Safety in India: WhatsApp ਨੇ ਇੱਕ ਸਮਰਪਿਤ 'ਸੇਫਟੀ ਇਨ ਇੰਡੀਆ' ਰਿਸੋਰਸ ਹੱਬ ਲਾਂਚ ਕੀਤਾ ਹੈ, ਜਿਸ ਵਿੱਚ ਲੋਕਾਂ ਨੂੰ ਔਨਲਾਈਨ ਸੁਰੱਖਿਅਤ ਰਹਿਣ ਵਿੱਚ ਮਦਦ ਕਰਨ ਲਈ ਕਈ ਸੁਰੱਖਿਆ ਉਪਾਵਾਂ ਬਾਰੇ ਦੱਸਿਆ ਗਿਆ ਹੈ। ਰਿਸੋਰਸ ਹੱਬ ਦੀ ਸ਼ੁਰੂਆਤ ਇੰਟਰਨੈੱਟ ਦੀ ਸੁਰੱਖਿਅਤ ਵਰਤੋਂ ਨੂੰ ਉਤਸ਼ਾਹਿਤ ਕਰਨ ਲਈ WhatsApp ਦੀ ਹਫ਼ਤਾ ਭਰ ਚੱਲੀ ਮੁਹਿੰਮ #TakeCharge ਦਾ ਸ਼ੁਰੂਆਤ ਹੋਈ ਹੈ।

ਵਾਟਸਐਪ ਨੇ ਇੱਕ ਬਿਆਨ ਵਿੱਚ ਕਿਹਾ, "ਸਾਡੇ ਉਪਭੋਗਤਾਵਾਂ ਦੀ ਸੁਰੱਖਿਆ WhatsApp 'ਤੇ ਅਸੀ ਜੋ ਕੁਝ ਵੀ ਕਰਦੇ ਹਾਂ, ਉਸ ਦੇ ਮੂਲ ਵਿੱਚ ਹੈ ਅਤੇ ਇੱਕ ਸਮਰਪਿਤ ‘ਸੇਫਟੀ ਇੰਨ ਇੰਡੀਆ’ ਰਿਸੋਰਸ ਹੱਬ ਲਾਂਚ ਕਰਨਾ ਉਪਭੋਗਤਾਵਾਂ ਨੂੰ ਉਨ੍ਹਾਂ ਦੀ ਔਨਲਾਈਨ ਸੁਰੱਖਿਆ ਨੂੰ ਨਿਯੰਤਰਣ ਕਰਨ ਲਈ ਸਿਖਿਅਤ ਤੇ ਸ਼ਕਤੀ ਦੇਣ ਲਈ ਸਾਡੀ ਵਚਨਬੱਧਤਾ ਨੂੰ ਦੁਹਰਾਉਣ ਦਾ ਇੱਕ ਤਰੀਕਾ ਹੈ।"

ਵਾਟਸਐਪ ਨੇ ਕਿਹਾ, “ਸਾਲਾਂ ਦੌਰਾਨ, ਅਸੀਂ ਉਪਭੋਗਤਾ ਦੀ ਸੁਰੱਖਿਆ ਅਤੇ ਗੋਪਨੀਯਤਾ ਨੂੰ ਵਧਾਉਣ ਵਿੱਚ ਮਦਦ ਲਈ ਮਹੱਤਵਪੂਰਨ ਉਤਪਾਦ ਬਦਲਾਅ ਕੀਤੇ ਹਨ। ਨਿਰੰਤਰ ਉਤਪਾਦ ਨਵੀਨਤਾ ਤੋਂ ਇਲਾਵਾ, ਅਸੀਂ ਅਤਿ-ਆਧੁਨਿਕ ਤਕਨਾਲੋਜੀ, ਆਰਟੀਫਿਸ਼ੀਅਲ ਇੰਟੈਲੀਜੈਂਸ, ਡੇਟਾ ਵਿਗਿਆਨੀਆਂ, ਮਾਹਰਾਂ ਅਤੇ ਪ੍ਰਕਿਰਿਆਵਾਂ ਵਿੱਚ ਲਗਾਤਾਰ ਨਿਵੇਸ਼ ਕੀਤਾ ਹੈ। ਤਾਂ ਜੋਂ ਉਪਭੋਗਤਾ ਸੁਰੱਖਿਆ ਤੇ ਗੋਪਨੀਯਤਾ ਨੂੰ ਬਿਹਤਰ ਬਣਾਉਣ ਉਪਭੋਗਤਾਵਾਂ ਦੀ ਸੁਰੱਖਿਆ ਦਾ ਸਮਰਥਨ ਕੀਤਾ ਜਾਵੇ।"

ਰਿਸੋਰਸ ਹੱਬ ਔਨਲਾਈਨ ਸੁਰੱਖਿਆ, ਗੋਪਨੀਯਤਾ ਤੇ ਸੁਰੱਖਿਆ ਦੇ ਆਲੇ ਦੁਆਲੇ ਮਹੱਤਵਪੂਰਨ ਵਿਸ਼ਿਆਂ ਦੀ ਖੋਜ ਕਰਦਾ ਹੈ, ਆਮ ਮਿੱਥਾਂ ਨੂੰ ਦੂਰ ਕਰਦਾ ਹੈ, ਤੇ ਇਸ ਬਾਰੇ ਜਾਗਰੂਕਤਾ ਪੈਦਾ ਕਰਦਾ ਹੈ ਕਿ ਕਿਵੇਂ ਉਪਭੋਗਤਾ ਅੱਜ ਦੇ ਡਿਜੀਟਲੀ ਤੌਰ 'ਤੇ ਜੁੜੇ ਸੰਸਾਰ ਵਿੱਚ ਸੰਭਾਵੀ ਸਾਈਬਰ ਘੁਟਾਲਿਆਂ ਤੋਂ ਆਪਣੇ ਆਪ ਨੂੰ ਬਚਾ ਸਕਦੇ ਹਨ।

'ਸੇਫਟੀ ਇਨ ਇੰਡੀਆ' ਹੱਬ ਰਾਹੀਂ, ਵਾਟਸਐਪ ਦਾ ਉਦੇਸ਼ ਵੱਖ-ਵੱਖ ਸੁਰੱਖਿਆ ਉਪਾਵਾਂ ਅਤੇ ਇਨ-ਬਿਲਟ ਉਤਪਾਦ ਵਿਸ਼ੇਸ਼ਤਾਵਾਂ ਬਾਰੇ ਜਾਗਰੂਕਤਾ ਪੈਦਾ ਕਰਨਾ ਹੈ ਜੋ ਉਪਭੋਗਤਾਵਾਂ ਨੂੰ ਸੇਵਾ ਦੀ ਵਰਤੋਂ ਕਰਦੇ ਸਮੇਂ ਆਪਣੀ ਸੁਰੱਖਿਆ 'ਤੇ ਨਿਯੰਤਰਣ ਲੈਣ ਲਈ ਸ਼ਕਤੀ ਪ੍ਰਦਾਨ ਕਰਦੇ ਹਨ।

ਰਿਸੋਰਸ ਹੱਬ ਐਡਵਾਂਸਡ ਟੈਕਨਾਲੋਜੀ ਬਾਰੇ ਵੀ ਗੱਲ ਕਰਦਾ ਹੈ ਜੋ WhatsApp ਭਾਰਤ ਖਾਸ ਪ੍ਰਕਿਰਿਆ ਦੇ ਨਾਲ ਹਾਈਲਾਈਟ ਕਰਦਾ ਹੈ ਜੋ ਪਲੇਟਫਾਰਮ 'ਤੇ ਗਲਤ ਜਾਣਕਾਰੀ ਦੇ ਫੈਲਣ ਅਤੇ ਕਿਸੇ ਵੀ ਕਿਸਮ ਦੀ ਦੁਰਵਰਤੋਂ ਨੂੰ ਰੋਕਣ ਵਿੱਚ ਮਦਦ ਕਰਦਾ ਹੈ।

ਵਾਟਸਐਪ ਨੇ ਕਿਹਾ, "ਸਾਨੂੰ ਉਮੀਦ ਹੈ ਕਿ ਇਹ ਸਰੋਤ ਉਪਭੋਗਤਾਵਾਂ ਨੂੰ ਆਪਣੀ ਗੋਪਨੀਯਤਾ ਦੀ ਰੱਖਿਆ ਕਰਨ ਅਤੇ ਸੁਰੱਖਿਅਤ ਢੰਗ ਨਾਲ ਇੰਟਰਨੈੱਟ ਨੈਵੀਗੇਟ ਕਰਨ ਲਈ ਲੋੜੀਂਦੀ ਜਾਣਕਾਰੀ ਨਾਲ ਲੈਸ ਕਰੇਗਾ।"


ਇਹ ਵੀ ਪੜ੍ਹੋ : Coronavirus in India: ਭਾਰਤ 'ਚ ਕੋਰੋਨਾ ਕੇਸਾਂ 'ਚ 12.6 ਫੀਸਦੀ ਦਾ ਵਾਧਾ, ਪਿਛਲੇ 24 ਘੰਟਿਆਂ 'ਚ 15102 ਨਵੇਂ ਕੇਸ ਹੋਏ ਦਰਜ


ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:


https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904