ਪਾਕਿਸਤਾਨੀ ਫੌਜੀਆਂ ਨੇ ਸੁਖਵਿੰਦਰ ਸਿੰਘ ਦਾ ਸਿਰ ਧੜ ਨਾਲੋਂ ਵੱਖ ਕਰ ਦਿੱਤਾ ਸੀ ਤੇ ਸਿਰ ਨੂੰ ਆਪਣੇ ਨਾਲ ਲੈ ਗਏ। ਮ੍ਰਿਤਕ ਦੇਹ ਲੈ ਕੇ ਆਏ ਫੌਜੀ ਨੇ ਪਰਿਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਇਸ ਨਾਲ ਪਿੰਡ ਵਾਲੇ ਗੁੱਸੇ 'ਚ ਆ ਗਏ। ਪਾਕਿ ਦੀ ਇਸ ਨਾਪਾਕ ਹਰਕਤ ਨਾਲ ਪਿੰਡ ਦੇ ਲੋਕ ਗੁੱਸੇ ਨਾਲ ਸਦਮੇ 'ਚ ਹਨ।
ਜਵਾਨ ਸੁਖਵਿੰਦਰ ਸਿੰਘ ਪਿਛਲੇ ਮਹੀਨੇ ਵਿਆਹ ਸਮਾਗਮ ਵਿੱਚ ਸ਼ਮੂਲੀਅਤ ਕਰਨ ਲਈ ਘਰ ਛੁੱਟੀ ਲੈ ਕੇ ਆਇਆ ਸੀ। ਡਿਊਟੀ 'ਤੇ ਪਰਤਦੇ ਸਮੇਂ ਉਸ ਨੇ ਕਿਹਾ ਕਿ ਉਹ ਜਲਦ ਹੀ ਫਿਰ ਮੁੜ ਕੇ ਆਏਗਾ ਪਰ ਕੀ ਪਤਾ ਸੀ ਕਿ ਉਹ ਤਾਬੂਤ 'ਚ ਬੰਦ ਹੋ ਕੇ ਆਏਗਾ। ਉਸ ਦੀ ਮਾਂ ਰਾਣੀ ਦੇਵੀ ਤੇ ਭਰਾ ਗੁਰਪਾਲ ਸਿੰਘ ਦੇ ਹੰਝੂ ਰੁਕਣ ਦਾ ਨਾਂ ਨਹੀਂ ਲੈ ਰਹੇ।