ਚੰਡੀਗੜ੍ਹ : ਕਾਂਗਰਸ ਦੇ ਵਿਧਾਇਕ ਪਰਗਟ ਸਿੰਘ (Congress MLA Pargat Singh) ਨੇ 'ਆਮ ਆਦਮੀ ਪਾਰਟੀ' (Aam Aadmi Party) ਉੱਪਰ ਹਮਲਾ ਬੋਲਿਆ ਹੈ। ਪਰਗਟ ਸਿੰਘ ਨੇ ਕਿਹਾ ਹੈ ਕਿ 'ਆਮ ਆਦਮੀ ਪਾਰਟੀ' ਦਾ ਮੂਲ ਮੰਤਰ ਹੈ ਕਰੋ ਕੁਝ ਨਾ ਪਰ ਪ੍ਰਚਾਰ ਨਾਲ ਲੋਕਾਂ ਨੂੰ ਰੱਜ ਕੇ ਗੁੰਮਰਾਹ ਕਰੋ। ਪਰਗਟ ਸਿੰਘ ਨੇ ਆਮ ਆਦਮੀ ਪਾਰਟੀ ਦੇ ਸੁਪਰੀਮੋ ਅਰਵਿੰਦ ਕੇਜਰੀਵਾਲ (AAP Supremo Arvind Kejriwal) ਨੂੰ ਲੋਨ ਸਕੀਮ ਬਾਰੇ ਘੇਰਿਆ।
ਪਰਗਟ ਸਿੰਘ ਨੇ ਟਵੀਟ ਕਰਦਿਆਂ ਕਿਹਾ ਕਿ 2021-22 ਵਿੱਚ 89 ਵਿਦਿਆਰਥੀਆਂ ਨੇ ਉੱਚ ਸਿੱਖਿਆ ਲਈ ਦਿੱਲੀ ਸਰਕਾਰ ਦੀ ਲੋਨ ਸਕੀਮ ਤਹਿਤ ਅਪਲਾਈ ਕੀਤਾ। ਸਿਰਫ਼ ਦੋ ਵਿਦਿਆਰਥੀਆਂ ਨੂੰ ਹੀ ਕਰਜ਼ਾ ਮਿਲਿਆ ਪਰ ਦੂਜੇ ਪਾਸੇ ਇਸ਼ਤਿਹਾਰਾਂ ਉੱਤੇ 19 ਕਰੋੜ ਰੁਪਏ ਖਰਚ ਕੀਤੇ ਗਏ। ਸੰਖੇਪ ਵਿੱਚ ਇਹ ਦਿੱਲੀ ਦਾ ਮਾਡਲ ਹੈ। ਕੁਝ ਨਾ ਕਰੋ, ਸਿਰਫ ਪ੍ਰਚਾਰ ਦੁਆਰਾ ਜਨਤਕ ਮਨਾਂ ਨੂੰ ਗੁੰਮਰਾਹ ਕਰੋ।