ਪਰਵਾਸੀ ਭਾਰਤੀਆਂ ਨੇ ਅਮਰੀਕਾ 'ਚ ਵਿੱਢੀ ਪਾਕਿ ਖਿਲਾਫ ਜੰਗ

By: ਏਬੀਪੀ ਸਾਂਝਾ | Updated at : 02 Oct 2016 03:24 PM (IST)

%e0%a8%aa%e0%a8%b0%e0%a8%b5%e0%a8%be%e0%a8%b8%e0%a9%80 %e0%a8%ad%e0%a8%be%e0%a8%b0%e0%a8%a4%e0%a9%80%e0%a8%86%e0%a8%82 %e0%a8%a8%e0%a9%87 %e0%a8%85%e0%a8%ae%e0%a8%b0%e0%a9%80%e0%a8%95%e0%a8%be ਪਰਵਾਸੀ ਭਾਰਤੀਆਂ ਨੇ ਅਮਰੀਕਾ 'ਚ ਵਿੱਢੀ ਪਾਕਿ ਖਿਲਾਫ ਜੰਗ

ਵਸ਼ਿੰਗਟਨ: ਉੜੀ 'ਚ ਅੱਤਵਾਦੀ ਹਮਲੇ ਦੇ ਚੱਲਦਿਆਂ ਪਾਕਿਸਤਾਨ ਨੂੰ ਅੱਤਵਾਦੀ ਦੇਸ਼ ਕਰਾਰ ਦਵਾਉਣ ਲਈ ਅਮਰੀਕਾ 'ਚ ਰਹਿਣ ਵਾਲੇ ਭਾਰਤੀਆਂ ਤੇ ਅਮਰੀਕੀਆਂ ਨੇ ਵੀ ਮੁਹਿੰਮ ਛੇੜ ਰੱਖੀ ਹੈ। ਇਨ੍ਹਾਂ ਲੋਕਾਂ ਨੇ ਇੱਕ ਆਨਲਾਈਨ ਵਾਈਟ ਹਾਊਸ ਪਟੀਸ਼ਨ ਸ਼ੁਰੂ ਕੀਤੀ ਹੈ। ਇਸ ਨੂੰ ਰਿਕਾਰਡ ਪੰਜ ਗੁਣਾ ਸਮਰਥਨ ਮਿਲਿਆ ਹੈ। ਇਹ ਅੰਕੜਾ ਓਬਾਮਾ ਪ੍ਰਸ਼ਾਸਨ ਦਾ ਧਿਆਨ ਖਿੱਚਣ ਲਈ ਇੱਕ ਲੱਖ ਲੋਕਾਂ ਦੇ ਜ਼ਰੂਰੀ ਅੰਕੜੇ ਤੋਂ ਕਿਤੇ ਜ਼ਿਆਦਾ ਹੈ। ਇਸ ਤੋਂ ਪਹਿਲਾਂ ਰੀਪਬਲਿਕਨ ਸਾਂਸਦ ਟੇਡ ਪੋ ਵੀ ਅਮਰੀਕੀ ਪਾਰਲੀਮੈਂਟ 'ਚ ਪਾਕਿ ਨੂੰ ਅੱਤਵਾਦੀ ਦੇਸ਼ ਕਰਾਰ ਦਿੱਤੇ ਜਾਣ ਲਈ ਬਿੱਲ ਲਿਆ ਚੁੱਕੇ ਹਨ।

ਇਹ ਆਨਲਾਈਨ ਪਟੀਸ਼ਨ 21 ਸਤੰਬਰ ਨੂੰ ਸ਼ੁਰੂ ਕੀਤੀ ਗਈ ਹੈ। ਇਸ ਪਟੀਸ਼ਨ 'ਚ ਕਿਹਾ ਗਿਆ ਹੈ ਕਿ ਅਮਰੀਕਾ ਤੇ ਭਾਰਤ ਸਮੇਤ ਦੁਨੀਆਂ ਦੇ ਕਈ ਦੇਸ਼ ਪਾਕਿ ਸਪਾਂਸਰ ਅੱਤਵਾਦ ਤੋਂ ਪ੍ਰਭਾਵਤ ਹਨ। ਇਸ ਲਈ ਪਾਕਿਸਤਾਨ ਨੂੰ ਇੱਕ ਅੱਤਵਾਦੀ ਦੇਸ਼ ਐਲਾਨ ਦਿੱਤਾ ਜਾਏ। ਇਸ ਪਟੀਸ਼ਨ ਤੋਂ ਬਾਅਦ ਵਾਈਟ ਹਾਊਸ ਦੀ ਵੈੱਬਸਾਈਟ ਨੇ ਭਾਰਤੀ- ਅਮਰੀਕੀਆਂ ਲਈ ਇੱਕ ਵਿੰਡੋ ਮੁਹੱਈਆ ਕਰਵਾਈ ਹੈ।

ਦਰਅਸਲ ਕੋਈ ਵੀ ਸ਼ਖਸ ਕਿਸੇ ਮੁੱਦੇ 'ਤੇ ਸਰਕਾਰ ਦਾ ਧਿਆਨ ਖਿੱਚਣ ਲਈ ਇੱਕ ਆਨਲਾਈਨ ਪਟੀਸ਼ਨ ਲਾ ਸਕਦਾ ਹੈ। ਨਿਯਮ ਮੁਤਾਬਕ ਸਰਕਾਰ ਇਸ 'ਤੇ ਉਦੋਂ ਹੀ ਵਿਚਾਰ ਕਰਦੀ ਹੈ, ਜੇਕਰ ਪਟੀਸ਼ਨ ਨੂੰ 30 ਦਿਨਾਂ 'ਚ 1 ਲੱਖ ਲੋਕਾਂ ਦਾ ਸਮਰਥਨ ਮਿਲੇ। ਪਟੀਸ਼ਨ ਮੁਤਾਬਕ ਓਬਾਮਾ ਪ੍ਰਸ਼ਾਸਨ ਵੱਲੋਂ 60 ਦਿਨ ਦੇ ਅੰਦਰ ਰਿਸਪਾਂਸ ਦੇਣ ਦੀ ਉਮੀਦ ਹੈ। ਇਹ ਵਿੰਡੋ 21 ਅਕਤੂਬਰ ਤੱਕ ਖੁੱਲ੍ਹੀ ਰਹੇਗੀ।

Published at : 02 Oct 2016 03:24 PM (IST)

Follow Breaking News on abp LIVE for more latest stories and trending topics. Watch breaking news and top headlines online on abp News LIVE TV

ਪਰਵਾਸੀ ਭਾਰਤੀਆਂ ਨੇ ਅਮਰੀਕਾ 'ਚ ਵਿੱਢੀ ਪਾਕਿ ਖਿਲਾਫ ਜੰਗ

ਸਬੰਧਤ ਖ਼ਬਰਾਂ

ਪ੍ਰਮੁੱਖ ਖ਼ਬਰਾਂ

Punjabi News

Punjabi Videos

Photos

IPL

ABP NEWS GROUP WEBSITES