Arun Jaitley Stadium's Test Reocds: ਇਨ੍ਹੀਂ ਦਿਨੀਂ ਖੇਡੀ ਜਾ ਰਹੀ ਬਾਰਡਰ-ਗਾਵਸਕਰ ਟਰਾਫੀ 2023 (Border-Gavaskar Trophy 2023) ਦਾ ਦੂਜਾ ਮੈਚ ਦਿੱਲੀ ਦੇ ਅਰੁਣ ਜੇਤਲੀ ਸਟੇਡੀਅਮ (Arun Jaitley Stadium)'ਚ ਖੇਡਿਆ ਜਾਵੇਗਾ। ਭਾਰਤੀ ਟੀਮ ਨੇ ਨਾਗਪੁਰ ਵਿੱਚ ਖੇਡੇ ਗਏ ਪਹਿਲੇ ਟੈਸਟ ਮੈਚ ਵਿੱਚ ਸ਼ਾਨਦਾਰ ਜਿੱਤ ਦਰਜ ਕੀਤੀ। ਹੁਣ ਟੀਮ ਇੰਡੀਆ ਆਪਣੇ ਦੂਜੇ ਮੈਚ ਦੀ ਤਿਆਰੀ ਕਰ ਰਹੀ ਹੈ। ਟੀਮ ਇੰਡੀਆ ਪਿਛਲੇ 36 ਸਾਲਾਂ 'ਚ ਇਸ ਮੈਦਾਨ 'ਤੇ ਕੋਈ ਟੈਸਟ ਮੈਚ ਨਹੀਂ ਹਾਰੀ ਹੈ। ਆਓ ਜਾਣਦੇ ਹਾਂ ਇਸ ਮੈਦਾਨ ਦੇ ਹੋਰ ਸਾਰੇ ਟੈਸਟ ਅੰਕੜੇ।


ਕਿੰਨੇ ਖੇਡੇ ਟੋਟਲ ਟੈਸਟ ਮੈਚ?


ਇਸ ਮੈਦਾਨ 'ਤੇ ਹੁਣ ਤੱਕ ਕੁੱਲ 36 ਟੈਸਟ ਮੈਚ ਖੇਡੇ ਜਾ ਚੁੱਕੇ ਹਨ। ਇਸ 'ਚ ਪਹਿਲਾ ਮੈਚ 1948 'ਚ ਖੇਡਿਆ ਗਿਆ ਸੀ ਅਤੇ ਆਖਰੀ ਟੈਸਟ ਮੈਚ 2017 ਵਿੱਚ ਖੇਡਿਆ ਗਿਆ ਸੀ। ਇਹ ਮੈਚ ਭਾਰਤ ਅਤੇ ਸ਼੍ਰੀਲੰਕਾ ਵਿਚਾਲੇ ਖੇਡਿਆ ਗਿਆ ਅਤੇ ਇਹ ਡਰਾਅ 'ਤੇ ਖਤਮ ਹੋਇਆ। ਜਦੋਂ ਕਿ 1948 ਵਿੱਚ ਪਹਿਲਾ ਮੈਚ ਭਾਰਤ ਅਤੇ ਵੈਸਟਇੰਡੀਜ਼ ਵਿਚਾਲੇ ਖੇਡਿਆ ਗਿਆ ਸੀ।


ਭਾਰਤੀ ਟੀਮ ਨੇ ਜਿੱਤੇ ਕਿੰਨੇ ਮੈਚ?


ਟੀਮ ਇੰਡੀਆ ਨੇ ਇਸ ਮੈਦਾਨ 'ਤੇ ਕੁੱਲ 13 ਮੈਚ ਜਿੱਤੇ ਹਨ। ਅਤੇ ਮਹਿਮਾਨ ਟੀਮ 6 ਮੈਚ ਜਿੱਤਣ 'ਚ ਕਾਮਯਾਬ ਰਹੀ ਹੈ। ਇਸ ਤੋਂ ਇਲਾਵਾ ਕੁੱਲ 15 ਮੈਚ ਡਰਾਅ 'ਤੇ ਖਤਮ ਹੋਏ ਹਨ। ਯਾਨੀ ਇੱਥੇ ਖੇਡੇ ਗਏ ਮੈਚਾਂ ਵਿੱਚੋਂ ਲਗਭਗ 45 ਫੀਸਦੀ (44.12%) ਡਰਾਅ ਹੋਏ ਹਨ।


ਟੋਸ ਬਣਦਾ ਹੈ ਬੌਸ


ਇੱਥੇ ਟੋਸ ਜਿੱਤਣ ਵਾਲੀਆਂ ਟੀਮਾਂ ਨੇ ਹੁਣ ਤੱਕ ਕੁੱਲ 6 ਮੈਚ ਜਿੱਤੇ ਹਨ। ਦੂਜੇ ਪਾਸੇ ਟੋਸ ਹਾਰਨ ਵਾਲੀ ਟੀਮ ਨੇ 13 ਮੈਚ ਜਿੱਤੇ ਹਨ। ਪਹਿਲਾਂ ਬੱਲੇਬਾਜ਼ੀ ਕਰਨ ਵਾਲੀ ਟੀਮ ਨੇ 6 ਮੈਚ ਜਿੱਤੇ ਹਨ ਅਤੇ ਬਾਅਦ ਵਿੱਚ ਬੱਲੇਬਾਜ਼ੀ ਕਰਨ ਵਾਲੀ ਟੀਮ ਨੇ 13 ਮੈਚ ਜਿੱਤੇ ਹਨ।


ਇਹ ਵੀ ਪੜ੍ਹੋ: ਅਜਿਹੀਆਂ ਗੱਲਾਂ ਜਿਹੜੀਆਂ Unmarried couple ਨੂੰ ਪਤਾ ਹੋਣੀਆਂ ਚਾਹੀਦੀਆਂ, ਪਰੇਸ਼ਾਨੀ 'ਚ ਆਉਣਗੀਆਂ ਕੰਮ


ਖਿਡਾਰੀ ਦੁਆਰਾ ਵਧੀਆ ਸਕੋਰ


ਵਿਰਾਟ ਕੋਹਲੀ ਨੇ 2017 'ਚ ਸ਼੍ਰੀਲੰਕਾ ਖਿਲਾਫ ਖੇਡਦੇ ਹੋਏ ਇਸ ਮੈਦਾਨ 'ਤੇ 243 ਦੌੜਾਂ ਬਣਾਈਆਂ ਸਨ। ਇਹ ਇਸ ਮੈਦਾਨ 'ਤੇ ਕਿਸੇ ਵੀ ਖਿਡਾਰੀ ਦੁਆਰਾ ਬਣਾਇਆ ਗਿਆ ਸਭ ਤੋਂ ਵੱਡਾ ਸਕੋਰ ਹੈ।


ਇੱਕ ਪਾਰੀ ਵਿੱਚ ਸਰਵੋਤਮ ਸਕੋਰ


1959 'ਚ ਭਾਰਤ ਅਤੇ ਵੈਸਟਇੰਡੀਜ਼ ਵਿਚਾਲੇ ਖੇਡੇ ਗਏ ਟੈਸਟ ਮੈਚ 'ਚ ਵੈਸਟਇੰਡੀਜ਼ ਨੇ ਇਕ ਪਾਰੀ 'ਚ 8 ਵਿਕਟਾਂ ਦੇ ਨੁਕਸਾਨ 'ਤੇ 644 ਦੌੜਾਂ ਬਣਾਈਆਂ ਸਨ। ਇਸ ਤੋਂ ਬਾਅਦ ਪਾਰੀ ਐਲਾਨ ਦਿੱਤੀ ਗਈ। ਇਹ ਹੁਣ ਤੱਕ ਇਸ ਮੈਦਾਨ 'ਤੇ ਇਕ ਪਾਰੀ 'ਚ ਬਣਿਆ ਸਭ ਤੋਂ ਵਧੀਆ ਸਕੋਰ ਹੈ।


ਇੱਕ ਪਾਰੀ ਵਿੱਚ ਸਭ ਤੋਂ ਘੱਟ ਸਕੋਰ?


1987 'ਚ ਭਾਰਤ ਅਤੇ ਵੈਸਟਇੰਡੀਜ਼ ਵਿਚਾਲੇ ਖੇਡੇ ਗਏ ਟੈਸਟ ਮੈਚ 'ਚ ਭਾਰਤੀ ਟੀਮ 75 ਦੌੜਾਂ 'ਤੇ ਆਲ ਆਊਟ ਹੋ ਗਈ ਸੀ। ਇਹ ਕਿਸੇ ਵੀ ਟੀਮ ਵੱਲੋਂ ਇੱਕ ਪਾਰੀ ਵਿੱਚ ਬਣਾਇਆ ਗਿਆ ਸਭ ਤੋਂ ਘੱਟ ਸਕੋਰ ਹੈ।


ਬੈਸਟ ਬੋਲਿੰਗ ਫਿਗਰ


ਅਨਿਲ ਕੁੰਬਲੇ ਨੇ 1999 'ਚ ਪਾਕਿਸਤਾਨ ਖਿਲਾਫ ਖੇਡੇ ਗਏ ਟੈਸਟ ਮੈਚ ਦੀ ਇਕ ਪਾਰੀ 'ਚ 74 ਦੌੜਾਂ ਦੇ ਕੇ 10 ਵਿਕਟਾਂ ਲਈਆਂ ਸਨ। ਇਹ ਇਸ ਮੈਦਾਨ 'ਤੇ ਕਿਸੇ ਗੇਂਦਬਾਜ਼ ਦੁਆਰਾ ਲਈਆਂ ਗਈਆਂ ਸਭ ਤੋਂ ਵੱਧ ਵਿਕਟਾਂ ਸਨ। ਹਾਲਾਂਕਿ, ਇੱਕ ਪਾਰੀ ਵਿੱਚ ਇਸ ਤੋਂ ਵੱਧ ਵਿਕਟਾਂ ਇੱਕ ਪਾਰੀ ਵਿੱਚ ਵੀ ਨਹੀਂ ਲਈਆਂ ਜਾ ਸਕਦੀਆਂ। ਇਸ ਦੇ ਨਾਲ ਹੀ ਉਸ ਨੇ ਇਸ ਮੈਚ ਵਿੱਚ ਕੁੱਲ 14 ਵਿਕਟਾਂ ਲਈਆਂ। ਇਸ ਮੈਦਾਨ 'ਤੇ ਕਿਸੇ ਵੀ ਗੇਂਦਬਾਜ਼ ਦਾ ਇਹ ਸਭ ਤੋਂ ਵਧੀਆ ਮੈਚ ਹੈ।


ਇਹ ਵੀ ਪੜ੍ਹੋ: ਪ੍ਰੋਸਟੇਟ ਕੈਂਸਰ ਦੇ ਖਤਰੇ ਨੂੰ ਕਿਵੇਂ ਕਰ ਸਕਦੇ ਘੱਟ? ਆਪਣੀ ਡਾਈਟ 'ਚ ਸ਼ਾਮਲ ਕਰੋ ਇਹ ਹੈਲਥੀ ਫੂਡਸ