IND W vs ENG W Match Result: ਭਾਰਤ ਅਤੇ ਇੰਗਲੈਂਡ ਦੀਆਂ ਮਹਿਲਾ ਟੀਮਾਂ ਵਿਚਕਾਰ ਹੋਏ ਟੀ-20 ਮੈਚ ਵਿੱਚ, ਟੀਮ ਇੰਡੀਆ ਦੀਆਂ ਗੇਂਦਬਾਜ਼ਾਂ ਨੇ ਕਮਾਲ ਕਰ ਦਿੱਤਾ। ਭਾਰਤੀ ਗੇਂਦਬਾਜ਼ਾਂ ਨੇ 25 ਗੇਂਦਾਂ ਦੇ ਅੰਦਰ ਇੰਗਲੈਂਡ ਦੀਆਂ 9 ਵਿਕਟਾਂ ਲਈਆਂ ਪਰ ਇਸ ਦੇ ਬਾਵਜੂਦ, ਭਾਰਤ ਤੀਜਾ ਟੀ-20 ਹਾਰ ਗਿਆ ਅਤੇ ਸੀਰੀਜ਼ ਜਿੱਤਣ ਤੋਂ ਖੁੰਝ ਗਿਆ। ਹਾਲਾਂਕਿ, ਟੀਮ ਇੰਡੀਆ ਕੋਲ ਅਜੇ ਵੀ ਸੀਰੀਜ਼ ਜਿੱਤਣ ਦੇ ਦੋ ਮੌਕੇ ਹਨ। ਭਾਰਤ ਇਸ ਪੰਜ ਮੈਚਾਂ ਦੀ ਟੀ-20 ਸੀਰੀਜ਼ ਵਿੱਚ 2-1 ਨਾਲ ਅੱਗੇ ਹੈ।
ਇੰਗਲੈਂਡ ਨੇ 25 ਗੇਂਦਾਂ ਵਿੱਚ 9 ਵਿਕਟਾਂ ਗੁਆਈਆਂ
ਜਦੋਂ ਇੰਗਲੈਂਡ ਦੀ ਟੀਮ ਬੱਲੇਬਾਜ਼ੀ ਕਰਨ ਲਈ ਉਤਰੀ ਤਾਂ ਭਾਰਤ ਲਈ ਇਸ ਟੀਮ ਦੇ ਸ਼ੁਰੂਆਤੀ ਬੱਲੇਬਾਜ਼ਾਂ ਨੂੰ ਰੋਕਣਾ ਬਹੁਤ ਮੁਸ਼ਕਲ ਹੋ ਗਿਆ। ਇੰਗਲੈਂਡ ਦੀ ਸੋਫੀਆ ਡੰਕਲੇ ਅਤੇ ਡੈਨੀ ਵਿਆਟ ਹਾਜ ਨੇ 15 ਓਵਰਾਂ ਤੱਕ ਸ਼ਾਨਦਾਰ ਬੱਲੇਬਾਜ਼ੀ ਕੀਤੀ। ਸੋਫੀਆ ਡੰਕਲੇ ਨੇ 53 ਗੇਂਦਾਂ ਵਿੱਚ 75 ਦੌੜਾਂ ਬਣਾਈਆਂ ਅਤੇ ਡੈਨੀ ਨੇ 42 ਗੇਂਦਾਂ ਵਿੱਚ 66 ਦੌੜਾਂ ਦੀ ਸ਼ਾਨਦਾਰ ਪਾਰੀ ਖੇਡੀ ਪਰ ਇਨ੍ਹਾਂ ਦੋਵਾਂ ਬੱਲੇਬਾਜ਼ਾਂ ਦੇ ਆਊਟ ਹੋਣ ਨਾਲ ਹੀ 171 ਦੇ ਸਕੋਰ 'ਤੇ 9 ਵਿਕਟਾਂ ਡਿੱਗ ਗਈਆਂ।
ਭਾਰਤ ਦੀ ਘਾਤਕ ਗੇਂਦਬਾਜ਼ੀ
ਅਰੁੰਧਤੀ ਰੈੱਡੀ ਅਤੇ ਦੀਪਤੀ ਸ਼ਰਮਾ ਨੇ ਇੰਗਲੈਂਡ ਦੀ ਇਸ ਜ਼ਬਰਦਸਤ ਬੱਲੇਬਾਜ਼ੀ ਨੂੰ ਤੋੜ ਦਿੱਤਾ। ਅਰੁੰਧਤੀ ਅਤੇ ਦੀਪਤੀ ਦੋਵਾਂ ਨੇ 3-3 ਵਿਕਟਾਂ ਲਈਆਂ। ਸ਼੍ਰੀ ਚਰਨੀ ਨੇ 2 ਵਿਕਟਾਂ ਲਈਆਂ। ਜਦੋਂ ਕਿ ਰਾਧਾ ਯਾਦਵ ਨੂੰ ਇੱਕ ਵਿਕਟ ਮਿਲੀ। ਭਾਰਤ ਨੂੰ 15ਵੇਂ ਓਵਰ ਦੀ ਪਹਿਲੀ ਗੇਂਦ 'ਤੇ ਪਹਿਲੀ ਵਿਕਟ ਮਿਲੀ। ਜਦੋਂ ਕਿ ਨੌਵਾਂ ਵਿਕਟ 19ਵੇਂ ਓਵਰ ਦੀ ਪੰਜਵੀਂ ਗੇਂਦ 'ਤੇ ਲਿਆ ਗਿਆ।
ਮੰਧਾਨਾ-ਸ਼ੈਫਾਲੀ ਦੀ ਪਾਰੀ ਕੰਮ ਨਹੀਂ ਆਈ
ਸਮ੍ਰਿਤੀ ਮੰਧਾਨਾ ਤੇ ਸ਼ੈਫਾਲੀ ਵਰਮਾ ਦੀ ਪਾਰੀ ਭਾਰਤ ਲਈ ਕੰਮ ਨਹੀਂ ਕਰ ਸਕੀ। ਮੰਧਾਨਾ ਅਤੇ ਸ਼ੈਫਾਲੀ ਭਾਰਤ ਲਈ ਓਪਨਿੰਗ ਕਰਨ ਲਈ ਆਈਆਂ। ਸਮ੍ਰਿਤੀ ਮੰਧਾਨਾ ਨੇ 49 ਗੇਂਦਾਂ 'ਤੇ 56 ਦੌੜਾਂ ਬਣਾਈਆਂ ਤੇ ਸ਼ੈਫਾਲੀ ਵਰਮਾ ਨੇ 25 ਗੇਂਦਾਂ 'ਤੇ 47 ਦੌੜਾਂ ਦੀ ਤੇਜ਼ ਪਾਰੀ ਖੇਡੀ। ਕਪਤਾਨ ਹਰਮਨਪ੍ਰੀਤ ਕੌਰ ਨੇ 17 ਗੇਂਦਾਂ 'ਤੇ 23 ਦੌੜਾਂ ਬਣਾਈਆਂ। ਪੂਰੇ 20 ਓਵਰ ਖੇਡਣ ਤੋਂ ਬਾਅਦ ਵੀ ਟੀਮ ਇੰਡੀਆ 5 ਵਿਕਟਾਂ ਗੁਆ ਕੇ ਸਿਰਫ਼ 166 ਦੌੜਾਂ ਹੀ ਬਣਾ ਸਕੀ ਤੇ ਇੰਗਲੈਂਡ ਨੇ ਇਹ ਮੈਚ 5 ਦੌੜਾਂ ਨਾਲ ਜਿੱਤ ਲਿਆ। ਭਾਰਤ ਕੋਲ ਇਹ ਲੜੀ ਜਿੱਤਣ ਦਾ ਮੌਕਾ ਹੈ। ਟੀਮ ਇੰਡੀਆ ਨੂੰ ਅਗਲੇ ਦੋ ਮੈਚਾਂ ਵਿੱਚੋਂ ਸਿਰਫ਼ ਇੱਕ ਮੈਚ ਜਿੱਤਣ ਦੀ ਲੋੜ ਹੈ, ਤਾਂ ਜੋ ਭਾਰਤ ਲੜੀ ਜਿੱਤ ਸਕੇ।