ਜਲੰਧਰ: ਇੰਗਲੈਂਡ ਦੇ ਮਾਲਟਨ ਦੇ ਸੈਂਟ੍ਰਲ ਪਾਰਕ ‘ਚ ਰੱਖੀ ਗਈ ਦੁਨੀਆ ਦੀ ਸਭ ਤੋਂ ਵੱਡੀ ਰਗਬੀ ਬਾਲ ਨੇ ਗਿੰਨੀਜ਼ ਬੁੱਕ ਆਫ਼ ਵਰਲਡ ਰਿਕਾਰਡ ‘ਚ ਨਾਂ ਦਰਜ ਕਰਵਾਇਆ ਹੈ। ਪੂਰੀ ਦੁਨੀਆ ‘ਚ 15 ਸਤੰਬਰ ਨੂੰ ਇਸ ਦੀ ਚਰਚਾ ਹੈ ਪਰ ਜਲੰਧਰ ਦੇ ਜ਼ਿਆਦਾਤਰ ਲੋਕਾਂ ਨੂੰ ਪਤਾ ਹੀ ਨਹੀਂ ਕਿ ਦੁਨੀਆ ਦੀ ਸਭ ਤੋਂ ਵੱਡੀ ਰਗਬੀ ਬਾਲ ਆਪਣੀ ਹੀ ਖੇਡ ਇੰਡਸਟਰੀ ਨੇ ਬਣਾ ਕੇ ਐਕਸਪੋਰਟ ਕੀਤੀ ਹੈ। ਖੇਡ ਇੰਡਸਟਰੀ ਨਾਲ ਜੁੜੇ ਮਹਾਜਨ ਪਰਿਵਾਰ ਦੇ ਬੇਟੇ ਦੀ ਇੱਕ ਫੈਕਟਰੀ ਇੰਗਲੈਂਡ ‘ਚ ਹੈ ਜਦਕਿ ਪਰਿਵਾਰ ਦੇ ਦੂਜੇ ਮੈਂਬਰ ਊਸ਼ਾ ਇੰਟਰਨੈਸ਼ਨਲ ਦੇ ਨਾਂ ਜਲੰਧਰ ‘ਚ ਕੰਮ ਕਰਦੇ ਹਨ। ਇਨ੍ਹੀਂ ਦਿਨੀਂ ਊਸ਼ਾ ਇੰਸਟਨੈਸ਼ਨਲ ਦੇ ਅਜੇ ਇੰਗਲੈਂਡ ਗਏ ਹੋਏ ਹਨ। ਉੱਥੇ ਉਨ੍ਹਾਂ ਦੇ ਭਰਾ ਦੀ ਕੰਪਨੀ ਏਰਾਮਿਸ ਰਗਬੀ ਨੇ ਗਿੰਨੀਜ਼ ਬੁੱਕ ‘ਚ ਨਾਂ ਸ਼ਾਮਲ ਕਰਵਾਉਣ ਲਈ ਰਗਬੀ ਤਿਆਰ ਕੀਤੀ ਹੈ।

ਦੁਨੀਆ ਦੀ ਸਭ ਤੋਂ ਵੱਡੀ ਰਗਬੀ ਬਾਲ 5 ਪੁਆਇੰਟ 98 ਮੀਟਰ ਲੰਬੀ ਹੈ ਜਦਕਿ 3.7 ਮੀਟਰ ਇਸ ਦਾ ਡਾਇਆਮੀਟਰ ਹੈ। ਇਸ ਵਿਸ਼ਾਲ ਬਾਲ ਨੂੰ ਚੁੱਕ ਕੇ ਸਹੀ ਥਾਂ ‘ਤੇ ਰੱਖਣ ਲਈ ਹੈਲੀਕਾਪਟਰ ਦਾ ਇਸਤੇਮਾਲ ਕੀਤਾ ਗਿਆ। ਪਹਿਲਾਂ ਦੁਨੀਆ ਦੀ ਸਭ ਤੋਂ ਵੱਡੀ ਰੱਗਬੀ ਬਾਲ ਦਾ ਸਾਈਜ਼ 4.7 ਮੀਟਰ ਲੰਬਾ ਸੀ।