) ਰਾਜੇਸ਼ ਕੁਮਾਰ ਸਿੰਘ ਨੇ ਕਿਹਾ, “ਵਿਧਾਇਕ ਤੇਜਪਾਲ ਸਿੰਘ ਨਗਰ ਦੀ ਸ਼ਿਕਾਇਤ ‘ਤੇ ਥਾਣਾ ਦਾਦਰੀ ਨੇ ਕੇਸ ਦਰਜ ਕਰ ਲਿਆ ਹੈ। ਵਿਧਾਇਕ ਦੀ ਸੁਰੱਖਿਆ ਵਧਾ ਦਿੱਤੀ ਗਈ ਹੈ ਤੇ ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।" ਉਧਰ ਵਿਧਾਇਕ ਤੇਜਪਾਲ ਨਗਰ ਨੇ ਦੱਸਿਆ, “30 ਜਨਵਰੀ ਨੂੰ ਉਸ ਦੇ ਮੋਬਾਈਲ ਫੋਨ 'ਤੇ ਕਈ ਮੈਸੇਜ ਆਏ, ਜਿਸ ਵਿੱਚ ਉਸਨੂੰ ਜਾਨ ਤੋਂ ਮਾਰਨ ਦੀ ਧਮਕੀ ਦਿੱਤੀ ਗਈ ਸੀ। ਮੈਸੇਜ ਵਿੱਚ ਇਤਰਾਜ਼ਯੋਗ ਭਾਸ਼ਾ ਦੀ ਵਰਤੋਂ ਵੀ ਕੀਤੀ ਗਈ ਸੀ।” ਵਿਧਾਇਕ ਨੇ ਕਿਹਾ ਕਿ ਜਿਸ ਸਮੇਂ ਖਾਣਾ ਇੰਚਾਰਜ ਉਸ ਦੇ ਘਰ ਪਹੁੰਚਿਆ ਸੀ ਉਸ ਸਮੇਂ ਧਮਕੀ ਦੇਣ ਵਾਲੇ ਦਾ ਫੋਨ ਵੀ ਮਿਲਿਆ ਸੀ। ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਇਟਾਵਾ ਤੋਂ ਭਾਜਪਾ ਵਿਧਾਇਕ ਸਦਰ ਭਦੋਰੀਆ ਨੂੰ ਵੀ ਪਾਕਿਸਤਾਨ ਵੱਲੋਂ ਧਮਕੀ ਦਿੱਤੀ ਗਈ ਸੀ। ਪਾਕਿਸਤਾਨ ਦੇ ਮੋਬਾਈਲ ਨੰਬਰ ਤੋਂ ਭੇਜੇ ਗਏ ਵ੍ਹੱਟਸਐਪ ਮੈਸੇਜ ਵਿਚ ਉਸ ਨੂੰ ਖ਼ੁਦ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਭਾਜਪਾ ਅਤੇ ਆਰਐਸਐਸ ਦੇ ਸੀਨੀਅਰ ਨੇਤਾਵਾਂ ਨੂੰ ਜਾਨੋਂ ਮਾਰਨ ਦੀ ਧਮਕੀ ਦਿੱਤੀ ਗਈ ਹੈ।

ਇਹ ਵੀ ਪੜ੍ਹੋ:  Budget 2021 Income Tax Slab: ਟੈਕਸ ਰਾਹਤ ਦੀ ਉਮੀਦ ਕਰਨ ਵਾਲਿਆਂ ਨੂੰ ਝਟਕਾ, ਵੇਖੋ ਟੈਕਸ ਸਲੈਬ

ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ: https://play.google.com/store/apps/details?id=com.winit.starnews.hin https://apps.apple.com/in/app/abp-live-news/id811114904