ਵੇਰਕਾ ਦੀ ਆਈਸ ਕਰੀਮ 'ਚੋਂ ਨਿੱਕਲਿਆ ਸਪੋਲੀਆ, ਦੇਖੋ ਹੈਰਾਨੀਜਨਕ ਤਸਵੀਰਾਂ

ਇਸ ਬੇਹੱਦ ਗੰਭੀਰ ਮਾਮਲੇ ਦੇ ਸਾਹਮਣੇ ਆਉਣ ‘ਤੇ ਵੇਰਕਾ ਅਧਿਕਾਰੀਆਂ ਨੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਵੇਰਕਾ ਦੇ ਮਾਰਕਟਿੰਗ ਮੈਨੇਜਰ ਮਨੀਸ਼ ਮਹਾਜਨ ਮੁਤਾਬਕ ਵੇਰਕਾ ਦੇ ਕੁਆਲਿਟੀ ਮੈਨੇਜਰ ਰਮਨ ਸ਼ਰਮਾ ਇਸ ਪੂਰੇ ਮਾਮਲੇ ਦੀ ਜਾਂਚ ਕਰ ਰਹੇ ਹਨ ਕਿ ਆਖਰ ਇੰਨੀ ਵੱਡੀ ਚੂਕ ਕਿੱਥੇ ਹੋਈ ਹੈ।

ਘਟਨਾ ਦੀ ਜਾਣਕਾਰੀ ਮਿਲਣ ‘ਤੇ ਤੁਰੰਤ ਸੈਕਟਰ 26 ਥਾਣਾ ਪੁਲਿਸ ਨੇ ਪੀੜਤਾਂ ਦੇ ਬਿਆਨ ਦਰਜ ਕੀਤੇ। ਪੁਲਿਸ ਮੁਤਾਬਕ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ ਕਿ ਆਖਰ ਇਹ ਹਾਦਸਾ ਕਿਵੇਂ ਵਾਪਰਿਆ। ਪੀੜਤ ਰਾਜੀਵ ਇਸ ਪੂਰੀ ਘਟਨਾ ਲਈ ਜਿੰਮੇਵਾਰ ਲੋਕਾਂ ਖਿਲਾਫ ਕਾਰਵਾਈ ਦੀ ਮੰਗ ਕਰ ਰਹੇ ਹਨ, ਤਾਂ ਕਿ ਕੋਈ ਹੋਰ ਅਜਿਹੇ ਹਾਦਸੇ ਦਾ ਸ਼ਿਕਾਰ ਨਾ ਬਣੇ।

ਆਈਸ ਕਰੀਮ ਖਾਣ ਕਰਕੇ ਪਤੀ ਪਤਨੀ ਦੀ ਹਾਲਤ ਵਿਗੜਨ ਤੋਂ ਬਾਅਦ ਉਨ੍ਹਾਂ ਨੂੰ ਹਸਪਤਾਲ ਦਾਖਲ ਕਰਵਾਇਆ ਗਿਆ ਹੈ। ਮਾਮਲੇ ਦੀ ਗੰਭੀਰਤਾ ਨੂੰ ਦੇਖਦਿਆਂ ਵੇਰਕਾ ਨੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ ਕਿ ਆਖਰ ਇਹ ਘਟਨਾ ਕਿਵੇਂ ਵਾਪਰੀ ਹੈ। ਪੀੜਤਾਂ ਦੀ ਸ਼ਿਕਾਇਤ ‘ਤੇ ਪੁਲਿਸ ਨੇ ਵੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।

ਰਾਜੀਵ ਨੇ ਆਪਣੀ ਪਤਨੀ ਦੀ ਆਈਸ ਕਰੀਮ ਖਾ ਕੇ ਦੇਖੀ ਤਾਂ ਇਸੇ ਦੌਰਾਨ ਉਸ ਚੋਂ ਸਪੋਲੀਆ ਨਿੱਕਲ ਆਇਆ। ਆਈਸ ਖਰੀਮ ਖਾਣ ਦੇ ਨਾਲ ਹੀ ਦੋਨਾਂ ਦੀ ਹਾਲਤ ਖਰਾਬ ਹੋ ਗਈ। ਉਨ੍ਹਾਂ ਨੂੰ ਤੁਰੰਤ ਸੈਕਟਰ 16 ਦੇ ਹਸਪਤਾਲ ਦਾਖਲ ਕਰਵਾਇਆ ਗਿਆ। ਜਿੱਥੇ ਉਹ ਇਲਾਜ ਅਧੀਨ ਹਨ। ਹਾਲਾਂਕਿ ਫਿਲਹਾਲ ਉਨ੍ਹਾਂ ਦੀ ਹਾਲਤ ਖਤਰੇ ਤੋਂ ਬਾਹਰ ਹੈ ਪਰ ਬੇਹੱਦ ਸਹਿਮੇ ਹੋਏ ਹਨ।

ਜਾਣਕਾਰੀ ਮੁਤਾਬਕ ਚੰਡੀਗੜ੍ਹ ਦੇ ਸੈਕਟਰ 27-ਡੀ ਦੇ ਰਹਿਣ ਵਾਲੇ ਰਾਜੀਵ ਸਹਿਗਲ ਤੇ ਉਸ ਦੀ ਪਤਨੀ ਨੇ ਸਥਾਨਕ ਵੇਰਕਾ ਬੂਥ ਤੋਂ ਮੈਂਗੋ ਆਈਸ ਕਰੀਮ ਖਰੀਦੀ। ਰਾਜੀਵ ਦੀ ਆਈਸ ਕਰੀਮ ਦਾ ਸਵਾਦ ਠੀਕ ਸੀ ਪਰ ਉਨ੍ਹਾਂ ਦੀ ਪਤਨੀ ਨੇ ਕੁੜੱਤਣ ਆਉਣ ਦੀ ਸ਼ਿਕਾਇਤ ਕੀਤੀ।

ਬੇਸ਼ੱਕ ਵੇਰਕਾ ਵੱਲੋਂ ਜਾਂਚ ਦਾ ਦਾਅਵਾ ਕੀਤਾ ਜਾ ਰਿਹਾ ਹੈ ਪਰ ਇੱਕ ਨਾਮੀ ਸਰਕਾਰੀ ਕੰਪਨੀ ਦੇ ਪ੍ਰੋਡਕਟ ਦੀ ਕੁਆਲਿਟੀ ਨੂੰ ਲੈ ਕੇ ਕਈ ਤਰਾਂ ਦੇ ਸਵਾਲ ਖੜੇ ਹੋ ਗਏ ਹਨ।