ਇਸ ਤੋਂ ਪਹਿਲਾਂ ਟਿਕਟ ਨਾ ਮਿਲਣ ਕਰਕੇ ਪਾਰਟੀ ਨਾਲ ਨਾਰਾਜ਼ ਚੱਲ ਰਹੀ ਸੰਤੋਸ਼ ਚੌਧਰੀ ਨੂੰ ਮਨਾਉਣ ਲਈ ਪੰਜਾਬ ਇੰਚਾਰਜ਼ ਆਸ਼ਾ ਕੁਮਾਰੀ ਉਨ੍ਹਾਂ ਦੇ ਘਰ ਪੁੱਜੇ ਪਰ ਗੱਲ ਨਹੀਂ ਬਣੀ। ਆਸ਼ਾ ਕੁਮਾਰੀ ਨੂੰ ਬੇਰੰਗ ਵਾਪਸ ਮੁੜਨਾ ਪਿਆ। ਇਸ ਦੌਰਾਨ ਚੌਧਰੀ ਦੇ ਘਰ ਕਾਫ਼ੀ ਹੰਗਾਮਾ ਵੀ ਹੋਇਆ। ਕਈ ਵਰਕਰ ਤਾਂ ਆਸ਼ਾ ਕੁਮਾਰੀ ਨਾਲ ਝਗੜਾ ਕਰ ਰਹੇ ਸੀ। ਇਸ ਕਰਕੇ ਉਹ ਵਰਕਰਾਂ ਤੇ ਮੀਡੀਆ ਵਿਚਾਲੇ ਫਸ ਗਏ ਤੇ ਮੀਡੀਆ ਦੇ ਸਵਾਲਾਂ ਦਾ ਜਵਾਬ ਨਹੀਂ ਦੇ ਸਕੇ। ਵਰਕਰਾਂ ਨੇ ਸੰਤੋਸ਼ ਚੌਧਰੀ ਨੂੰ ਆਸ਼ਾ ਕੁਮਾਰੀ ਨਾਲ ਨਹੀਂ ਜਾਣ ਦਿੱਤਾ।
ਹਾਲਾਂਕਿ ਆਸ਼ਾ ਕੁਮਾਰੀ ਨੇ ਕਿਹਾ ਕਿ ਸੰਤੋਸ਼ ਚੌਧਰੀ ਉਨ੍ਹਾਂ ਦੀ ਭੈਣ ਵਰਗੇ ਹਨ। ਉਹ ਸਿਰਫ ਉਨ੍ਹਾਂ ਨੂੰ ਮਿਲਣ ਲਈ ਹੀ ਉਨ੍ਹਾਂ ਦੇ ਘਰ ਪਹੁੰਚੇ ਸਨ। ਟਿਕਟ ਕਿਸ ਨੂੰ ਦੇਣਾ ਹੈ, ਇਹ ਪਾਰਟੀ ਹਾਈਕਮਾਨ ਦੇ ਹੱਥ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਕਿਹਾ ਕਿ ਬਾਦਲ ਜੋੜਾ ਚਾਹੇ ਕਿਤਿਓਂ ਵੀ ਚੋਣ ਲੜ ਲੈਣ, ਜਿੱਤ ਤਾਂ ਕਾਂਗਰਸੀ ਉਮੀਦਵਾਰਾਂ ਦੀ ਹੀ ਹੋਏਗੀ।