ਛੜਿਆਂ ਲਈ ਯਾਹੂ ਮੈਸੇਂਜਰ ਵਰਦਾਨ, ਜਾਣੋ ਕਿਵੇਂ

ਹਾਂਗਕਾਂਗ ਦੀ ਹੈਲੀ ਲੀ ਨੇ ਭਾਰਤ ਕਦੇ ਨਹੀਂ ਦੇਖਿਆ ਸੀ ਪਰ ਭਾਰਤੀ ਲੜਕੇ ਪ੍ਰਿਥਵੀ ਵਰਮਾ ਨਾਲ ਸੋਸ਼ਲ ਮੀਡੀਆ ‘ਤੇ ਮੁਲਾਕਾਤ ਹੋਈ। ਯਾਹੂ ਮੈਸੇਂਜਰ ‘ਤੇ ਦੋਵਾਂ ਦੀਆਂ ਅੱਖਾਂ ਚਾਰ ਹੋਈਆਂ। ਇਕੱਠੇ ਜਿਉਣ ਦੀਆਂ ਕਸਮਾਂ ਖਾਧੀਆਂ ਪਰ ਦੋਵਾਂ ‘ਚ ਸਰਹੱਦਾ ਦੀ ਦੂਰੀ ਸੀ। ਆਖਰ ਹੈਲੀ ਆਪਣੇ ਪਿਆਰ ਨੂੰ ਪਾਉਣ ਲਈ ਰਾਜਸਥਾਨ ਦੇ ਬੀਕਾਨੇਰ ‘ਚ ਪ੍ਰਿਥਵੀ ਵਰਮਾ ਦੇ ਪਿੰਡ ਛਤਰਗੜ੍ਹ ਆ ਪਹੁੰਚੀ। ਇੱਥੇ ਦੋਵਾਂ ਨੇ ਵਿਆਹ ਕਰਵਾ ਲਿਆ ਹੈ।

ਹਾਂਗਕਾਂਗ ਦੀ ਕੁੜੀ, ਰਾਜਸਥਾਨ ਦਾ ਮੁੰਡਾ, ਯਾਹੂ ਮੈਸੰਜਰ ‘ਤੇ ਚੈਟ, ਹੋਇਆ ਪਿਆਰ ਤੇ ਬੀਕਾਨੇਰ ‘ਚ ਵਿਆਹ। ਜੀ ਹਾਂ, ਇਹ ਕੋਈ ਫਿਲਮੀ ਕਹਾਣੀ ਨਹੀਂ ਸਗੋਂ ਹਕੀਕਤ ਹੈ। ਖਬਰ ਰਾਜਸਥਾਨ ਦੇ ਬੀਕਾਨੇਰ ਤੋਂ ਹੈ। ਇੱਥੋਂ ਦੇ ਇੱਕ ਮੁੰਡੇ ਨੂੰ ਸੋਸ਼ਲ ਸਾਈਟ ‘ਤੇ ਹਾਂਗਕਾਂਗ ਦੀ ਇੱਕ ਕੁੜੀ ਨਾਲ ਪਿਆਰ ਹੋ ਗਿਆ। ਪਿਆਰ ਇਸ ਹੱਦ ਤੱਕ ਜਾ ਪਹੁੰਚਿਆ ਕਿ ਕੁੜੀ ਹਾਂਗਕਾਂਗ ਤੋਂ ਬੀਕਾਨੇਰ ਆ ਪਹੁੰਚੀ ਤੇ ਦੋਵਾਂ ਨੇ ਇੱਥੇ ਹਿੰਦੂ ਰੀਤੀ-ਰਿਵਾਜਾਂ ਨਾਲ ਵਿਆਹ ਕਰਵਾ ਲਿਆ।