ਵਿਰਾਟ ਦੇ ਵਿਰੋਧੀ ਚੁੱਪ

ਇਹ ਵਿਰਾਟ ਕੋਹਲੀ ਦਾ ਟੈਸਟ ਕ੍ਰਿਕਟ ਦਾ ਸਭ ਤੋਂ ਵੱਡਾ ਸਕੋਰ ਹੈ। ਇਸਤੋਂ ਪਹਿਲਾਂ ਵਿਰਾਟ ਦਾ ਬੈਸਟ ਸਕੋਰ 169 ਰਨ ਦਾ ਸੀ। ਇਹ ਵਿਰਾਟ ਦੇ ਟੈਸਟ ਕਰੀਅਰ ਦਾ 12ਵਾਂ ਸੈਂਕੜਾ ਹੈ। ਆਪਣੀ ਇਸ ਪਾਰੀ ਦੌਰਾਨ ਵਿਰਾਟ ਕੋਹਲੀ ਨੇ ਟੈਸਟ ਕ੍ਰਿਕਟ 'ਚ 3,000 ਰਨ ਵੀ ਪੂਰੇ ਕੀਤੇ।

ਕਪਤਾਨ ਵਿਰਾਟ ਕੋਹਲੀ ਨੇ ਜਲਦੀ ਆਪਣੇ 150 ਰਨ ਪੂਰੇ ਕਰ ਲਏ। ਵਿਰਾਟ ਨੇ 208 ਗੇਂਦਾਂ 'ਤੇ 150 ਰਨ ਪੂਰੇ ਕੀਤੇ। ਇਸੇ ਦੌਰਾਨ ਲੰਚ ਹੋਇਆ ਅਤੇ ਲੰਚ ਤੋਂ ਠੀਕ ਪਹਿਲਾਂ ਵਿਰਾਟ ਕੋਹਲੀ ਨੇ ਆਪਣੇ ਦੋਹਰਾ ਸੈਂਕੜਾ ਪੂਰਾ ਕੀਤਾ। ਵਿਰਾਟ ਨੇ 281 ਗੇਂਦਾਂ 'ਤੇ ਦੋਹਰਾ ਸੈਂਕੜਾ ਜੜਿਆ।

ਭਾਰਤੀ ਕਪਤਾਨ ਦੀ ਸਭ ਤੋਂ ਵੱਡੀ ਪਾਰੀ

ਟੀਮ ਇੰਡੀਆ ਦੇ ਕਪਤਾਨ ਵਿਰਾਟ ਕੋਹਲੀ ਨੇ ਵੈਸਟ ਇੰਡੀਜ਼ ਖਿਲਾਫ ਪਹਿਲੇ ਟੈਸਟ ਦੇ ਪਹਿਲੇ ਦਿਨ ਵਿਰਾਟ ਪਾਰੀ ਖੇਡੀ। ਵਿਰਾਟ ਕੋਹਲੀ ਨੇ ਧਮਾਕੇਦਾਰ ਖੇਡ ਵਿਖਾਇਆ ਅਤੇ ਦਿਨ ਦਾ ਖੇਡ ਖਤਮ ਹੋਣ ਤਕ 143 ਰਨ ਬਣਾ ਕੇ ਨਾਬਾਦ ਰਹੇ। ਟੀਮ ਇੰਡੀਆ ਨੇ ਮੈਚ ਦੇ ਦੂਜੇ ਦਿਨ 4 ਵਿਕਟਾਂ ਦੇ ਨੁਕਸਾਨ 'ਤੇ 302 ਰਨ ਤੋਂ ਪਾਰੀ ਨੂੰ ਅੱਗੇ ਵਧਾਇਆ।

ਵਿਰਾਟ ਕੋਹਲੀ ਨੇ ਲੰਚ ਤੋਂ ਬਾਅਦ ਦੂਜੀ ਹੀ ਗੇਂਦ 'ਤੇ ਆਪਣਾ ਵਿਕਟ ਗਵਾ ਦਿੱਤਾ। ਵਿਰਾਟ ਕੋਹਲੀ ਨੇ 283 ਗੇਂਦਾਂ 'ਤੇ 24 ਚੌਕੇ ਲਗਾਉਂਦੇ ਹੋਏ 200 ਰਨ ਦੀ ਪਾਰੀ ਖੇਡੀ। ਵਿਰਾਟ ਕੋਹਲੀ ਟੀਮ ਇੰਡੀਆ ਦੇ ਪਹਿਲੇ ਕਪਤਾਨ ਬਣ ਗਏ ਜੋ ਵਿਦੇਸ਼ੀ ਧਰਤੀ 'ਤੇ ਦੋਹਰਾ ਸੈਂਕੜਾ ਜੜਨ 'ਚ ਕਾਮਯਾਬ ਹੋਏ ਹਨ। ਇਸਤੋਂ ਪਹਿਲਾਂ ਕਿਸੇ ਵੀ ਭਾਰਤੀ ਕਪਤਾਨ ਵੱਲੋਂ ਵਿਦੇਸ਼ੀ ਧਰਤੀ 'ਤੇ ਬਣਿਆ ਬੈਸਟ ਸਕੋਰ 149 ਰਨ ਦਾ ਸੀ ਜੋ ਰਾਹੁਲ ਦ੍ਰਵਿੜ ਨੇ ਬਣਾਏ ਸਨ।

ਟੈਸਟ ਮੈਚਾਂ ਦਾ ਪਹਿਲਾਂ ਦੋਹਰਾ ਸੈਂਕੜਾ

ਟੀਮ ਇੰਡੀਆ ਦਾ ਕਪਤਾਨ ਵਿਰਾਟ ਕੋਹਲੀ ਲਗਾਤਾਰ ਕਮਾਲ ਕਰ ਰਿਹਾ ਹੈ। ਵਿਰਾਟ ਦੇ ਬੱਲੇ ਤੋਂ ਟੀ-20, ਵਨਡੇ ਅਤੇ ਟੈਸਟ ਮੈਚਾਂ 'ਚ ਤਾਬੜ ਤੋੜ ਰਨ ਬਰਸ ਰਹੇ ਹਨ। ਵਿਰਾਟ ਨੇ ਐਂਟੀਗੁਆ ਟੈਸਟ ਦੇ ਦੂਜੇ ਦਿਨ ਟੈਸਟ ਕ੍ਰਿਕਟ ਦਾ ਆਪਣਾ ਪਹਿਲਾ ਦੋਹਰਾ ਸੈਂਕੜਾ ਪੂਰਾ ਕੀਤਾ। ਕਪਤਾਨ ਨੇ ਆਪਣੇ ਆਲੋਚਕਾਂ ਨੂੰ ਇੱਕ ਵਾਰ ਫਿਰ ਤੋਂ ਆਪਣੇ ਬੱਲੇ ਨਾਲ ਕਰਾਰਾ ਜਵਾਬ ਦਿੱਤਾ ਹੈ।