Viral Video: ਮੀਂਹ ਨਾਲ ਭਿੱਜਦੇ ਪਹਾੜ, ਠੰਡੀਆਂ ਹਵਾਵਾਂ, ਖੂਬਸੂਰਤ ਝਰਨੇ ਅਤੇ ਉੱਚਾਈ ਤੋਂ ਦਿਖਣ ਵਾਲਾ ਨਜ਼ਾਰਾ ਕਿਸੇ ਦਾ ਵੀ ਦਿਲ ਖੁਸ਼ ਕਰ ਸਕਦਾ ਹੈ। ਪਰ ਇਨ੍ਹੀਂ ਦਿਨੀਂ ਸੋਸ਼ਲ ਮੀਡੀਆ (Social Media) 'ਤੇ ਅਜਿਹਾ ਵੀਡੀਓ ਵਾਇਰਲ (Viral Video) ਹੋ ਰਿਹਾ ਹੈ, ਜਿਸ ਨੂੰ ਦੇਖ ਕੇ ਤੁਹਾਡੇ ਹੋਸ਼ ਉੱਡ ਜਾਣਗੇ। ਤੁਸੀਂ ਆਪਣੇ ਕੰਪਿਊਟਰ 'ਤੇ ਅਮਰੀਕਾ ਦੇ ਯੂਟਾ ਵਿੱਚ ਮੌਜੂਦ ਮਸ਼ਹੂਰ ਕੈਪੀਟਲ ਰੀਫ ਨੈਸ਼ਨਲ ਪਾਰਕ ਦਾ ਖੂਬਸੂਰਤ ਵਾਲਪੇਪਰ ਦੇਖਿਆ ਹੋਵੇਗਾ ਤਾਂ ਤੁਹਾਡੇ ਮਨ ਵਿੱਚ ਇੱਥੇ ਜਾ ਕੇ ਇਸ ਨੂੰ ਆਪਣੀਆਂ ਅੱਖਾਂ ਨਾਲ ਵੇਖਣ ਦੀ ਇੱਛਾ ਜ਼ਰੂਰ ਪੈਦਾ ਹੋਈ ਹੋਵੇਗੀ। ਪਰ ਇਨ੍ਹੀਂ ਦਿਨੀਂ ਇੱਕ ਦਿਲ ਦਹਿਲਾ ਦੇਣ ਵਾਲਾ ਵੀਡੀਓ ਇੱਥੇ ਚਰਚਾ ਵਿੱਚ ਹੈ।
ਵੀਡੀਓ ਤਿੰਨ ਦੋਸਤਾਂ ਨੇ ਰਿਕਾਰਡ ਕੀਤੀ ਸੀ
ਇਹ ਵੀਡੀਓ ਤਿੰਨ ਦੋਸਤਾਂ ਨੇ ਉਦੋਂ ਰਿਕਾਰਡ ਕੀਤਾ ਜਦੋਂ ਉਹ ਇੱਥੇ ਪਿਕਨਿਕ ਲਈ ਪਹੁੰਚੇ ਸਨ। ਉਨ੍ਹਾਂ ਵੱਲੋਂ ਚੜ੍ਹਾਈ ਕਰਨ ਤੋਂ ਪੰਜ ਮਿੰਟ ਬਾਅਦ ਹੀ ਮੀਂਹ ਸ਼ੁਰੂ ਹੋ ਗਿਆ। ਪਲਾਂ ਵਿੱਚ ਹੀ ਸਾਰਾ ਮਾਹੌਲ ਪਹਿਲਾਂ ਨਾਲੋਂ ਸੁਖਾਵਾਂ ਹੋ ਗਿਆ। ਉਹ ਇਹ ਸਾਰਾ ਸੀਨ ਕੈਮਰੇ 'ਚ ਰਿਕਾਰਡ ਕਰ ਰਹੇ ਸੀ ਜਦੋਂ ਉਨ੍ਹਾਂ ਦੀ ਨਜ਼ਰ ਜ਼ਮੀਨ 'ਤੇ ਪਈ।
ਥਾਣੇ 'ਚ ਚੂਹਿਆਂ ਨੇ ਮਚਾਇਆ ਅਜਿਹਾ ਹੰਗਾਮਾ, 'ਡਰ' ਕਾਰਨ ਪੁਲਿਸ ਨੂੰ ਬਿੱਲੀਆਂ ਦੀ ਕਰਨੀ ਪਈ ਤਾਇਨਾਤੀ
ਜ਼ਮੀਨ ਦੇਖ ਕੇ ਉਨ੍ਹਾਂ ਦੇ ਇੱਕ ਦੋਸਤ ਓਰਿਨ ਐਲਨ ਨੇ ਚੀਕ ਮਾਰੀ। ਉਨ੍ਹਾਂ ਦੇਖਿਆ ਕਿ ਜਿਸ ਰਾਹ ਤੋਂ ਉਹ ਉੱਥੇ ਪਹੁੰਚੇ ਸਨ, ਉਹ ਸੜਕ ਤੋਂ ਗਾਇਬ ਹੋ ਗਈ ਸੀ। ਅਚਾਨਕ ਬਰਸਾਤ ਕਾਰਨ ਸਾਰੀ ਸੜਕ ਰੁੜ੍ਹ ਗਈ। ਕਾਰਾਂ ਚਿੱਕੜ ਵਿੱਚ ਡੁੱਬ ਗਈਆਂ ਅਤੇ ਦਰਜਨਾਂ ਸੈਲਾਨੀ ਫਸ ਗਏ। ਅਚਾਨਕ ਹੜ੍ਹ ਆਉਣ ਤੋਂ ਬਾਅਦ, ਪਾਰਕ ਵਿੱਚ ਇੱਕ ਬਚਾਅ ਮੁਹਿੰਮ ਚਲਾਈ ਗਈ ਅਤੇ ਲਗਭਗ 60 ਲੋਕਾਂ ਨੂੰ ਬਚਾਇਆ ਗਿਆ। ਪੁਲਿਸ ਨੇ ਦੱਸਿਆ ਕਿ ਇਸ ਹਾਦਸੇ 'ਚ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ ਹੈ ਜਦਕਿ 8 ਵਾਹਨ ਨੁਕਸਾਨੇ ਗਏ ਹਨ।