ਦੱਸਿਆ ਜਾ ਰਿਹਾ ਹੈ ਕਿ ਤੂਫ਼ਾਨ ਤੋਂ ਪਾਰ ਹੋਣ ਲਈ ਡੱਡੂਆਂ ਨੇ ਅਜਗਰ ਦੀ ਸਵਾਰੀ ਦਾ ਸਹਾਰਾ ਲਿਆ ਸੀ। ਜਦੋਂ ਤੂਫ਼ਾਨ ਆਇਆ ਤਾਂ ਇਹ ਸੱਪ ਕਿਸੇ ਪਰਿਵਾਰ ਦੇ ਬਗੀਚੇ ਵਿੱਚ ਸੀ ਤੇ ਉੱਚੀ ਥਾਂ ਭਾਲ ਰਿਹਾ ਸੀ। ਇਸੇ ਦੌਰਾਨ ਵਧਦੇ ਪਾਣੀ ਤੋਂ ਭੱਜਦੇ ਇਸ ਸੱਪ ਦੀ ਪਿੱਠ ’ਤੇ ਕਈ ਡੱਡੂ ਸਵਾਰ ਬੈਠੇ ਨਜ਼ਰ ਆਏ ਜਿਨ੍ਹਾਂ ਨੂੰ ਇਹ ਤੇਜ਼ੀ ਨਾਲ ਆਪਣੇ ਨਾਲ ਲੈ ਕੇ ਜਾ ਰਿਹਾ ਸੀ।
ਇਸ ਵੀਡੀਓ ਨੂੰ ਬਣਾਉਣ ਵਾਲੇ ਦੇ ਭਰਾ ਐਂਡ੍ਰਿਊ ਮਾਕ ਨੇ ਇਸ ਨੂੰ ਟਵਿੱਟਰ ’ਤੇ ਸਾਂਝਾ ਕੀਤਾ ਹੈ। ਪੇਸ਼ੇ ਤੋਂ ਪੱਤਰਕਾਰ ਰਹਿ ਚੁੱਕੇ ਐਂਡ੍ਰਿਊ ਨੇ ਜਾਣਕਾਰੀ ਦਿੱਤੀ ਕੇ ਭਾਰੀ ਬਾਰਸ਼ ਦੀ ਵਜ੍ਹਾ ਕਰਕੇ ਉਸ ਦੇ ਭਰਾ ਦੇ ਘਰ ਕਾਫ਼ੀ ਡੱਡੂ ਆ ਗਏ ਸੀ। ਉਨ੍ਹਾਂ ’ਚੋਂ ਕੁਝ ਤਾਂ ਉੱਥੋਂ ਨਿਕਲ ਕੇ ਚਲੇ ਗਏ ਪਰ ਕੁਝ ਨੇ ਉੱਥੋਂ ਨਿਕਲਣ ਲਈ ਅਜਗਰ ਦੀ ਸਵਾਰੀ ਦਾ ਸਹਾਰਾ ਲਿਆ।