ਮਾਸਕੋ: ਰੂਸ 'ਚ ਡਾਕਟਰਾਂ ਨੇ ਅੱਗ ਦੇ ਵਿਚਕਾਰ ਆਉਣੇ ਮਰੀਜ਼ ਦਾ ਆਪ੍ਰੇਸ਼ਨ ਕੀਤਾ। ਦਰਅਸਲ, ਜਦੋਂ ਡਾਕਟਰਾਂ ਦੀ ਟੀਮ ਓਪਨ-ਹਾਰਟ ਸਰਜਰੀ ਕਰ ਰਹੀ ਸੀ, ਤਾਂ ਹਸਪਤਾਲ ਨੂੰ ਅੱਗ ਲੱਗ ਗਈ। ਇਸ ਦੇ ਬਾਵਜੂਦ ਡਾਕਟਰਾਂ ਨੇ ਆਪ੍ਰੇਸ਼ਨ ਜਾਰੀ ਰੱਖਿਆ ਅਤੇ ਮਰੀਜ਼ ਦੀ ਜਾਨ ਬਚਾਈ। ਡਾਕਟਰਾਂ ਦੀ ਇਸ ਭਾਵਨਾ ਦੀ ਹਰ ਪਾਸੇ ਪ੍ਰਸ਼ੰਸਾ ਹੋ ਰਹੀ ਹੈ। ਇਹ ਘਟਨਾ ਰੂਸ ਦੇ ਦੂਰ ਪੂਰਬੀ ਸ਼ਹਿਰ ਬਲੇਗੋਵੈਸਚੇਂਸਕ ਦੀ ਹੈ।
ਫਾਇਰ ਬ੍ਰਿਗੇਡ ਅਧਿਕਾਰੀ ਨੇ ਕਿਹਾ ਕਿ Tsarist Era ਹਸਪਤਾਲ ਦੀ ਛੱਤ ਤੇ ਸ਼ੁੱਕਰਵਾਰ ਨੂੰ ਅਚਾਨਕ ਅੱਗ ਲੱਗ ਗਈ। ਅੱਗ 'ਤੇ ਕਾਬੂ ਪਾਉਣ 'ਚ ਘੱਟ ਤੋਂ ਘੱਟ ਦੋ ਘੰਟੇ ਲੱਗੇ ਹਨ। ਦਮਕਲ ਕਰਮੀਆਂ ਨੇ ਆਪ੍ਰੇਸ਼ਨ ਰੂਮ ਤੋਂ ਧੂੰਆਂ ਕੱਢਣ ਲਈ ਫੈਨ ਦਾ ਇਸਤੇਮਾਲ ਕੀਤਾ ਅਤੇ ਬਿਜਲੀ ਸਪਲਾਈ ਕਰਨ ਸਮੇਂ ਵੱਖਰੇ ਕੇਬਲ ਦੀ ਵਰਤੋਂ ਕੀਤੀ। ਇਸ ਸਮੇਂ ਦੇ ਡਾਕਟਰਾਂ ਦੀ ਟੀਮ ਆਪਣੀ ਜਾਣ ਪ੍ਰਵਾਹ ਕੀਤੇ ਬਿਨਾਂ ਆਪ੍ਰੇਸ਼ਨ ਕਰਦੀ ਰਹੀ।
ਰੂਸ ਦੇ ਐਮਰਜੈਂਸੀ ਮੰਤਰਾਲੇ ਮੰਡਲ ਨੇ ਕਿਹਾ ਕਿ ਅੱਠ ਡਾਕਟਰਾਂ ਅਤੇ ਨਰਸਾਂ ਦੀ ਟੀਮ ਨੇ ਅੱਗ ਦੇ ਵਿੱਚ ਦੋ ਘੰਟਿਆਂ ਵਿੱਚ ਇਹ ਆਪ੍ਰੇਸ਼ਨ ਪੂਰਾ ਕੀਤਾ। ਆਪ੍ਰੇਸ਼ਨ ਹੋਣ ਤੋਂ ਬਾਅਦ ਮਰੀਜ਼ ਦੇ ਦੂਸਰੇ ਹਸਪਤਾਲ 'ਚ ਸ਼ਿਫਟ ਕੀਤਾ ਗਿਆ। ਉਸ ਦੇ ਨਾਲ ਹੀ 128 ਹੋਰ ਲੋਕ ਵੀ ਤੁਰੰਤ ਹਸਪਤਾਲ ਤੋਂ ਬਾਹਰ ਕੱਢੇ ਗਏ। ਹਸਪਤਾਲ ਦੀ ਬਿਲਡਿੰਗ ਤੋਂ ਜ਼ਬਰਦਸਤ ਧੂੰਆ ਉੱਠ ਰਿਹਾ ਸੀ, ਉਥੇ ਹੀ ਡਾਕਟਰਾਂ ਦੀ ਟੀਮ ਨੇ ਆਪਣੀ ਜਾਨ ਤੋਂ ਬਿਨਾਂ ਕਿਸੇ ਸਰਜਰੀ ਜਾਰੀ ਰੱਖੀ।
ਸਥਾਨਕ ਮੀਡੀਆ ਨਾਲ ਗੱਲਬਾਤ 'ਚ ਸਰਜਨ ਵੈਲੇਟਿਨ ਫਿਲਾਟੋਵ ਨੇ ਕਿਹਾ ਕਿ ਇਸ ਤੋਂ ਸਿਵਾ ਅਸੀਂ ਕੁਝ ਨਹੀਂ ਕਰ ਸਕਦੇ ਸੀ। ਇੱਕ ਵਿਅਕਤੀ ਨੂੰ ਬਚਾਉਣਾ ਸੀ। ਅਸੀਂ ਸਭ ਕੁਝ ਬਹੁਤ ਉੱਚ ਪੱਧਰ 'ਤੇ ਕੀਤਾ। ਮੰਤਰਾਲੇ ਨੇ ਇਹ ਵੀ ਦੱਸਿਆ ਕਿ ਜਿਸ ਕਲੀਨਿਕ ਤੋਂ ਅੱਗ ਸ਼ੁਰੂ ਹੋਈ, ਉਹ ਬਹੁਤ ਪੁਰਾਣੀ ਬਿਲਡਿੰਗ ਹੈ। ਉਸ ਨੂੰ 1907 'ਚ ਬਣਾਇਆ ਗਿਆ ਸੀ। ਮੰਤਰੀਆਂ ਨੇ ਕਿਹਾ ਕਿ ਅੱਗ ਲੱਕੜ ਦੀ ਛੱਤ ਤੋਂ ਬਿਜਲੀ ਦੀ ਤਰ੍ਹਾਂ ਫੈਲ ਗਈ। ਫਿਲਹਾਲ ਕਿਸੇ ਦੇ ਵੀ ਜ਼ਖਮੀ ਹੋਣ ਦੀ ਕੋਈ ਖ਼ਬਰ ਨਹੀਂ ਹੈ। ਖੇਤਰੀ ਗਵਰਨਰ ਵੈਸਲ ਓਲੌਰਵ ਨੇ ਡਾਕਟਰ ਅਤੇ ਫਾਇਰਫਾਈਟਰਜ਼ ਨੂੰ ਉਨ੍ਹਾਂ ਦੇ ਬਹਾਦੁਰੀ ਲਈ ਸਲਾਮ ਕੀਤਾ ਹੈ।