Indian Premier League 2023: IPL ਦੇ 16ਵੇਂ ਸੀਜ਼ਨ ਦਾ 51ਵਾਂ ਲੀਗ ਮੈਚ ਇਸ ਸਮੇਂ ਗੁਜਰਾਤ ਟਾਈਟਨਸ (GT) ਅਤੇ ਲਖਨਊ ਸੁਪਰ ਜਾਇੰਟਸ (LSG) ਵਿਚਾਲੇ ਖੇਡਿਆ ਜਾ ਰਿਹਾ ਹੈ। ਇਸ ਮੈਚ 'ਚ ਜਦੋਂ ਲਖਨਊ ਦੀ ਟੀਮ ਨੇ 228 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਨਾ ਸ਼ੁਰੂ ਕੀਤਾ ਤਾਂ ਮੈਦਾਨ 'ਤੇ ਅਜੀਬ ਨਜ਼ਾਰਾ ਦੇਖਣ ਨੂੰ ਮਿਲਿਆ। ਫੀਲਡਿੰਗ ਦੇ ਸਮੇਂ ਜਦੋਂ ਗੁਜਰਾਤ ਟੀਮ ਦੇ ਵਿਕਟਕੀਪਰ ਰਿਧੀਮਾਨ ਸਾਹਾ ਵਿਕਟਕੀਪਿੰਗ ਲਈ ਆਏ ਤਾਂ ਉਸ ਵੇਲੇ ਉਨ੍ਹਾਂ ਨੇ ਉਲਟੀ ਪੈਂਟ ਪਾਈ ਹੋਈ ਸੀ। ਹੁਣ ਇਸ ਘਟਨਾ ਦਾ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ।
ਰਿਧੀਮਾਨ ਸਾਹਾ ਫੀਲਡਿੰਗ ਦੇ ਸਮੇਂ ਦੋ ਓਵਰਾਂ ਬਾਅਦ ਮੈਦਾਨ ਤੋਂ ਪਰਤ ਗਏ। ਉਨ੍ਹਾਂ ਦੀ ਜਗ੍ਹਾ ਕੇਐਸ ਭਰਤ ਨੇ ਵਿਕਟਕੀਪਿੰਗ ਦੀ ਜ਼ਿੰਮੇਵਾਰੀ ਸੰਭਾਲੀ ਹੈ। ਜਦੋਂ ਲਖਨਊ ਦੀ ਪਾਰੀ ਸ਼ੁਰੂ ਹੋਣ ਵਾਲੀ ਸੀ ਤਾਂ ਕੇਐਸ ਭਰਤ ਵਿਕਟਕੀਪਿੰਗ ਕਰਨ ਲਈ ਮੈਦਾਨ 'ਤੇ ਆਉਣ ਵਾਲੇ ਸਨ। ਮੈਦਾਨ 'ਚ ਅੰਪਾਇਰਾਂ ਨੇ ਇਸ 'ਤੇ ਇਤਰਾਜ਼ ਕੀਤਾ ਅਤੇ ਫਿਰ ਸਾਹਾ ਨੂੰ ਇਸ ਜ਼ਿੰਮੇਵਾਰੀ ਨੂੰ ਸੰਭਾਲਣ ਲਈ ਜਲਦੀ ਤਿਆਰੀ ਕਰਨੀ ਪਈ ਅਤੇ ਮੈਦਾਨ 'ਚ ਆਉਣਾ ਪਿਆ।
ਇਹ ਵੀ ਪੜ੍ਹੋ: Sachin Tendulkar: ਸਚਿਨ ਤੇਂਦੁਲਕਰ ਨੇ ਚੁੱਲ੍ਹੇ ਤੇ ਬਣਾਈ ਚਾਹ, ਕ੍ਰਿਕਟਰ ਦਾ ਧੀ 'ਤੇ ਪਤਨੀ ਨਾਲ ਦੇਖੋ ਇਹ ਅੰਦਾਜ਼
ਲਖਨਊ ਦੇ ਖਿਲਾਫ ਮੈਚ 'ਚ ਰਿਧੀਮਾਨ ਸਾਹਾ ਦਾ ਬੱਲੇ ਨਾਲ ਸ਼ਾਨਦਾਰ ਪ੍ਰਦਰਸ਼ਨ ਦੇਖਣ ਨੂੰ ਮਿਲਿਆ। ਸਾਹਾ ਨੇ ਗਿੱਲ ਨਾਲ ਮਿਲ ਕੇ ਪਹਿਲੀ ਵਿਕਟ ਲਈ 142 ਦੌੜਾਂ ਦੀ ਸ਼ਾਨਦਾਰ ਸਾਂਝੇਦਾਰੀ ਕਰਕੇ ਟੀਮ ਨੂੰ ਮੈਚ 'ਚ ਸ਼ਾਨਦਾਰ ਸ਼ੁਰੂਆਤ ਦਿਵਾਈ। ਸਾਹਾ ਨੇ ਮੈਚ ਵਿੱਚ ਸਿਰਫ਼ 20 ਗੇਂਦਾਂ ਵਿੱਚ ਆਪਣਾ ਅਰਧ ਸੈਂਕੜਾ ਪੂਰਾ ਕੀਤਾ ਅਤੇ ਉਸ ਦੇ ਬੱਲੇ ਨੇ 43 ਗੇਂਦਾਂ ਵਿੱਚ 81 ਦੌੜਾਂ ਦੀ ਸ਼ਾਨਦਾਰ ਪਾਰੀ ਖੇਡੀ।
ਸਾਹਾ ਗੁਜਰਾਤ ਲਈ ਆਈਪੀਐਲ ਵਿੱਚ ਸਭ ਤੋਂ ਤੇਜ਼ ਅਰਧ ਸੈਂਕੜੇ ਲਗਾਉਣ ਵਾਲੇ ਬੱਲੇਬਾਜ਼ ਬਣ ਗਏਗੁਜਰਾਤ ਟਾਈਟਨਸ ਲਈ, ਰਿਧੀਮਾਨ ਸਾਹਾ ਹੁਣ ਆਈਪੀਐਲ ਇਤਿਹਾਸ ਵਿੱਚ ਸਭ ਤੋਂ ਘੱਟ ਗੇਂਦਾਂ ਵਿੱਚ ਅਰਧ ਸੈਂਕੜਾ ਬਣਾਉਣ ਵਾਲਾ ਬੱਲੇਬਾਜ਼ ਬਣ ਗਿਆ ਹੈ। ਇਸ ਮਾਮਲੇ 'ਚ ਸਾਹਾ ਨੇ ਇਸੇ ਸੈਸ਼ਨ 'ਚ ਕੋਲਕਾਤਾ ਨਾਈਟ ਰਾਈਡਰਜ਼ ਖਿਲਾਫ ਮੈਚ 'ਚ ਸਿਰਫ 21 ਗੇਂਦਾਂ 'ਚ ਅਰਧ ਸੈਂਕੜਾ ਬਣਾਉਣ ਵਾਲੇ ਵਿਜੇ ਸ਼ੰਕਰ ਨੂੰ ਪਿੱਛੇ ਛੱਡ ਦਿੱਤਾ। ਇਸ ਸੀਜ਼ਨ 'ਚ ਹੁਣ ਤੱਕ ਸਾਹਾ ਨੇ 11 ਪਾਰੀਆਂ 'ਚ 27.30 ਦੀ ਔਸਤ ਨਾਲ 273 ਦੌੜਾਂ ਬਣਾਈਆਂ ਹਨ।
ਇਹ ਵੀ ਪੜ੍ਹੋ: Mumbai Indians: ਮੁੰਬਈ ਇੰਡੀਅਨਜ਼ ਦੇ ਖਿਡਾਰੀਆਂ ਨੂੰ ਧੋਨੀ ਨੇ ਦਿੱਤਾ ਗਿਆਨ, ਜਾਣੋ ਕਿਉਂ ਵਾਇਰਲ ਹੋ ਰਹੀ ਤਸਵੀਰ