10,000 runs in Test: ਸਾਲ 1987 ਵਿੱਚ, ਟੈਸਟ ਕ੍ਰਿਕਟ ਵਿੱਚ ਪਹਿਲੀ ਵਾਰ 10,000 ਦੌੜਾਂ (10,000 Test Runs ) ਬਣੀਆਂ ਸੀ। ਇਹ ਇਤਿਹਾਸਕ ਰਿਕਾਰਡ ਭਾਰਤੀ ਸਲਾਮੀ ਬੱਲੇਬਾਜ਼ ਸੁਨੀਲ ਗਾਵਸਕਰ (Sunil Gavaskar) ਨੇ ਬਣਾਇਆ ਸੀ। ਸੁਨੀਲ ਗਾਵਸਕਰ ਤੋਂ ਪਹਿਲਾਂ ਇਸ ਜਾਦੂਈ ਅੰਕੜੇ ਤੱਕ ਪਹੁੰਚਣਾ ਹਰ ਬੱਲੇਬਾਜ਼ ਲਈ ਸੁਪਨੇ ਵਰਗਾ ਹੀ ਸੀ। ਹਾਲ ਹੀ 'ਚ ਸੁਨੀਲ ਗਾਵਸਕਰ ਨੇ ਵੀ ਕਿਹਾ ਹੈ ਕਿ ਪਹਿਲੀ ਵਾਰ ਇਸ ਅੰਕੜੇ 'ਤੇ ਪਹੁੰਚਣਾ ਪਹਿਲੀ ਵਾਰ ਮਾਊਂਟ ਐਵਰੈਸਟ 'ਤੇ ਚੜ੍ਹਨ ਵਰਗਾ ਸੀ। ਹਾਲਾਂਕਿ ਉਸ ਤੋਂ ਬਾਅਦ 35 ਸਾਲਾਂ ਵਿੱਚ 13 ਹੋਰ ਬੱਲੇਬਾਜ਼ਾਂ ਨੇ ਇਸ ਵੱਡੇ ਅੰਕੜੇ ਤੱਕ ਪਹੁੰਚਣ ਦੀ ਹਿੰਮਤ ਜੁਟਾਈ ਹੈ। ਇਸ ਤਰ੍ਹਾਂ ਟੈਸਟ ਕ੍ਰਿਕਟ 'ਚ ਹੁਣ ਤੱਕ ਕੁੱਲ 14 ਬੱਲੇਬਾਜ਼ 10 ਹਜ਼ਾਰ ਦੌੜਾਂ ਬਣਾ ਚੁੱਕੇ ਹਨ। ਕੌਣ ਹਨ ਇਹ, ਵੇਖੋ ਇੱਥੇ...
ਟੈਸਟ ਕ੍ਰਿਕਟ ਵਿੱਚ 10,000 ਦੌੜਾਂ ਬਣਾਉਣ ਵਾਲੇ ਬੱਲੇਬਾਜ਼
ਸਚਿਨ ਤੇਂਦੁਲਕਰ: 15921 (ਭਾਰਤ)ਰਿਕੀ ਪੋਂਟਿੰਗ: 13378 (ਆਸਟਰੇਲੀਆ)ਜੈਕ ਕੈਲਿਸ: 13289 (ਦੱਖਣੀ ਅਫਰੀਕਾ)ਰਾਹੁਲ ਦ੍ਰਾਵਿੜ: 13288 (ਭਾਰਤ)ਅਲਿਸਟੇਅਰ ਕੁੱਕ: 12472 (ਇੰਗਲੈਂਡ)ਕੁਮਾਰ ਸੰਗਾਕਾਰਾ: 12400 (ਸ਼੍ਰੀਲੰਕਾ)ਬ੍ਰਾਇਨ ਲਾਰਾ: 11953 (ਵੈਸਟ ਇੰਡੀਜ਼)ਸ਼ਿਵਨਾਰਾਇਣ ਚੰਦਰਪਾਲ: 11867 (ਵੈਸਟ ਇੰਡੀਜ਼)ਮਹੇਲਾ ਜੈਵਰਧਨੇ: 11814 (ਸ਼੍ਰੀਲੰਕਾ) ਐਲਨ ਬਾਰਡਰ: 11174 (ਆਸਟਰੇਲੀਆ)ਸਟੀਵ ਵਾ: 10927 (ਆਸਟਰੇਲੀਆ)ਸੁਨੀਲ ਗਾਵਸਕਰ: 10122 (ਭਾਰਤ)ਯੂਨਿਸ ਖਾਨ: 10099 (ਪਾਕਿਸਤਾਨ)ਜੋ ਰੂਟ: 10015 (ਇੰਗਲੈਂਡ)
ਕਿਹੜੀ ਟੀਮ ਦੇ ਕਿੰਨੇ ਬੱਲੇਬਾਜ਼ਾਂ ਨੇ ਇਸ ਜਾਦੂਈ ਅੰਕੜੇ ਨੂੰ ਛੂਹਿਆ
ਭਾਰਤ ਅਤੇ ਆਸਟਰੇਲੀਆ ਦੀਆਂ ਟੀਮਾਂ ਵਿੱਚੋਂ ਸਭ ਤੋਂ ਵੱਧ ਬੱਲੇਬਾਜ਼ਾਂ ਨੇ 10 ਹਜ਼ਾਰ ਦੌੜਾਂ ਬਣਾਈਆਂ। ਇਨ੍ਹਾਂ ਦੋਵਾਂ ਟੀਮਾਂ ਦੇ 3-3 ਖਿਡਾਰੀਆਂ ਨੇ ਇਹ ਅੰਕੜਾ ਪਾਰ ਕੀਤਾ। ਇੰਗਲੈਂਡ, ਸ਼੍ਰੀਲੰਕਾ ਅਤੇ ਵੈਸਟਇੰਡੀਜ਼ ਦੇ 2-2 ਅਤੇ ਦੱਖਣੀ ਅਫਰੀਕਾ ਅਤੇ ਪਾਕਿਸਤਾਨ ਦੇ ਇਕ-ਇਕ ਖਿਡਾਰੀ ਨੇ ਇਹ ਅੰਕੜਾ ਛੂਹਿਆ।