ਅਖ਼ਬਾਰ ਨੇ ਇਹ ਵੀ ਲਿਖਿਆ ਹੈ ਕਿ ਸਾਲ 2019 ਦੀਆਂ ਚੋਣਾਂ ਵਿੱਚ ਮੋਦੀ ਦਾ ਜਿੱਤਣਾ ਮੁਸ਼ਕਿਲ ਹੈ। ਇਹ ਵੀ ਲਿਖਿਆ ਗਿਆ ਹੈ, "ਮੋਦੀ ਨੇ ਸਾਲ 2015, 2018 ਤੇ 2019 ਵਿੱਚ ਤਥਾਕਥਿਤ ਅਰੁਣਾਚਲ ਪ੍ਰਦੇਸ਼ ਦਾ ਦੌਰਾ ਕੀਤਾ। ਇਹ ਤਿੰਨੇ ਦੌਰੇ ਉਦੋਂ ਹੋਏ ਜਦ ਚੀਨ ਵਿੱਚ ਬਸੰਤ ਤਿਓਹਾਰ ਦੀਆਂ ਛੁੱਟੀਆਂ ਸਨ। ਕਿਓਂ? ਕੀ ਜਾਣ ਬੁੱਝ ਕੇ ਬੀਜਿੰਗ ਨੂੰ ਉਕਸਾਉਣ ਦੀ ਸਾਜ਼ਿਸ਼ ਰਚੀ ਗਈ ਹੈ ਜਾਂ ਭਾਰਤ ਸਰਕਾਰ ਤਿਓਹਾਰ ਦੀ ਵਰਤੋਂ ਕਰ ਰਹੀ ਹੈ। ਕੀ ਭਾਰਤ ਵਾਕਿਆ ਇਹ ਸੋਚਦਾ ਹੈ ਕਿ ਉਹ ਚੀਨ ਦੇ ਹਿਤਾਂ ਦਾ ਪੋਲੇ ਜਿਹੇ ਉਲੰਘਨਾ ਕਰ ਸਕਦਾ ਹੈ ਅਤੇ ਇਸ ਦਾ ਲਾਹਾ ਚੁੱਕ ਸਕਦਾ ਹੈ?"
ਅਖ਼ਬਾਰ ਨੇ 2019 ਦੀਆਂ ਲੋਕ ਸਭਾ ਚੋਣਾਂ ਬਾਰੇ ਟਿੱਪਣੀ ਕਰਦਿਆਂ ਲਿਖਿਆ ਹੈ,"ਭਾਰਤ ਵਿੱਚ ਰਾਸ਼ਟਰਵਾਦ ਵੱਧ ਰਿਹਾ ਹੈ ਅਤੇ ਦੇਸ਼ ਦੇ ਮੌਜੂਦਾ ਹਾਲਾਤ ਮੋਦੀ ਦੇ ਮੁੜ ਤੋਂ ਚੁਣੇ ਜਾਣ ਦੇ ਖ਼ਿਲਾਫ਼ ਹਨ। ਮੋਦੀ ਦੀ ਭਾਰਤੀ ਜਨਤਾ ਪਾਰਟੀ ਨੂੰ ਦੇਖਦੇ ਹੋਏ ਪਿਛਲੇ ਸਾਲ ਪੰਜ ਸੂਬਿਆਂ ਦੇ ਵਿਧਾਨ ਸਭਾ ਚੋਣਾਂ ਵਿੱਚ ਵੀ ਇਸ ਦੀ ਸਭ ਤੋਂ ਬੁਰੀ ਹਾਰ ਹੋਈ ਸੀ। ਮੋਦੀ ਸਮਝਦੇ ਹਨ ਕਿ ਪਾਰਟੀ ਅਜਿੱਤ ਹੈ। 19 ਜਨਵਰੀ ਨੂੰ 5,00,000 ਲੋਕਾਂ ਨੇ ਕਥਿਤ ਤੌਰ 'ਤੇ ਮੋਦੀ ਤੇ ਉਨ੍ਹਾਂ ਦੀ ਪਾਰਟੀ ਖ਼ਿਲਾਫ਼ ਵਿਸ਼ਾਲ ਯੂਨਾਈਟਿਡ ਇੰਡੀਆ ਰੈਲੀ ਕੱਢੀ ਸੀ। ਅਜਿਹੇ ਦਬਾਅ ਵਿੱਚ, ਇਸ ਇਲਾਕੇ ਦਾ ਦੌਰਾ ਕਰਨ ਦਾ ਮੋਦੀ ਦਾ ਉਦੇਸ਼ ਸਾਫ ਹੈ।"