ਡਿਵਿਲੀਅਰਸ ਦੀ ਹਨੇਰੀ 'ਚ ਉੱਡੇ ਵੱਡੇ ਰਿਕਾਰਡ
ਜੋਹਾਨਸਬਰਗ ਦੇ ਮੈਦਾਨ 'ਤੇ ਡਿਵਿਲੀਅਰਸ ਨੇ ਧਮਾਕਾ ਕਰ ਦਿੱਤਾ। ਡਿਵਿਲੀਅਰਸ ਨੇ ਜੜ ਦਿੱਤਾ ਇੱਕ ਦਿਨੀ ਮੁਕਾਬਲਿਆਂ ਦੇ ਇਤਿਹਾਸ 'ਚ ਸਭ ਤੋਂ ਤੇਜ਼ ਸੈਂਕੜਾ।
ਚੌਕੇ - 9 ਛੱਕੇ - 16 ਸਟ੍ਰਾਇਕ ਰੇਟ - 338.63
ਡਿਵਿਲੀਅਰਸ ਨੇ ਸਿਰਫ 31 ਗੇਂਦਾਂ ਤੇ ਸੈਂਕੜਾ ਠੋਕਿਆ। ਅਤੇ ਇਹ ਕਾਰਨਾਮਾ ਡਿਵਿਲੀਅਰਸ ਨੇ ਅੱਜ ਦੇ ਹੀ ਦਿਨ ਸਾਲ 2015 'ਚ ਕੀਤਾ ਸੀ। ਇਸੇ ਕਾਰਨ 18 ਜਨਵਰੀ ਦਾ ਦਿਨ ਕ੍ਰਿਕਟ ਇਤਿਹਾਸ 'ਚ ਬੇਹਦ ਖਾਸ ਬਣ ਗਿਆ ਹੈ।
ਡਿਵਿਲੀਅਰਸ ਦੀ ਪਾਰੀ
ਡਿਵਿਲੀਅਰਸ ਨੇ 16 ਗੇਂਦਾਂ 'ਤੇ ਅਰਧ-ਸੈਂਕੜਾ ਪੂਰਾ ਕੀਤਾ। ਅਰਧ-ਸੈਂਕੜੇ ਤਕ ਪਹੁੰਚਦਿਆਂ ਡਿਵਿਲੀਅਰਸ ਨੇ 3 ਚੌਕੇ ਤੇ 5 ਛੱਕੇ ਜੜੇ। ਫਿਰ ਡਿਵਿਲੀਅਰਸ ਨੇ ਆਪਣੀ ਆਤਿਸ਼ੀ ਪਾਰੀ ਜਾਰੀ ਰਖੀ ਅਤੇ 31 ਗੇਂਦਾਂ 'ਤੇ ਸੈਂਕੜਾ ਪੂਰਾ ਕੀਤਾ। ਸੈਂਕੜੇ ਤਕ ਪਹੁੰਚਦਿਆਂ ਡਿਵਿਲੀਅਰਸ ਨੇ 8 ਚੌਕੇ ਤੇ 10 ਛੱਕੇ ਠੋਕੇ। ਪਰ ਡਿਵਿਲੀਅਰਸ ਦੀ ਪਾਰੀ ਇਥੇ ਹੀ ਨਹੀਂ ਰੁਕੀ। ਡਿਵਿਲੀਅਰਸ ਮੁਕਾਬਲੇ ਦੇ ਆਖਰੀ ਓਵਰ 'ਚ 149 ਦੌੜਾਂ ਬਣਾ ਕੇ ਆਉਟ ਹੋਏ।
ਪਰ ਡਿਵਿਲੀਅਰਸ ਨੇ ਮੈਦਾਨ 'ਤੇ ਆਉਂਦਿਆਂ ਹੀ ਕਰ ਦਿੱਤੀ ਚੌਕੇ-ਛੱਕਿਆਂ ਦੀ ਵਰਖਾ। ਪਹਿਲਾਂ ਡਿਵਿਲੀਅਰਸ ਨੇ ਇੱਕ ਦਿਨੀ ਮੁਕਾਬਲਿਆਂ ਦਾ ਸਭ ਤੋਂ ਤੇਜ਼ ਅਰਧ-ਸੈਂਕੜਾ ਜੜਿਆ।
ਡਿਵਿਲੀਅਰਸ ਦੀ ਇਸ ਪਾਰੀ 'ਚ ਕਈ ਰਿਕਾਰਡ ਟੁੱਟ ਗਏ। ਵੇਸਟ ਇੰਡੀਜ਼ ਵਿਰੁੱਧ ਇਸ ਮੁਕਾਬਲੇ 'ਚ ਡਿਵਿਲੀਅਰਸ ਉਸ ਵੇਲੇ ਬੱਲੇਬਾਜ਼ੀ ਕਰਨ ਉੱਤਰੇ ਜਦ ਰੀਲੀ ਰੌਸੋ (128) ਦਾ ਵਿਕਟ ਡਿੱਗਿਆ। ਡਿਵਿਲੀਅਰਸ ਜਦ ਮੈਦਾਨ 'ਤੇ ਪਹੁੰਚੇ ਤਾਂ ਮੁਕਾਬਲੇ 'ਚ ਸਿਰਫ 11.3 ਓਵਰ ਬਚੇ ਸਨ।
ਦੌੜਾਂ - 149 ਗੇਂਦਾਂ - 44
ਡਿਵਿਲੀਅਰਸ ਨੇ 44 ਗੇਂਦਾਂ 'ਤੇ 149 ਦੌੜਾਂ ਦੀ ਪਾਰੀ ਖੇਡੀ ਅਤੇ ਇਸ ਪਾਰੀ 'ਚ ਸ਼ਾਮਿਲ ਸਨ 9 ਚੌਕੇ ਤੇ 16 ਛੱਕੇ। ਡਿਵਿਲੀਅਰਸ ਨੇ ਇੱਕੋ ਪਾਰੀ 'ਚ ਸਭ ਤੋਂ ਵਧ ਛੱਕੇ ਜੜਨ ਦੇ ਰਿਕਾਰਡ 'ਚ ਵੀ ਰੋਹਿਤ ਸ਼ਰਮਾ ਦੀ ਬਰਾਬਰੀ ਕਰ ਲਈ।
ਡਿਵਿਲੀਅਰਸ ਦੀ ਪਾਰੀ ਦੇ ਸਹਾਰੇ ਦਖਣੀ ਅਫ੍ਰੀਕਾ ਨੇ ਵੈਸਟ ਇੰਡੀਜ਼ ਵਿਰੁੱਧ ਨਿਰਧਾਰਿਤ 50 ਓਵਰਾਂ 'ਚ 439 ਦੌੜਾਂ ਦਾ ਸਕੋਰ ਖੜਾ ਕੀਤਾ।