ਨਵਾਂ ਸ਼ਹਿਰ ਦੇ ਰਹਿਣ ਵਾਲੇ ਪਰਮਜੀਤ ਸਿੰਘ ਕਿੱਤਣਾ ਨੇ ਮੁੱਖ ਮੰਤਰੀ ਨੂੰ ਲਾਹਣਤ ਭਰੀ ਚਿੱਠੀ ਲਿਖੀ ਹੈ ਅਤੇ ਨਾਲ ਹੀ 500 ਰੁਪਏ ਦਾ ਮਨੀ ਆਰਡਰ ਵੀ ਭੇਜਿਆ ਹੈ। ਉਸ ਨੇ ਮੁੱਖ ਮੰਤਰੀ ਨੂੰ ਲਿਖਿਆ ਹੈ ਕਿ ਇਨ੍ਹਾਂ 500 ਰੁਪਏ ਵਿੱਚ ਮਜ਼ਦੂਰੀ ਕਰਨ ਵਾਲੇ ਇੰਜੀਨੀਅਰਿੰਗ ਦੇ ਵਿਦਿਆਰਥੀ, ਚਾਹ ਵੇਚਣ ਵਾਲੇ ਵਿਅਕਤੀ, ਗੰਨੇ ਦਾ ਜੂਸ ਵੇਚਣ ਵਾਲੀ ਪ੍ਰਵਾਸੀ ਮਹਿਲਾ ਤੋਂ ਲੈਕੇ ਸਾਈਕਲਾਂ ਨੂੰ ਪੰਚਰ ਲਾਉਣ ਤੇ ਰਿਕਸ਼ਾ ਚਾਲਕ ਨੇ ਵੀ ਆਪਣਾ ਹਿੱਸਾ ਪਾਇਆ ਹੈ।
ਆਰਟੀਆਈ ਕਾਰਕੁੰਨ ਨੇ ਚਿੱਠੀ ਦੇ ਅੰਤ ਵਿੱਚ ਲਿਖਿਆ ਹੈ ਕਿ ਉਹ ਹੋਰ ਪੈਸੇ ਭੇਜਾਂਗੇ ਅਤੇ ਵਿਧਾਇਕਾਂ ਦੇ ਖ਼ੁਸ਼ ਰਹਿਣ ਦੀ 'ਦੁਆ' ਵੀ ਮੰਗੀ। ਸਰਕਾਰ ਵੱਲੋਂ ਇਹ ਵਾਧਾ ਅਧਿਆਪਕਾਂ ਦੀ ਤਨਖ਼ਾਹ ਤੀਜਾ ਹਿੱਸਾ ਘਟਾਉਣ ਤੋਂ ਕੁਝ ਹੀ ਸਮੇਂ ਬਾਅਦ ਹੀ ਪੇਸ਼ ਕੀਤਾ ਗਿਆ ਹੈ। ਐਮਐਲਏਜ਼ ਦੀ ਤਨਖ਼ਾਹ ਵਿੱਚ ਵਾਧੇ ਦੀ ਤਜਵੀਜ਼ ਦਾ ਤਿੱਖਾ ਵਿਰੋਧ ਹੋ ਰਿਹਾ ਹੈ।