PM Narendra Modi Egypt Visit: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ (PM modi) ਮਿਸਰ ਦੇ ਰਾਸ਼ਟਰਪਤੀ ਅਬਦੇਲ ਫਤਿਹ ਅਲ-ਸੀਸੀ ਦੇ ਸੱਦੇ 'ਤੇ ਸ਼ਨੀਵਾਰ (24 ਜੂਨ) ਨੂੰ ਦੋ ਦਿਨਾਂ ਰਾਜ ਦੌਰੇ ਲਈ ਕਾਹਿਰਾ ਪਹੁੰਚੇ। ਜਦੋਂ ਪੀਐਮ ਮੋਦੀ ਕਾਹਿਰਾ ਦੇ ਰਿਟਜ਼ ਕਾਰਲਟਨ ਹੋਟਲ ਪਹੁੰਚੇ ਤਾਂ ਭਾਰਤੀ ਮੂਲ ਦੇ ਲੋਕਾਂ ਨੇ ਉਨ੍ਹਾਂ ਦਾ ਸ਼ਾਨਦਾਰ ਢੰਗ ਨਾਲ ਸਵਾਗਤ ਕੀਤਾ।
ਖਾਸ ਗੱਲ ਇਹ ਹੈ ਕਿ ਪੀਐਮ ਮੋਦੀ ਦੇ ਸਵਾਗਤ ਲਈ ਪਹੁੰਚੀ ਇੱਕ ਮਿਸਰ ਦੀ ਕੁੜੀ ਨੇ ਯੇ ਦੋਸਤੀ ਹਮ ਨਹੀਂ ਤੋੜੇਂਗੇ ਗੀਤ ਗਾਇਆ। ਇਸ ਲੜਕੀ ਨੇ ਨਿਊਜ਼ ਏਜੰਸੀ ਏਐਨਆਈ ਨੂੰ ਦੱਸਿਆ ਕਿ ਪੀਐਮ ਮੋਦੀ ਨੇ ਉਨ੍ਹਾਂ ਨੂੰ ਕਿਹਾ ਕਿ ਤੁਸੀਂ ਭਾਰਤੀ ਲੱਗਦੇ ਹੋ। ਇਹ ਸੁਣ ਕੇ ਉਹ ਵੀ ਬਹੁਤ ਖ਼ੁਸ਼ ਹੋ ਗਈ। ਬੱਚੀ ਦਾ ਗੀਤ ਸੁਣ ਕੇ ਪੀਐਮ ਮੋਦੀ ਨੇ ਵੀ ਤਾੜੀਆਂ ਵਜਾਈਆਂ।
ਇਹ ਵੀ ਪੜ੍ਹੋ: ABP C Voter Survey: ਕੀ ਅਮਰੀਕਾ ਦੌਰੇ ਤੋਂ ਬਾਅਦ ਮੋਦੀ ਵਰਲਡ ਲੀਡਰ ਵਜੋਂ ਉਭਰੇ ਹਨ? ਸਰਵੇ 'ਚ ਲੋਕਾਂ ਦੇ ਜਵਾਬ ਨੇ ਕੀਤਾ ਹੈਰਾਨ
ਏਐਨਆਈ ਵਲੋਂ ਸ਼ੇਅਰ ਕੀਤੇ ਗਏ ਇੱਕ ਵੀਡੀਓ ਵਿੱਚ, ਗੀਤ ਗਾਉਣ ਵਾਲੀ ਕੁੜੀ ਜੇਨਾ ਨੇ ਕਿਹਾ, 'ਪੀਐਮ ਮੋਦੀ ਨੂੰ ਮਿਲ ਕੇ ਬਹੁਤ ਵਧੀਆ ਲੱਗਿਆ। ਉਨ੍ਹਾਂ ਨੇ ਮੈਨੂੰ ਪੁੱਛਿਆ ਕਿ ਕੀ ਮੈਂ ਕਦੇ ਭਾਰਤ ਗਈ ਹਾਂ, ਜਿਸ ਤੋਂ ਮੈਂ ਇਨਕਾਰ ਕਰ ਦਿੱਤਾ। ਉਨ੍ਹਾਂ ਨੇ ਮੈਨੂੰ ਪੁੱਛਿਆ ਕਿ ਮੈਂ ਹਿੰਦੀ ਕਿੱਥੋਂ ਸਿੱਖੀ ਹੈ, ਤਾਂ ਮੈਂ ਕਿਹਾ ਕਿ ਮੈਂ ਭਾਰਤ ਦੀਆਂ ਫਿਲਮਾਂ ਅਤੇ ਗੀਤ ਸੁਣ ਕੇ ਸਿੱਖੀ ਹੈ।