Viral Video: ਸੱਪ ਤੇ ਨੇਵਲੇ ਦੀ ਖਤਰਨਾਕ ਲੜਾਈ ਦਾ ਵੀਡੀਓ ਆਇਆ ਸਾਹਮਣੇ, ਜਾਣੋ ਕਿਸ ਦੀ ਹੋਈ ਜਿੱਤ
ਏਬੀਪੀ ਸਾਂਝਾ | 19 Aug 2020 05:18 PM (IST)
ਭਾਰਤੀ ਜੰਗਲਾਤ ਸੇਵਾ ਦੇ ਅਧਿਕਾਰੀ ਨੇ ਇੱਕ ਵੀਡੀਓ ਸੋਸ਼ਲ ਮੀਡੀਆ ਪਲੇਟਫਾਰਮ ‘ਤੇ ਸਾਂਝੀ ਕੀਤੀ ਹੈ। ਟਵਿੱਟਰ ਯੂਜ਼ਰ ਡਾ. ਅਬਦੁੱਲ ਕਿਯੂਮ ਵੱਲੋਂ ਸਾਂਝੇ ਕੀਤੇ ਵੀਡੀਓ ਵਿੱਚ ਸੱਪ ਤੇ ਨੇਵਲੇ ਦੀ ਲੜਾਈ ਸਨਸਨੀ ਪੈਦਾ ਕਰ ਰਹੀ ਹੈ।
ਭਾਰਤੀ ਜੰਗਲਾਤ ਸੇਵਾ ਦੇ ਅਧਿਕਾਰੀ ਨੇ ਇੱਕ ਵੀਡੀਓ ਸੋਸ਼ਲ ਮੀਡੀਆ ਪਲੇਟਫਾਰਮ ‘ਤੇ ਸਾਂਝੀ ਕੀਤੀ ਹੈ। ਟਵਿੱਟਰ ਯੂਜ਼ਰ ਡਾ. ਅਬਦੁੱਲ ਕਿਯੂਮ ਵੱਲੋਂ ਸਾਂਝੇ ਕੀਤੇ ਵੀਡੀਓ ਵਿੱਚ ਸੱਪ ਤੇ ਨੇਵਲੇ ਦੀ ਲੜਾਈ ਸਨਸਨੀ ਪੈਦਾ ਕਰ ਰਹੀ ਹੈ। ਵੀਡੀਓ ਵਿੱਚ ਸੱਪ ਤੇ ਨੇਵਲਾ ਸੜਕ 'ਤੇ ਇੱਕ-ਦੂਜੇ ਨਾਲ ਲੜ ਰਹੇ ਹਨ। ਇਸ ਦੌਰਾਨ ਸੜਕ ਕਿਨਾਰੇ ਹੋਏ ਲੜਾਈ ਦੇ ਖਤਰਨਾਕ ਦ੍ਰਿਸ਼ ਨੂੰ ਵੇਖਣ ਲਈ ਲੋਕਾਂ ਦੀ ਭੀੜ ਇਕੱਠੀ ਹੋ ਜਾਂਦੀ ਹੈ। ਨੇਵਲੇ ਨੂੰ ਜ਼ਬਰਦਸਤ ਤਰੀਕੇ ਨਾਲ ਸੱਪ 'ਤੇ ਹਮਲਾ ਕਰਦੇ ਦੇਖਿਆ ਜਾ ਸਕਦਾ ਹੈ। ਇਸ ਦੌਰਾਨ ਸੱਪ ਹਮਲੇ ਤੋਂ ਬਚਣ ਦੀ ਕੋਸ਼ਿਸ਼ ਕਰਦਾ ਹੈ। ਕੁਝ ਪਲਾਂ ਬਾਅਦ ਨੇਵਲਾ ਚਲਾ ਜਾਂਦਾ ਹੈ ਤੇ ਸੜਕ ਦੇ ਇੱਕ ਸਿਰੇ 'ਤੇ ਖਲੋਤਾ ਸੱਪ ਨੂੰ ਵੇਖਦਾ ਹੈ। ਜਦੋਂ ਸੱਪ ਭੱਜਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ, ਤਾਂ ਉਸੇ ਵੇਲੇ ਨੇਵਲਾ ਇਕ ਵਾਰ ਫਿਰ ਹਮਲਾ ਕਰ ਦਿੰਦਾ ਹੈ। ਸੱਪ ਆਪਣੀ ਜਾਨ ਬਚਾਉਣ ਲਈ ਆਪਣੇ ਆਪ ਨੂੰ ਟਿਊਬ ਵਿੱਚ ਛੁਪਾਉਂਦਾ ਹੈ।