ਦੁਬਈ ਦੀ ਰਾਜਕੁਮਾਰੀ ਸ਼ੇਖਾ ਮਾਹਰਾ ਮੁਹੰਮਦ ਰਾਸ਼ਿਦ ਅਲ ਮਕਤੂਮ (Sheikha mahra) ਨੇ ਪਰਫਿਊਮ ਦੀ ਨਵੀਂ ਰੇਂਜ ਲਾਂਚ ਕੀਤੀ ਹੈ ਅਤੇ ਉਸ ਨੇ ਇਸ ਦਾ ਨਾਂ 'DIVORCE' ਰੱਖਿਆ ਹੈ। ਰਾਜਕੁਮਾਰੀ ਸ਼ੇਖਾ ਨੇ ਇਹ ਐਲਾਨ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਪੇਜ 'ਤੇ ਕੀਤਾ ਹੈ। ਰਾਜਕੁਮਾਰੀ ਨੇ ਇਸ ਸਾਲ ਜੁਲਾਈ ਵਿੱਚ ਇੱਕ ਇੰਸਟਾਗ੍ਰਾਮ ਪੋਸਟ ਵਿੱਚ ਆਪਣੇ ਪਤੀ ਨੂੰ ਤਲਾਕ ਦੇ ਦਿੱਤਾ ਸੀ।
ਆਪਣੇ ਬ੍ਰਾਂਡ Mahra M1 ਦੇ ਤਹਿਤ ਲਾਂਚ ਕੀਤੇ ਗਏ, ਇਸ ਨਵੇਂ ਪਰਫਿਊਮ ਦਾ ਉਸਦੇ ਹਾਲ ਹੀ ਵਿੱਚ ਹੋਏ ਹਾਈ-ਪ੍ਰੋਫਾਈਲ ਤਲਾਕ ਨਾਲ ਸਿੱਧਾ ਸਬੰਧ ਹੈ। ਇੱਕ ਸੋਸ਼ਲ ਮੀਡੀਆ ਪੋਸਟ ਵਿੱਚ 30 ਸਾਲਾ ਰਾਜਕੁਮਾਰੀ ਨੇ ਪਰਫਿਊਮ ਦਾ ਇੱਕ ਟੀਜ਼ਰ ਸਾਂਝਾ ਕੀਤਾ, ਜਿਸ ਵਿੱਚ ਕਾਲੀ ਬੋਤਲ 'ਤੇ DIVORCE ਸ਼ਬਦ ਲਿਖਿਆ ਹੋਇਆ ਹੈ।
ਹਾਲਾਂਕਿ ਦੁਬਈ ਦੇ ਬਾਜ਼ਾਰ 'ਚ ਪਰਫਿਊਮ ਦੀ ਕੀਮਤ ਦਾ ਅਜੇ ਤੱਕ ਖੁਲਾਸਾ ਨਹੀਂ ਕੀਤਾ ਗਿਆ ਹੈ। ਸ਼ੇਖਾ ਮਾਹਰਾ ਮੁਹੰਮਦ ਬਿਨ ਰਾਸ਼ਿਦ ਅਲ ਮਕਤੂਮ, ਸੰਯੁਕਤ ਅਰਬ ਅਮੀਰਾਤ (UAE) ਦੇ ਉਪ ਰਾਸ਼ਟਰਪਤੀ ਤੇ ਦੁਬਈ ਦੇ ਸ਼ਾਸਕ ਸ਼ੇਖ ਮੁਹੰਮਦ ਬਿਨ ਰਾਸ਼ਿਦ ਅਲ ਮਕਤੂਮ ਦੀ ਧੀ ਹੈ। ਇੰਸਟਾਗ੍ਰਾਮ 'ਤੇ ਉਸ ਦੇ ਕਰੀਬ 10 ਲੱਖ ਫਾਲੋਅਰਜ਼ ਹਨ।
ਸੋਸ਼ਲ ਮੀਡੀਆ ਉੱਤੇ ਦਿੱਤਾ ਸੀ ਤਲਾਕ
ਦੱਸ ਦਈਏ ਕਿ ਇਸ ਸਾਲ 16 ਜੁਲਾਈ ਨੂੰ ਦੁਬਈ ਦੀ ਰਾਜਕੁਮਾਰੀ ਨੇ ਇੱਕ ਇੰਸਟਾਗ੍ਰਾਮ ਪੋਸਟ ਵਿੱਚ ਆਪਣੇ ਪਤੀ ਨੂੰ ਤਲਾਕ ਦੇਣ ਤੋਂ ਬਾਅਦ ਇੰਟਰਨੈੱਟ 'ਤੇ ਤੂਫਾਨ ਲਿਆ ਦਿੱਤਾ ਸੀ। ਉਸ ਦੀ ਇੰਸਟਾਗ੍ਰਾਮ ਪੋਸਟ ਨੇ ਲਿਖਿਆ, “ਪਿਆਰੇ ਪਤੀ, ਕਿਉਂਕਿ ਤੁਸੀਂ ਦੂਜੇ ਸਾਥੀਆਂ ਨਾਲ ਰੁੱਝੇ ਹੋਏ ਹੋ, ਮੈਂ ਆਪਣੇ ਤਲਾਕ ਦਾ ਐਲਾਨ ਕਰਦੀ ਹਾਂ। ਮੈਂ ਤੁਹਾਨੂੰ ਤਲਾਕ ਦਿੰਦੀ ਹਾਂ, ਮੈਂ ਤੁਹਾਨੂੰ ਤਲਾਕ ਦਿੰਦੀ ਹਾਂ, ਮੈਂ ਤੁਹਾਨੂੰ ਤਲਾਕ ਦਿੰਦੀ ਹਾਂ। ਆਪਣਾ ਖਿਆਲ ਰੱਖਣਾ ਤੁਹਾਡੀ ਸਾਬਕਾ ਪਤਨੀ।”
ਸ਼ੇਖ ਮਹਾਰਾ, ਸ਼ੇਖ ਦੇ 26 ਬੱਚਿਆਂ ਵਿੱਚੋਂ ਇੱਕ, ਜ਼ੋਏ ਗ੍ਰੀਗੋਰਕੋਸ ਦੀ ਧੀ ਹੈ, ਜੋ ਕਿ ਗ੍ਰੀਸ ਤੋਂ ਹੈ। ਗ੍ਰਿਗੋਰਾਕੋਸ ਤੇ ਸ਼ੇਖ ਰਾਸ਼ਿਦ ਅਲ ਮਕਤੂਮ ਤਲਾਕਸ਼ੁਦਾ ਹਨ। ਸ਼ੇਖ ਰਾਸ਼ਿਦ ਦੁਨੀਆ ਦੇ ਸਭ ਤੋਂ ਅਮੀਰ ਬਾਦਸ਼ਾਹਾਂ ਵਿੱਚੋਂ ਇੱਕ ਹੈ ਜਿਸਦੀ ਕੁੱਲ ਜਾਇਦਾਦ $14 ਅਤੇ $18 ਬਿਲੀਅਨ ਦੇ ਵਿਚਕਾਰ ਹੈ।