U19 Indian Cricket Team: ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (BCCI) ਨੇ ਅੰਡਰ-19 ਵਿਸ਼ਵ ਕੱਪ 2024 ਅਤੇ ਦੱਖਣੀ ਅਫਰੀਕਾ ਵਿੱਚ ਹੋਣ ਵਾਲੀ ਟ੍ਰਾਈ ਸੀਰੀਜ਼ ਲਈ ਭਾਰਤੀ ਟੀਮ ਦਾ ਐਲਾਨ ਕਰ ਦਿੱਤਾ ਹੈ। ਭਾਰਤ, ਇੰਗਲੈਂਡ ਅਤੇ ਦੱਖਣੀ ਅਫਰੀਕਾ ਵਿਚਾਲੇ ਟ੍ਰਾਈ ਸੀਰੀਜ਼ 29 ਦਸੰਬਰ ਤੋਂ ਖੇਡੀ ਜਾਵੇਗੀ, ਜਦਕਿ ਫਾਈਨਲ 10 ਜਨਵਰੀ 2024 ਨੂੰ ਹੋਵੇਗਾ। ਟੀਮ ਵਿੱਚ ਤਿੰਨ ਖਿਡਾਰੀਆਂ ਨੂੰ ਸਟੈਂਡਬਾਏ ਵਜੋਂ ਚੁਣਿਆ ਗਿਆ ਹੈ। ਇਸਦੇ ਨਾਲ ਹੀ ਟੀਮ ਦੀ ਕਮਾਨ ਉਦੈ ਸਹਾਰਣ ਸੰਭਾਲਣਗੇ।
ਬੀਸੀਸੀਆਈ ਦੀ ਜੂਨੀਅਰ ਚੋਣ ਕਮੇਟੀ ਨੇ ਇਸ ਟੀਮ ਦਾ ਐਲਾਨ ਕੀਤਾ ਹੈ। BCCI ਦੀ ਪ੍ਰੈੱਸ ਰਿਲੀਜ਼ 'ਚ ਦੱਸਿਆ ਗਿਆ ਕਿ ਟੀਮ ਇੰਡੀਆ ਟ੍ਰਾਈ ਸੀਰੀਜ਼ ਤੋਂ ਬਾਅਦ ਅੰਡਰ-19 ਵਿਸ਼ਵ ਕੱਪ ਦੀਆਂ ਤਿਆਰੀਆਂ ਸ਼ੁਰੂ ਕਰੇਗੀ। ਵਿਸ਼ਵ ਕੱਪ 19 ਜਨਵਰੀ 2024 ਤੋਂ ਸ਼ੁਰੂ ਹੋਵੇਗਾ। ਭਾਰਤੀ ਟੀਮ ਆਪਣਾ ਪਹਿਲਾ ਮੈਚ 20 ਜਨਵਰੀ ਨੂੰ ਬੰਗਲਾਦੇਸ਼ ਖਿਲਾਫ ਖੇਡੇਗੀ।
ਟੂਰਨਾਮੈਂਟ ਦੀਆਂ ਕੁੱਲ 16 ਟੀਮਾਂ ਨੂੰ ਏ, ਬੀ, ਸੀ ਅਤੇ ਡੀ ਦੇ ਚਾਰ ਗਰੁੱਪਾਂ ਵਿੱਚ ਰੱਖਿਆ ਗਿਆ ਹੈ। ਟੀਮ ਇੰਡੀਆ ਗਰੁੱਪ ਏ ਵਿੱਚ ਅਮਰੀਕਾ, ਬੰਗਲਾਦੇਸ਼ ਅਤੇ ਆਇਰਲੈਂਡ ਦੇ ਨਾਲ ਮੌਜੂਦ ਹੈ। ਬੰਗਲਾਦੇਸ਼ ਖ਼ਿਲਾਫ਼ ਖੇਡਣ ਤੋਂ ਬਾਅਦ ਟੀਮ ਇੰਡੀਆ ਵਿਸ਼ਵ ਕੱਪ ਦਾ ਦੂਜਾ ਮੈਚ 25 ਜਨਵਰੀ ਨੂੰ ਆਇਰਲੈਂਡ ਖ਼ਿਲਾਫ਼ ਅਤੇ ਤੀਜਾ 28 ਜਨਵਰੀ ਨੂੰ ਅਮਰੀਕਾ ਖ਼ਿਲਾਫ਼ ਖੇਡੇਗੀ।
ਟ੍ਰਾਈ ਸੀਰੀਜ਼ ਅਤੇ ਅੰਡਰ-19 ਵਿਸ਼ਵ ਕੱਪ ਲਈ ਭਾਰਤੀ ਟੀਮ
ਉਦੈ ਸਹਾਰਨ (ਕਪਤਾਨ), ਅਰਸ਼ਿਨ ਕੁਲਕਰਨੀ, ਆਦਰਸ਼ ਸਿੰਘ, ਰੁਦਰ ਪਟੇਲ, ਸਚਿਨ ਦਾਸ, ਪ੍ਰਿਯਾਂਸ਼ੂ ਮੋਲੀਆ, ਮੁਸ਼ੀਰ ਖਾਨ, ਅਵਨੀਸ਼ ਰਾਓ, ਸੌਮੀ ਪਾਂਡੇ, ਮੁਰੂਗਨ ਅਭਿਸ਼ੇਕ, ਇਨੇਸ਼ ਮਹਾਜਨ, ਧਨੁਸ਼ ਗੌੜਾ, ਰਾਜ ਲਿੰਬਾਨੀ, ਨਮਨ ਤਿਵਾਰੀ, ਆਰਾਧਿਆ ਸ਼ੁਕਲਾ।
ਟ੍ਰਾਈ ਸੀਰੀਜ਼ ਲਈ ਟੀਮ ਇੰਡੀਆ ਦੇ ਤਿੰਨ ਸਫਰ ਸਟੈਂਡਬਾਏ
ਪ੍ਰੇਮ ਦੇਵਕਰ, ਅੰਸ਼ ਗੋਸਾਈ, ਮੁਹੰਮਦ ਅਮਨ।
ਚਾਰ ਬੈਕਅੱਪ ਖਿਡਾਰੀ ਸ਼ਾਮਲ ਹਨ...
ਦੱਸ ਦੇਈਏ ਕਿ 15 ਮੈਂਬਰੀ ਟੀਮ ਅਤੇ ਤਿੰਨ ਸਫ਼ਰੀ ਸਟੈਂਡਬਾਏ ਤੋਂ ਇਲਾਵਾ, ਬੀਸੀਸੀਆਈ ਨੇ ਚਾਰ ਬੈਕਅੱਪ ਖਿਡਾਰੀਆਂ ਨੂੰ ਵੀ ਸ਼ਾਮਲ ਕੀਤਾ ਹੈ, ਜਿਸ ਵਿੱਚ ਮਹਾਰਾਸ਼ਟਰ ਦੇ ਦਿਗਵਿਜੇ ਪਾਟਿਲ, ਹਰਿਆਣਾ ਦੇ ਜਯੰਤ ਗੋਇਤ, ਤਾਮਿਲਨਾਡੂ ਦੇ ਪੀ ਵਿਗਨੇਸ਼ ਅਤੇ ਮਹਾਰਾਸ਼ਟਰ ਦੀ ਕਿਰਨ ਚੋਰਮਲੇ ਸ਼ਾਮਲ ਹਨ।
ਏਸ਼ੀਆ ਕੱਪ 'ਚ ਵੀ ਭਾਰਤ ਦੀ ਅਗਵਾਈ ਕਰ ਰਹੇ ਉਦੈ ਸਹਾਰਨ
ਕਾਬਿਲੇਗੌਰ ਹੈ ਕਿ ਉਦੈ ਸਹਾਰਨ, ਜਿਸ ਨੂੰ ਟ੍ਰਾਈ ਸੀਰੀਜ਼ ਅਤੇ ਅੰਡਰ-19 ਵਿਸ਼ਵ ਕੱਪ ਲਈ ਚੁਣੀ ਗਈ ਟੀਮ ਦਾ ਕਪਤਾਨ ਬਣਾਇਆ ਗਿਆ ਸੀ, ਇਸ ਸਮੇਂ ਦੁਬਈ 'ਚ ਖੇਡੇ ਜਾ ਰਹੇ ਅੰਡਰ-19 ਏਸ਼ੀਆ ਕੱਪ 'ਚ ਭਾਰਤ ਦੀ ਕਪਤਾਨੀ ਕਰ ਰਹੇ ਹਨ। ਸਹਾਰਨ ਦੀ ਕਪਤਾਨੀ ਵਾਲੀ ਟੀਮ ਇੰਡੀਆ ਨੇ ਏਸ਼ੀਆ ਕੱਪ 'ਚ ਗਰੁੱਪ ਪੜਾਅ ਦੇ 3 'ਚੋਂ 2 ਮੈਚ ਜਿੱਤੇ ਹਨ।