Saudi Arabia: ਹਾਲ ਹੀ ਦੇ ਦਿਨਾਂ ਵਿੱਚ ਸਾਊਦੀ ਅਰਬ ਵਿੱਚ ਕ੍ਰਾਂਤੀਕਾਰੀ ਬਦਲਾਅ ਦੇਖਣ ਨੂੰ ਮਿਲੇ ਹਨ ਪਰ ਬੰਗਲਾਦੇਸ਼ ਵਿੱਚ ਕੱਟੜਵਾਦ ਹਾਵੀ ਹੁੰਦਾ ਜਾ ਰਿਹਾ ਹੈ। ਇਸ ਮਾਮਲੇ 'ਤੇ ਬੰਗਲਾਦੇਸ਼ੀ ਮੂਲ ਦੀ ਲੇਖਿਕਾ ਤਸਲੀਮਾ ਨਸਰੀਨ ਨੇ ਟਵੀਟ ਕੀਤਾ ਹੈ। ਇਸ 'ਚ ਉਨ੍ਹਾਂ ਨੇ ਸਾਊਦੀ ਅਰਬ ਅਤੇ ਬੰਗਲਾਦੇਸ਼ ਦੀਆਂ ਦੋ ਔਰਤਾਂ ਦੀਆਂ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ।
ਤਸਲੀਮਾ ਨਸਰੀਨ ਨੇ ਆਪਣੇ ਟਵੀਟ 'ਚ ਸ਼ੇਅਰ ਕੀਤੀਆਂ ਤਸਵੀਰਾਂ 'ਚ ਪਹਿਲੀ ਤਸਵੀਰ 'ਚ ਮਿਸ ਸਾਊਦੀ ਅਰਬ ਰੋਮੀ ਅਲਕਹਤਨੀ ਨਜ਼ਰ ਆ ਰਹੀ ਹੈ ਅਤੇ ਦੂਜੀ ਤਸਵੀਰ 'ਚ ਇੱਕ ਔਰਤ ਨੇ ਬੁਰਕਾ ਪਾਇਆ ਹੋਇਆ ਹੈ। ਤਸਲੀਮਾ ਨੇ ਦੋਹਾਂ ਤਸਵੀਰਾਂ ਰਾਹੀਂ ਬੰਗਲਾਦੇਸ਼ ਅਤੇ ਸਾਊਦੀ ਅਰਬ ਵਿਚਾਲੇ ਫਰਕ ਦੱਸਣ ਦੀ ਕੋਸ਼ਿਸ਼ ਕੀਤੀ ਹੈ। ਤਸਲੀਮਾ ਨੇ ਬੁਰਕੇ ਵਾਲੀ ਫੋਟੋ ਤੋਂ ਬੰਗਲਾਦੇਸ਼ ਦਿਖਾਇਆ ਹੈ। ਇਸ ਦੇ ਨਾਲ ਹੀ ਰੋਮੀ ਅਲਕਹਤਨੀ ਦੀ ਡਰੈੱਸ ਨੂੰ ਸਾਊਦੀ ਅਰਬ ਨਾਲ ਜੋੜਿਆ ਗਿਆ ਹੈ।
ਇਹ ਵੀ ਪੜ੍ਹੋ: Pakistan Terrorist Attack: ਪਾਕਿਸਤਾਨ ਦੇ ਕਬਾਇਲੀ ਖੇਤਰਾਂ ਵਿੱਚ ਅੱਤਵਾਦੀ ਹਮਲਿਆਂ ਵਿੱਚ 100% ਵਾਧਾ, ਰਿਪੋਰਟ ਵਿੱਚ ਖੁਲਾਸਾ
ਸਾਊਦੀ ਅਰਬ ਬਦਲ ਰਿਹਾ ਹੈ
ਤਸਲੀਮਾ ਨਸਰੀਨ ਨੇ ਆਪਣੇ ਟਵੀਟ 'ਚ ਲਿਖਿਆ ਹੈ ਕਿ ਸਭ ਤੋਂ ਰੂੜੀਵਾਦੀ ਇਸਲਾਮੀ ਦੇਸ਼ ਸਾਊਦੀ ਅਰਬ ਹੁਣ ਪ੍ਰਗਤੀਸ਼ੀਲ ਹੁੰਦਾ ਜਾ ਰਿਹਾ ਹੈ। ਇਸ ਦੇ ਨਾਲ ਹੀ ਬੰਗਲਾਦੇਸ਼, ਇੱਕ ਪ੍ਰਗਤੀਸ਼ੀਲ ਮੁਸਲਿਮ ਬਹੁਗਿਣਤੀ ਵਾਲਾ ਦੇਸ਼ ਹੋਣ ਦੇ ਬਾਵਜੂਦ, ਤੇਜ਼ੀ ਨਾਲ ਇਸਲਾਮਿਕ ਰੂੜੀਵਾਦੀ ਹੁੰਦਾ ਜਾ ਰਿਹਾ ਹੈ।
ਬੰਗਲਾਦੇਸ਼ ਛੱਡ ਚੁੱਕੀ ਹੈ ਲੇਖਿਕਾ
ਦੱਸ ਦਈਏ ਕਿ ਤਸਲੀਮਾ ਨਸਰੀਨ ਬੰਗਲਾਦੇਸ਼ੀ ਮੂਲ ਦੀ ਮਸ਼ਹੂਰ ਲੇਖਿਕਾ ਹੈ। ਉਹ ਬੰਗਲਾਦੇਸ਼ ਛੱਡਣ ਤੋਂ ਬਾਅਦ ਭਾਰਤ ਵਿੱਚ ਹੈ। ਉਹ ਧਾਰਮਿਕ ਕੱਟੜਤਾ ਅਤੇ ਪਾਗਲਪਨ ਦੇ ਖਿਲਾਫ ਲਿਖਣ ਅਤੇ ਬੋਲਣ ਲਈ ਅਕਸਰ ਸੁਰਖੀਆਂ ਵਿੱਚ ਰਹਿੰਦੀ ਹੈ। ਉਨ੍ਹਾਂ ਦਾ ਜਨਮ 25 ਅਗਸਤ 1992 ਨੂੰ ਪੂਰਬੀ ਪਾਕਿਸਤਾਨ ਯਾਨੀ ਅੱਜ ਦੇ ਬੰਗਲਾਦੇਸ਼ ਵਿੱਚ ਹੋਇਆ ਸੀ।
29 ਅਕਤੂਬਰ 2020 ਨੂੰ ਤਸਲੀਮਾ ਨਸਰੀਨ ਨੇ ਟਵਿੱਟਰ 'ਤੇ 'ਬਾਈਕਾਟ ਇਸਲਾਮ' ਲਿਖਿਆ, ਜਿਸ 'ਤੇ ਹੰਗਾਮਾ ਵਧ ਗਿਆ। ਤਸਲੀਮਾ ਪਹਿਲਾਂ ਵੀ ਇਸਲਾਮ ਵਿੱਚ ਸੁਧਾਰ ਦੀ ਵਕਾਲਤ ਕਰ ਚੁੱਕੀ ਹੈ। ਉਨ੍ਹਾਂ ਦਾ ਮੰਨਣਾ ਹੈ ਕਿ ਜੇਕਰ ਇਸਲਾਮ ਵਿੱਚ ਸੁਧਾਰ ਨਾ ਕੀਤਾ ਗਿਆ ਤਾਂ ਇਹ ਧਰਮ ਆਧੁਨਿਕ ਸਭਿਅਤਾ ਵਿੱਚ ਖ਼ਤਮ ਹੋ ਜਾਵੇਗਾ।
ਇਹ ਵੀ ਪੜ੍ਹੋ: Iran: ਈਰਾਨ ਨੇ ਸਵੀਡਿਸ਼-ਈਰਾਨੀ ਨਾਗਰਿਕ ਨੂੰ ਦਿੱਤੀ ਫਾਂਸੀ, ਭੜਕਿਆ ਸਵੀਡਨ, ਜਾਣੋ ਕਿਉਂ ਦਿੱਤੀ ਗਈ ਮੌਤ ਦੀ ਸਜ਼ਾ