ਮਮਤਾ ਨੇ ਮੋਦੀ ਨੂੰ ਚੁਣੌਤੀ ਦਿੰਦੀਆਂ ਕਿਹਾ ਕਿ ਉਹ ਜੋ ਕਹਿ ਰਹੇ ਹਨ ਜਾਂ ਤਾਂ ਸਾਬਤ ਕਰਨ ਨਹੀਂ ਤਾਂ ਅਸੀਂ ਉਨ੍ਹਾਂ ਨੂੰ ਜੇਲ੍ਹ ‘ਚ ਸੁੱਟ ਦਿਆਂਗੇ। ਮਮਤਾ ਨੇ ਕਿਹਾ, “ਉਹ ਕਹਿੰਦੇ ਹਨ ਕਿ ਈਸ਼ਵਰਚੰਦ ਦੀ ਮੂਰਤੀ ਬਣਾਉਣਗੇ। ਬੰਗਾਲ ਕੋਲ ਪੈਸਾ ਹੈ ਕਿ ਉਹ ਆਪ ਬੁੱਤ ਬਣਵਾ ਸਕਣ ਪਰ ਕੀ ਉਹ ਸਾਨੂੰ 200 ਸਾਲ ਦੀ ਸਾਡੀ ਵਿਰਾਸਤ ਸਾਨੂੰ ਵਾਪਸ ਕਰ ਸਕਦੇ ਹਨ। ਸਾਡੇ ਕੋਲ ਸਬੂਤ ਹੈ ਤੇ ਇਸ ਦੇ ਬਾਵਜੂਦ ਉਹ ਕਹਿ ਰਹੇ ਹਨ ਟੀਐਮਸੀ ਨੇ ਇਹ ਕੀਤਾ ਹੈ। ਆਪਣੇ ਇਲਜ਼ਾਮ ਉਹ ਸਾਬਤ ਕਰਨ ਨਹੀਂ ਤਾਂ ਅਸੀਂ ਉਨ੍ਹਾਂ ਨੂੰ ਜੇਲ਼੍ਹ ‘ਚ ਸੁੱਟ ਦਿਆਂਗੇ।”
ਈਸ਼ਵਰਚੰਦ ਦਾ ਬੁੱਤ ਟੁੱਟਣ ਤੋਂ ਬਾਅਦ ਦੋਵਾਂ ਪਾਰਟੀਆਂ ‘ਚ ਜ਼ੁਬਾਨੀ ਜੰਗ ਜਾਰੀ ਹੈ। ਦੋਵੇਂ ਪਾਰਟੀਆਂ ਇੱਕ-ਦੂਜੇ ‘ਤੇ ਬੁੱਤ ਤੋੜਨ ਦਾ ਇਲਜ਼ਾਮ ਲੱਗਾ ਰਹੀਆਂ ਹਨ। ਇਹ ਘਟਨਾ ਮੰਗਲਵਾਰ ਦੀ ਹੈ ਜਦੋਂ ਅਮਿਤ ਸ਼ਾਹ ਨੇ ਕੋਲਕਾਤਾ ‘ਚ ਰੋਡ ਸ਼ੋਅ ਕੀਤਾ ਸੀ। ਇਸ ਦੌਰਾਨ ਟੀਐਮਸੀ ਤੇ ਬੀਜੇਪੀ ਸਮਰਥਕਾਂ ‘ਚ ਝੜਪ ਦੌਰਾਨ ਮੂਰਤੀ ਟੁੱਟ ਗਈ ਸੀ।