Gautam Gambhir Attacks On AAP : ਦਿੱਲੀ ਨਗਰ ਨਿਗਮ 'ਚ (Delhi Municipal Corporation) ਮੇਅਰ, ਡਿਪਟੀ ਮੇਅਰ ਦੇ ਨਾਲ-ਨਾਲ ਸਥਾਈ ਕਮੇਟੀ ਮੈਂਬਰਾਂ ਦੀਆਂ ਚੋਣਾਂ 'ਚ ਝੜਪਾਂ ਅਤੇ ਪੰਜਾਬ (Punjab) 'ਚ ਵਾਰਿਸ ਪੰਜਾਬ ਦੇ (Waris Punjab De) ਮੁਖੀ ਅੰਮ੍ਰਿਤਪਾਲ ਸਿੰਘ (Amritpal Singh) ਦੇ ਸਮਰਥਕਾਂ ਦੇ ਹੰਗਾਮੇ 'ਤੇ ਭਾਜਪਾ ਸੰਸਦ ਗੌਤਮ ਗੰਭੀਰ ਨੇ ਆਮ ਆਦਮੀ ਪਾਰਟੀ 'ਤੇ ਹਮਲਾ ਬੋਲਿਆ ਹੈ। ਸਭ ਤੋਂ ਪਹਿਲਾਂ MCD ਦੇ ਹੰਗਾਮੇ ਅਤੇ ਕੁੱਟਮਾਰ ਦੇ ਦੋਸ਼ ਭਾਜਪਾ 'ਤੇ ਲੱਗਣ 'ਤੇ ਗੌਤਮ ਗੰਭੀਰ ਨੇ ਕਿਹਾ ਕਿ ਪਿਛਲੇ 8 ਸਾਲਾਂ ਤੋਂ ਸਿਰਫ ਦੋਸ਼ ਲੱਗੇ ਹਨ। ਪਹਿਲਾਂ ਕੇਂਦਰ ਸਰਕਾਰ, ਫਿਰ LG, ਫਿਰ ਸੰਸਦ ਮੈਂਬਰਾਂ 'ਤੇ ਅਤੇ ਹੁਣ MCD ਨੂੰ ਲੈ ਕੇ।
'ਆਪ' 'ਤੇ ਨਿਸ਼ਾਨਾ ਸਾਧਦੇ ਹੋਏ ਗੌਤਮ ਗੰਭੀਰ ਨੇ ਕਿਹਾ ਕਿ ਉਨ੍ਹਾਂ ਦੇ ਡੀਐਨਏ 'ਚ ਸਿਰਫ ਇੱਕ ਚੀਜ਼ ਦੋਸ਼ ਲਗਾਉਣਾ ਅਤੇ ਇਸ ਦੇ ਪਿੱਛੇ ਲੁਕ ਕੇ ਰਾਜਨੀਤੀ ਕਰਨਾ ਹੈ। ਅਜਿਹੀ ਰਾਜਨੀਤੀ ਕਰਨਾ ,ਜਿੱਥੇ ਲੋਕਾਂ ਦੀਆਂ ਜੇਬਾਂ ਵਿੱਚੋਂ ਪੈਸੇ ਵਸੂਲ ਕਰੋ ਅਤੇ ਦੂਜੇ ਰਾਜਾਂ ਵਿੱਚ ਚੋਣ ਲੜੋ ,ਕਿਉਂਕਿ ਤੁਸੀਂ ਸਭ ਕੁਝ ਮੁਫਤ ਵਿੱਚ ਦਿੱਤਾ ਹੈ।
ਇਹ ਵੀ ਪੜ੍ਹੋ : ਅੰਮ੍ਰਿਤਪਾਲ ਸਿੰਘ ਤੇ ਵੱਡਾ ਐਕਸ਼ਨ, ਸੋਸ਼ਲ ਮੀਡੀਆ ਖਾਤੇ ਕੀਤੇ ਬੈਨ
ਗੌਤਮ ਗੰਭੀਰ ਨੇ ਸੀਐਮ ਮਾਨ 'ਤੇ ਸਾਧਿਆ ਨਿਸ਼ਾਨਾ
ਇਸ ਦੌਰਾਨ ਅੰਮ੍ਰਿਤਪਾਲ ਸਿੰਘ ਦੇ ਸਮਰਥਕਾਂ ਅਤੇ ਖਾਲਿਸਤਾਨੀਆਂ ਦੇ ਹੰਗਾਮੇ ਸਬੰਧੀ ਉਨ੍ਹਾਂ ਕਿਹਾ ਕਿ ਜਦੋਂ ਅਜਿਹੀਆਂ ਤਸਵੀਰਾਂ ਆ ਰਹੀਆਂ ਸਨ ਤਾਂ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਕਿੱਥੇ ਸਨ? ਮੁੰਬਈ 'ਚ ਸੀ, ਦੂਜੀ ਪਾਰਟੀ ਦੇ ਪ੍ਰਧਾਨ ਨਾਲ ਬੈਠ ਕੇ ਤਸਵੀਰਾਂ ਖਿੱਚਵਾ ਰਹੇ ਸਨ, ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਓਦੋਂ ਕਿੱਥੇ ਸਨ ,ਜਦੋਂ ਸਦਨ 'ਚ ਹੰਗਾਮਾ ਹੋ ਰਿਹਾ ਸੀ, ਉਹ ਵੀ ਮੁੰਬਈ 'ਚ ਸਨ।
ਮੋਦੀ ਬਨਾਮ ਕੌਣ ਦੇ ਸਵਾਲ 'ਤੇ ਗੌਤਮ ਗੰਭੀਰ ਕੀ ਬੋਲੇ ?
ਇਕ ਪਾਸੇ ਸ਼ਨੀਵਾਰ ਨੂੰ ਕਾਂਗਰਸ ਦੀ ਜਨਰਲ ਕਨਵੈਨਸ਼ਨ ਹੋ ਰਹੀ ਹੈ, ਦੂਜੇ ਪਾਸੇ ਸ਼ਨੀਵਾਰ ਨੂੰ ਬਿਹਾਰ 'ਚ ਮਹਾਗਠਜੋੜ ਦੀ ਵਿਸ਼ਾਲ ਰੈਲੀ ਹੋ ਰਹੀ ਹੈ ਤਾਂ 2024 ਵਿੱਚ ਮੋਦੀ ਬਨਾਮ ਕੌ ਣ? ਇਸ ਸਵਾਲ ਦੇ ਜਵਾਬ 'ਚ ਗੌਤਮ ਗੰਭੀਰ ਨੇ ਕਿਹਾ ਕਿ ਪੀ.ਐੱਮ. ਬਨਾਮ ਕੋਈ ਵੀ। ਦੇਸ਼ ਪ੍ਰਧਾਨ ਮੰਤਰੀ ਦੇ ਨਾਲ ਹੈ, ਜਦੋਂ ਪੂਰਾ ਦੇਸ਼ ਉਨ੍ਹਾਂ ਦੇ ਨਾਲ ਹੈ, ਚਾਹੇ ਕੋਈ ਵੀ ਸਾਹਮਣੇ ਹੋਵੇ, ਅਸਲ ਤਾਕਤ ਜਨਤਾ ਹੈ। ਜਨਤਾ ਤੈਅ ਕਰ ਚੁੱਕੀ ਹੈ। ਜਦੋਂ ਯੂਪੀ ਵਿੱਚ ਮਹਾਗਠਜੋੜ ਬਣਿਆ ਸੀ , ਭਾਜਪਾ ਦੇ ਸਾਹਮਣੇ ਲੜ ਰਹੇ ਸਨ , ਓਦੋਂ ਕੀ ਹੋਇਆ ,ਜੋ ਵਿਕਾਸ ਕਰਨਾ ਚਾਹੁੰਦੇ ਹਨ, ਦੇਸ਼ ਨੂੰ ਅੱਗੇ ਲਿਜਾਣਾ ਚਾਹੁੰਦੇ ਹਨ, ਉਨ੍ਹਾਂ ਨੂੰ ਕਿਸੇ ਗੱਲ ਦੀ ਚਿੰਤਾ ਕਰਨ ਦੀ ਲੋੜ ਨਹੀਂ ਹੈ। ਭਾਜਪਾ ਨਾ ਤਾਂ ਕਿਸੇ ਮਹਾਂਗਠਜੋੜ ਤੋਂ ਡਰਦੀ ਹੈ ਅਤੇ ਨਾ ਹੀ ਡਰੇਗੀ।