ਟਰੰਪ ਨੇ ਇਹ ਐਲਾਨ ਟਵਿੱਟਰ ’ਤੇ ਕੀਤਾ। ਉਨ੍ਹਾਂ ਦਾ ਇਹ ਐਲਾਨ ਵਾਈਟ ਹਾਊਸ ਵੱਲੋਂ ਦਿੱਤੇ ਗਏ ਭਰੋਸੇ ਦੇ ਐਨ ਉਲਟ ਹੈ, ਜਿਸ ਵਿੱਚ ਅਜਿਹੀ ਯੋਜਨਾ ਨੂੰ ਤਿਆਗਣ ਦੀ ਗੱਲ ਕਹੀ ਗਈ ਸੀ। ਦੱਸਣਯੋਗ ਹੈ ਕਿ ਟਰੰਪ ਦੇ ਇਸ ਵਿਚਾਰ ਦੀ ਨਿੰਦਾ ਕੀਤੀ ਜਾ ਰਹੀ ਹੈ ਤੇ ਇਹ ਕਿਹਾ ਜਾ ਰਿਹਾ ਹੈ ਕਿ ਜਿਨ੍ਹਾਂ ਸ਼ਹਿਰਾਂ ਵਿਚ ਵਿਰੋਧੀ ਡੈਮੋਕ੍ਰੈਟ ਕਾਬਜ਼ ਹਨ, ਉਨ੍ਹਾਂ ਨਾਲ ਬਦਲੇ ਦੀ ਭਾਵਨਾ ਤਹਿਤ ਅਜਿਹਾ ਕੀਤਾ ਜਾ ਰਿਹਾ ਹੈ।
ਟਰੰਪ ਨੇ ਕਿਹਾ, ‘‘ਡੈਮੋਕ੍ਰੈਟ ਸਾਡੇ ਪਰਵਾਸ ਬਾਰੇ ਖ਼ਤਰਨਾਕ ਕਾਨੂੰਨ ਵਿੱਚ ਤਬਦੀਲੀ ਕਰਨ ਲਈ ਤਿਆਰ ਨਹੀਂ ਹਨ ਤੇ ਇਸ ਤੱਥ ਨੂੰ ਧਿਆਨ ਵਿੱਚ ਰੱਖਦਿਆਂ ਅਸੀਂ ਸਾਰੇ ਗੈਰਕਾਨੂੰਨੀ ਪਰਵਾਸੀਆਂ ਨੂੰ ਸੈਂਚੁਰੀ ਸਿਟੀਜ਼ ਭੇਜਣ ਬਾਰੇ ਵਿਚਾਰ ਕਰ ਰਹੇ ਹਾਂ।’’