RCB vs SRH IPL 2024: ਸੀਐਸਕੇ ਨੇ RCB ਨੂੰ ਆਈਪੀਐੱਲ 2024 ਦੇ ਪਹਿਲੇ ਮੁਕਾਬਲੇ ਵਿੱਚ ਹਰਾਇਆ। ਇਸ ਮੁਕਾਬਲੇ ਦੇ ਦੌਰਾਨ ਇੱਕ ਦਿਲਚਸਪ ਨਜ਼ਾਰਾ ਦੇਖਣ ਨੂੰ ਮਿਲਿਆ। ਚੇਨਈ ਸੁਪਰ ਕਿੰਗਜ਼ ਦੇ ਗੇਂਦਬਾਜ਼ ਦੀਪਕ ਚਾਹਰ ਮੈਚ ਦੌਰਾਨ ਵਿਰਾਟ ਕੋਹਲੀ ਨਾਲ ਭਿੜਦੇ ਨਜ਼ਰ ਆਏ। ਪਰ ਕੋਹਲੀ ਨੇ ਮਾਮਲਾ ਹੱਸ ਕੇ ਟਾਲ ਦਿੱਤਾ। ਹਾਲਾਂਕਿ ਚਾਹਰ ਵੀ ਹੱਸਦੇ ਹੋਏ ਚਲੇ ਗਏ। ਇਸ ਮਾਮਲੇ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ।
ਦਰਅਸਲ, ਰਾਇਲ ਚੈਲੰਜਰਜ਼ ਬੈਂਗਲੁਰੂ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਇਸ ਦੌਰਾਨ ਆਰਸੀਬੀ ਲਈ ਕੋਹਲੀ ਅਤੇ ਫਾਫ ਡੂ ਪਲੇਸਿਸ ਓਪਨਿੰਗ ਕਰਨ ਆਏ। ਇਸਦੇ ਨਾਲ ਸੀਐਸਕੇ ਵੱਲੋਂ ਦੀਪਕ ਚਾਹਰ ਓਵਰ ਸੁੱਟ ਰਹੇ ਸੀ। ਇਸ ਪਾਰੀ ਦੌਰਾਨ ਕੋਹਲੀ ਦੌੜਾਂ ਬਣਾਉਣ ਲਈ ਦੌੜੇ। ਚਾਹਰ ਗੇਂਦ ਵੱਲ ਦੇਖਦੇ ਹੋਏ ਕੋਹਲੀ ਨੂੰ ਰੋਕਦੇ ਹੋਏ ਨਜ਼ਰ ਆਏ। ਹਾਲਾਂਕਿ ਕੋਹਲੀ ਨੇ ਮਾਮਲੇ ਨੂੰ ਹੱਸ ਕੇ ਟਾਲ ਦਿੱਤਾ ਅਤੇ ਚਾਹਰ ਵੀ ਨਿਕਲ ਗਏ। ਜੇਕਰ ਕੋਹਲੀ ਅਗ੍ਰੈਸਿਵ ਅੰਦਾਜ਼ ਵਿੱਚ ਖੇਡ ਰਹੇ ਹੁੰਦੇ ਤਾਂ ਮਾਮਲਾ ਹੋਰ ਵਿਗੜ ਸਕਦਾ ਸੀ। ਅਜਿਹੇ ਕਈ ਦ੍ਰਿਸ਼ IPL 'ਚ ਦੇਖਣ ਨੂੰ ਮਿਲ ਚੁੱਕੇ ਹਨ।
RCB ਨੇ ਆਈਪੀਐੱਲ 2024 ਦੇ ਪਹਿਲੇ ਮੈਚ ਵਿੱਚ 6 ਵਿਕਟਾਂ ਗੁਆ ਕੇ 173 ਦੌੜਾਂ ਬਣਾਈਆਂ। ਇਸ ਦੌਰਾਨ ਕੋਹਲੀ ਨੇ 20 ਗੇਂਦਾਂ ਦਾ ਸਾਹਮਣਾ ਕਰਦੇ ਹੋਏ 21 ਦੌੜਾਂ ਬਣਾਈਆਂ। ਉਸ ਨੇ ਛੱਕਾ ਮਾਰਿਆ। ਜਵਾਬ 'ਚ ਚੇਨਈ ਸੁਪਰ ਕਿੰਗਜ਼ ਨੇ 18.4 ਓਵਰਾਂ 'ਚ ਟੀਚਾ ਹਾਸਲ ਕਰ ਲਿਆ। ਸੀਐਸਕੇ ਲਈ ਰਚਿਨ ਰਵਿੰਦਰਾ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਉਸ ਨੇ 15 ਗੇਂਦਾਂ ਵਿੱਚ 37 ਦੌੜਾਂ ਬਣਾਈਆਂ। ਸ਼ਿਵਮ ਦੂਬੇ ਨੇ 34 ਦੌੜਾਂ ਦੀ ਪਾਰੀ ਖੇਡੀ। ਰਵਿੰਦਰ ਜਡੇਜਾ ਨੇ ਨਾਬਾਦ 25 ਦੌੜਾਂ ਬਣਾਈਆਂ।
ਤੁਹਾਨੂੰ ਦੱਸ ਦੇਈਏ ਕਿ ਆਰਸੀਬੀ ਦਾ ਅਗਲਾ ਮੈਚ ਪੰਜਾਬ ਕਿੰਗਜ਼ ਨਾਲ ਹੈ। ਇਹ ਮੈਚ 25 ਮਾਰਚ ਨੂੰ ਬੈਂਗਲੁਰੂ 'ਚ ਖੇਡਿਆ ਜਾਵੇਗਾ। ਉਸਦਾ ਤੀਜਾ ਮੈਚ ਕੋਲਕਾਤਾ ਨਾਈਟ ਰਾਈਡਰਜ਼ ਨਾਲ ਹੈ। ਇਹ ਮੈਚ 29 ਮਾਰਚ ਨੂੰ ਖੇਡਿਆ ਜਾਵੇਗਾ।
Read More: KKR vs SRH: ਕੇਕੇਆਰ ਦੇ ਪਾਵਰ ਹਿਟਰ ਇਹ ਖਿਡਾਰੀ, ਹੈਦਰਾਬਾਦ 'ਤੇ ਭਾਰੀ ਪਏਗੀ ਇਹ 'ਤਿਕੜੀ'