ਭੱਜ-ਭੱਜ ਲਿਆਂਦਾ ਭੁਚਾਲ
ਇਸ ਈਵੈਂਟ ਦਾ ਪ੍ਰਬੰਧ ਚੰਡੀਗੜ੍ਹ ਟੂਰਿਜ਼ਮ ਅਤੇ ਚਨਿਗੜ੍ਹ ਰਨਰਸ ਕਲੱਬ ਨੇ ਕਰਵਾਇਆ ਸੀ। ਇਸ ਗਲੋ ਰਨ ਦੇ ਜ਼ਰੀਏ ਇਹੀ ਸੁਨੇਹਾ ਦਿੱਤਾ ਗਿਆ ਕਿ ਮਹਿਲਾਵਾਂ ਸਿਰਫ ਦਿਨ ਦੇ ਸਮੇਂ ਹੀ ਨਹੀਂ ਬਲਕਿ ਰਾਤ ਦੇ ਸਮੇਂ ਵੀ ਨਿਡਰ ਹੋਕੇ ਘੁੰਮ ਸਕਦੀਆਂ ਹਨ।
ਮਹਿਲਾ ਸੇਫਟੀ ਦੇ ਮਕਸਦ ਨਾਲ ਕਰਵਾਈ ਗਈ ਇਸ ਹਾਫ ਮੈਰਾਥਨ 'ਚ ਵੱਡੀ ਸੰਖਿਆ 'ਚ ਪ੍ਰਤੀਭਾਗੀ ਹਿੱਸਾ ਲੈਣ ਪਹੁੰਚੇ। ਇਸ ਈਵੈਂਟ 'ਚ ਲਗਭਗ 500 ਲੋਕਾਂ ਨੇ ਹਿੱਸਾ ਲਿਆ।
ਦੌੜਨ ਵਾਲੇ ਅਫਸਰ ਵੀ ਸਨ, ਅਥਲੀਟ ਵੀ ਅਤੇ ਆਮ ਲੋਕ ਵੀ। ਪਰ ਜਿੱਤ ਚੰਡੀਗੜ੍ਹ ਦੀ ਹੋਈ।
ਇਸ ਈਵੈਂਟ 'ਚ ਹਾਫ ਮੈਰਾਥਨ 21.097km ਦੀ ਦੂਰੀ ਦੀ ਸੀ ਜਦਕਿ ਗਲੋ ਰਨ 'ਚ 5km ਦੀ ਦੂਰੀ ਤੈਅ ਕਰਨੀ ਸੀ। ਇਸ ਮੈਰਾਥਨ ਕਾਰਨ ਰਾਤ ਦੇ ਸਮੇਂ ਪਹਿਲੀ ਵਾਰ ਟ੍ਰਾਈ ਸਿਟੀ 'ਚ ਸੁਖਨਾ ਲੇਕ ਤੋਂ ਮਟਕਾ ਚੌਂਕ ਤਕ ਦੌੜ ਹੋਈ।
ਟ੍ਰਾਈ ਸਿਟੀ ਦੀ ਪਹਿਲੀ ਗਲੋ ਰਨ ਅਤੇ 'ਰਨ ਦ ਨਾਈਟ ਮੈਰਾਥਨ' 'ਚ ਪ੍ਰੋਫੈਸ਼ਨਲ ਅਥਲੀਟਾਂ ਅਤੇ ਆਮ ਲੋਕਾਂ ਨੇ ਵੱਧ-ਚੜ੍ਹ ਕੇ ਹਿੱਸਾ ਲਿਆ। ਪ੍ਰੋਫਿਸ਼ਨਲ ਖਿਡਾਰੀਆਂ ਨੇ ਜਿਥੇ ਦੌੜ 'ਚ ਨਵੇਂ ਕੀਰਤੀਮਾਨ ਸਥਾਪਿਤ ਕੀਤੇ ਉਥੇ ਹੀ ਆਮ ਲੋਕਾਂ ਦਾ ਮੈਰਾਥਨ ਨੂੰ ਲੈਕੇ ਉਤਸ਼ਾਹ ਵੀ ਵੇਖਣ ਲਾਇਕ ਸੀ।
ਹਾਲਾਂਕਿ ਇੱਕ ਗੱਲ ਹੈਰਾਨ ਕਰਨ ਵਾਲੀ ਜਰੂਰ ਸੀ ਕਿ ਪਾਣੀ ਦੀਆਂ ਬੋਤਲਾਂ ਜਗ੍ਹਾ-ਜਗ੍ਹਾ ਸੁੱਟੀਆਂ ਜਾ ਰਹੀਆਂ ਸਨ ਜਿਸ ਕਾਰਨ ਇਸ ਮੈਰਾਥਨ ਤੋਂ ਬਾਅਦ ਸਾਫ-ਸਫਾਈ ਲਈ ਪ੍ਰਸ਼ਾਸਨ ਦਾ ਕੰਮ ਜਰੂਰ ਵਧ ਗਿਆ।
ਮੈਰਾਥਨ 'ਚ ਸੈਕਟਰ 31 ਦੇ ਕੇਂਦਰੀ ਵਿਦਿਆਲੇ ਦਾ ਰਾਹੁਲ ਕੁਮਾਰ ਪਹਿਲੇ ਸਥਾਨ 'ਤੇ ਰਿਹਾ। ਈਵੈਂਟ ਦੀ ਖਾਸ ਗੱਲ ਇਹ ਸੀ ਕਿ ਪੂਰਸ਼ਾਂ ਦੇ ਨਾਲ-ਨਾਲ ਵੱਡੀ ਸੰਖਿਆ 'ਚ ਮਹਿਲਾਵਾਂ ਵੀ ਇਸ ਮੈਰਾਥਨ ਦਾ ਹਿੱਸਾ ਬਣੀਆਂ।
ਇਸ ਈਵੈਂਟ 'ਚ ਪੁਰਸ਼ਾਂ ਦੀ ਹਾਫ ਮੈਰਾਥਨ 'ਚ 1 ਘੰਟਾ 26 ਮਿਨਟ ਦਾ ਸਮਾਂ ਦੇਕੇ ਜੇਤੂ ਬਣੇ। ਮਹਿਲਾ ਵਰਗ 'ਚ ਰੇਨੂ ਨੇ 1 ਘੰਟਾ 59 ਮਿਨਟ ਦਾ ਸਮਾਂ ਲੈਂਦੇ ਹੋਏ ਪਹਿਲਾ ਸਥਾਨ ਹਾਸਿਲ ਕੀਤਾ।