ਨਵੀਂ ਦਿੱਲੀ: ਪੱਛਮੀ ਬੰਗਾਲ ਵਿੱਚ ਤਸਵੀਰ ਕਾਫੀ ਸਾਫ ਹੋ ਗਈ ਹੈ। ਮਮਤਾ ਬੈਨਰਜੀ ਦੀ ਤ੍ਰਿਣਮੂਲ ਕਾਂਗਰਸ (TMC) ਰੁਝਾਨਾਂ ਵਿੱਚ ਭਾਜਪਾ ਤੋਂ ਕਾਫੀ ਅੱਗੇ ਨਿਕਲ ਚੁੱਕੀ ਹੈ ਤੇ 200 ਦਾ ਅੰਕੜਾ ਪਾਰ ਕਰ ਚੁੱਕੀ ਹੈ। ਕੋਈ ਵੀ ਐਗਜ਼ਿਟ ਪੋਲ ਇਹ ਨਹੀਂ ਦੱਸਿਆ ਸਕਿਆ ਸੀ ਕਿ ਮਮਤਾ 200 ਤੋਂ ਵੱਧ ਸੀਟਾਂ ਲੈ ਜਾਏਗੀ।
ਸਮਾਜਵਾਦੀ ਪਾਰਟੀ ਦੇ ਅਖੀਲੇਸ਼ ਯਾਦਵ ਨੇ ਤਾਂ ਦੀਦੀ ਨੂੰ ਟਵੀਟ ਕਰਕੇ ਵਧਾਈ ਵੀ ਦੇ ਦਿੱਤੀ ਹੈ।
ਘਾਤਕ ਕੋਰੋਨਾ ਮਹਾਮਾਰੀ ਵਿਚਾਲੇ ਪੂਰਾ ਦੇਸ਼ ਮੋਦੀ ਸਰਕਾਰ ਦੀ ਆਲੋਚਨਾ ਕਰ ਰਿਹਾ ਹੈ, ਇੱਥੋਂ ਤੱਕ ਕਿ ਭਾਜਪਾ ਸਮਰਥਕ ਵੀ ਸਰਕਾਰ ਅਤੇ ਪਾਰਟੀ ਲੀਡਰਸ਼ਿਪ ਤੋਂ ਨਾਰਾਜ਼ ਹਨ। ਇਸ ਸਭ ਦੇ ਵਿਚਕਾਰ, ਪੱਛਮੀ ਬੰਗਾਲ ਦੀ ਹਾਰ ਭਾਜਪਾ ਲਈ ਕੋਰੋਨਾ ਪੌਜ਼ੇਟਿਵ ਰਿਪੋਰਟ ਵਰਗੀ ਹੈ। ਭਾਜਪਾ ਨੂੰ ਇੱਥੇ ਵੋਟਾਂ ਦੀ ਲੋੜੀਂਦੀ ਆਕਸੀਜਨ ਨਹੀਂ ਮਿਲ ਸਕੀ। ਹਾਲਾਂਕਿ, ਆਸਾਮ ਵਿੱਚ ਭਾਜਪਾ ਅੱਗੇ ਹੈ। ਅਜਿਹੀ ਸਥਿਤੀ ਵਿਚ, ਪਾਰਟੀ ਵੈਂਟੀਲੇਟਰ 'ਤੇ ਜਾਣ ਤੋਂ ਜ਼ਰੂਰ ਬੱਚ ਗਈ ਹੈ।
ਕੋਰੋਨਾ ਦੀ ਖ਼ਤਰਨਾਕ ਸੁਨਾਮੀ ਵਿਚਾਲੇ ਮੋਦੀ ਲਹਿਰ ਠਹਿਰ ਗਈ ਹੈ।ਕੀ ਇਨ੍ਹਾਂ ਨਤੀਜਿਆਂ ਦਾ ਮੋਦੀ ਦੇ ਰਾਜਨੀਤਿਕ ਕੱਦ 'ਤੇ ਕੋਈ ਅਸਰ ਪਏਗਾ? ਇਸ 'ਤੇ ਸਿਆਸੀ ਵਿਸ਼ਲੇਸ਼ਕ ਐਸ ਅਨਿਲ ਦਾ ਕਹਿਣਾ ਹੈ ਕਿ "ਮੋਦੀ ਅਤੇ ਭਾਜਪਾ ਨੇ ਬੰਗਾਲ ਵਿੱਚ ਆਪਣੀ ਸਾਰੀ ਤਾਕਤ ਲਗਾ ਦਿੱਤੀ ਸੀ। ਇਸਨੇ ਅਜਿਹਾ ਮਾਹੌਲ ਵੀ ਬਣਾਇਆ ਕਿ ਭਾਜਪਾ ਜਿੱਤ ਰਹੀ ਹੈ।
ਇਸ ਦੇ ਬਾਵਜੂਦ ਟੀਐਮਸੀ ਦੀ ਜਿੱਤ ਭਾਜਪਾ ਅਤੇ ਮੋਦੀ ਲਈ ਕਿਸੇ ਝਟਕੇ ਤੋਂ ਘੱਟ ਨਹੀਂ ਹੈ। ਹਾਂ, ਜੇ ਦੀਦੀ ਮਮਤਾ ਬੈਨਰਜੀ ਨੰਦੀਗਰਾਮ ਵਿਚ ਹਾਰ ਜਾਂਦੀ ਹੈ, ਤਾਂ ਭਾਜਪਾ ਨੂੰ ਖੁਸ਼ ਰਹਿਣ ਦਾ ਮੌਕਾ ਮਿਲ ਸਕਦਾ ਹੈ।ਭਾਜਪਾ ਦੀ ਇਸ ਹਾਰ ਦੇ ਪਿੱਛੇ ਬਹੁਤ ਸਾਰੇ ਕਾਰਨ ਹਨ, ਇਸਦਾ ਸਭ ਤੋਂ ਵੱਡਾ ਕਾਰਨ ਹੈ ਲੋੜ ਨਾਲੋਂ ਵੱਧ ਆਤਮ ਵਿਸ਼ਵਾਸ।"
ਬੰਗਾਲ ਉੱਤਰ-ਪੂਰਬੀ ਭਾਰਤ ਦਾ ਸਭ ਤੋਂ ਵੱਡਾ ਰਾਜ ਹੈ। ਵਿਧਾਨ ਸਭਾ ਸੀਟਾਂ ਦੇ ਮਾਮਲੇ ਵਿਚ ਵੀ, ਇੱਥੇ ਉੱਤਰ ਪ੍ਰਦੇਸ਼ ਤੋਂ ਬਾਅਦ 294 ਸੀਟਾਂ ਦੀ ਸਭ ਤੋਂ ਵੱਡੀ ਸੰਖਿਆ ਹੈ। ਅਜਿਹੀ ਸਥਿਤੀ ਵਿਚ ਦੇਸ਼ ਦਾ ਦੂਜਾ ਸਭ ਤੋਂ ਵੱਡਾ ਰਾਜਨੀਤਿਕ ਰਾਜ ਜਿੱਤਣਾ ਮੋਦੀ ਅਤੇ ਭਾਜਪਾ ਲਈ ਇਕ ਸੁਫਨਾ ਸਾਕਾਰ ਹੋਣ ਵਰਗਾ ਸੀ। ਇਸ ਨਾਲ, ਭਾਜਪਾ ਦੇ ਅਗਲੇ ਸਾਲ ਮਾਰਚ-ਅਪ੍ਰੈਲ ਵਿੱਚ ਦੋਹਰੇ ਮਨੋਬਲ ਨਾਲ ਉੱਤਰ ਪ੍ਰਦੇਸ਼, ਉੱਤਰਾਖੰਡ ਅਤੇ ਪੰਜਾਬ ਵਿੱਚ ਵਿਧਾਨ ਸਭਾ ਚੋਣਾਂ ਵਿੱਚ ਜਾਣ ਦਾ ਰਾਹ ਖੁੱਲ੍ਹ ਸਕਦਾ ਸੀ। ਹਾਲਾਂਕਿ, ਬੰਗਾਲ ਵਿਚ ਮਿਲੀ ਹਾਰ ਤੋਂ ਬਾਅਦ, ਭਾਜਪਾ ਨੂੰ ਇਨ੍ਹਾਂ ਰਾਜਾਂ ਵਿਚ ਵੋਟਾਂ ਦੀ ਵੈਕਸਿਨ ਦੀ ਲੋੜ ਹੋਏਗੀ।
ਯੂਪੀ ਤੇ ਉਤਰਾਖੰਡ ਦੇ ਨਾਲ ਅਗਲੇ ਸਾਲ ਪੰਜਾਬ ਵਿਚ ਵੀ ਚੋਣਾਂ ਹੋਣੀਆਂ ਹਨ। ਇੱਥੇ ਭਾਜਪਾ ਦਾ ਹਮੇਸ਼ਾ ਹੀ ਅਕਾਲੀ ਦਲ ਨਾਲ ਗੱਠਜੋੜ ਰਿਹਾ ਸੀ ਜੋ ਕੀ ਟੁੱਟ ਚੁੱਕਾ ਹੈ। ਹੁਣ ਅਕਾਲੀ ਦਲ ਇੱਥੋਂ ਦੇ ਕਿਸਾਨੀ ਲਹਿਰ ਕਾਰਨ ਭਾਜਪਾ ਤੋਂ ਵੱਖ ਹੋ ਗਿਆ ਹੈ। ਅਜਿਹੀ ਸਥਿਤੀ ਵਿਚ ਭਾਜਪਾ ਲਈ ਇੱਥੇ ਸੀਟਾਂ ਜਿੱਤਣਾ ਕੋਈ ਸੌਖਾ ਕੰਮ ਨਹੀਂ ਹੈ। ਰਾਜ ਵਿੱਚ ਭਾਜਪਾ ਦਾ ਚਿਹਰਾ ਵੀ ਨਹੀਂ ਹੈ। ਅਜਿਹੀ ਸਥਿਤੀ ਵਿਚ ਭਾਜਪਾ ਇਥੇ ਮੋਦੀ ਦੇ ਚਿਹਰੇ ਨਾਲ ਮੈਦਾਨ ਵਿੱਚ ਉਤਰੇਗੀ।
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ABP NEWS ਦਾ ਐਪ ਡਾਊਨਲੋਡ ਕਰੋ :