ਨਵੀਂ ਦਿੱਲੀ: ਵਿਰਾਟ ਕੋਹਲੀ ਦੀ ਕਪਤਾਨੀ ਵਾਲੀ ਭਾਰਤ ਅੱਜ ਨਿਊਜ਼ੀਲੈਂਡ ਖਿਲਾਫ ਤੀਜੇ ਮੈਚ ਵਿਚ ਨਿਊਜ਼ੀਲੈਂਡ 'ਚ ਪਹਿਲੀ ਟੀ -20 ਸੀਰੀਜ਼ ਜਿੱਤਣ ਦੇ ਇਰਾਦੇ ਨਾਲ ਮੈਦਾਨ 'ਚ ਉਤਰੇਗੀ। ਭਾਰਤ ਨੇ ਆਕਲੈਂਡ 'ਚ ਪਹਿਲੇ ਦੋ ਟੀ -20 ਅੰਤਰਰਾਸ਼ਟਰੀ ਮੈਚ ਜਿੱਤੇ ਹਨ ਅਤੇ ਪੰਜ ਮੈਚਾਂ ਦੀ ਸੀਰੀਜ਼ 'ਚ ਇਸ ਸਮੇਂ 2-0 ਨਾਲ ਅੱਗੇ ਹੈ।

ਭਾਰਤੀ ਟੀਮ ਸੇਡਾਨ ਪਾਰਕ 'ਚ ਲਗਾਤਾਰ ਤੀਜੇ ਮੈਚ 'ਚ ਜਿੱਤ ਨਾਲ ਨਿਊਜ਼ੀਲੈਂਡ ਦੀ ਧਰਤੀ 'ਤੇ ਪਹਿਲੀ ਵਾਰ ਟੀ -20 ਸੀਰੀਜ਼ ਜਿੱਤਣ ਵਿਚ ਕਾਮਯਾਬ ਹੋਵੇਗੀ। ਪਹਿਲੇ ਦੋ ਮੌਕਿਆਂ 'ਤੇ ਉਹ ਇਹ ਪ੍ਰਾਪਤੀ ਹਾਸਲ ਕਰਨ 'ਚ ਅਸਫਲ ਰਹੀ ਸੀ। ਟੀਮ ਇੰਡੀਆ ਦਾ ਪੂਰਾ ਧਿਆਨ ਇਸ ਸਾਲ ਹੋਣ ਵਾਲੇ ਟੀ -20 ਵਿਸ਼ਵ ਕੱਪ ਲਈ ਤੀਜੀ ਟੀ -20 ਮੈਚ 'ਚ ਸੀਰੀਜ਼ ਜਿੱਤਣ ਦੇ ਨਾਲ ਆਪਣੀ 'ਤਾਕਤ' ਦਿਖਾਉਣ 'ਤੇ ਹੈ।

ਸੇਡਾਨ ਪਾਰਕ ਵਿਚ ਨਿਊਜ਼ੀਲੈਂਡ ਦਾ ਚੰਗਾ ਰਿਕਾਰਡ ਹੈ। ਇੱਥੇ ਹੁਣ ਤੱਕ ਖੇਡੇ ਗਏ 9 ਟੀ-20 ਮੈਚਾਂ ਚੋਂ ਸੱਤ ਜਿੱਤੇ ਹਨ। ਨਿਊਜ਼ੀਲੈਂਡ ਦੀ ਟੀਮ ਭਾਰਤ ਨੂੰ ਅਜੇਤੂ ਲੀਡ ਹਾਸਲ ਕਰਨ ਤੋਂ ਰੋਕਣ ਦੀ ਪੂਰੀ ਕੋਸ਼ਿਸ਼ ਕਰੇਗਾ।