ਅਸ਼ਵਿਨ-ਜਡੇਜਾ ਦੀ ਫਿਰਕੀ ਹਿੱਟ
ਅਸ਼ਵਿਨ-ਜਡੇਜਾ ਹਿਟ
ਭਾਰਤ ਅਤੇ ਇੰਗਲੈਂਡ ਵਿਚਾਲੇ ਮੁੰਬਈ 'ਚ ਖੇਡੇ ਜਾ ਰਹੇ ਚੌਥੇ ਟੈਸਟ ਦੇ ਦੂਜੇ ਦਿਨ ਇੰਗਲੈਂਡ ਦੀ ਟੀਮ 400 ਰਨ 'ਤੇ ਆਲ ਆਊਟ ਹੋ ਗਈ। ਇੰਗਲੈਂਡ ਲਈ ਜੈਨਿੰਗਸ ਨੇ ਸਭ ਤੋਂ ਵਧ 112 ਰਨ ਦਾ ਯੋਗਦਾਨ ਪਾਇਆ।
ਅਸ਼ਵਿਨ ਨੇ 6 ਅਤੇ ਜਡੇਜਾ ਨੇ 4 ਵਿਕਟ ਹਾਸਿਲ ਕੀਤੇ।
ਟੀਮ ਇੰਡੀਆ ਲਈ ਅਸ਼ਵਿਨ ਅਤੇ ਜਡੇਜਾ ਦੀ ਫਿਰਕੀ ਹਿਟ ਸਾਬਿਤ ਹੋਈ।
ਅਸ਼ਵਿਨ ਅਤੇ ਜਡੇਜਾ ਨੇ ਮਿਲਕੇ ਕੁਲ 10 ਵਿਕਟ ਆਪਣੇ ਖਾਤੇ 'ਚ ਪਾ ਲਏ।
ਬਟਲਰ ਨੇ ਸੰਭਾਲਿਆ
ਇੰਗਲੈਂਡ ਲਈ ਮੈਚ ਦੇ ਦੂਜੇ ਦਿਨ ਜੌਸ ਬਟਲਰ ਅਤੇ ਜੇਕ ਬਾਲ ਨੇ ਮੋਰਚਾ ਸੰਭਾਲਿਆ ਅਤੇ ਇੰਗਲੈਂਡ ਨੂੰ ਮਜਬੂਤ ਸਥਿਤੀ 'ਚ ਪਹੁੰਚਾਉਣ 'ਚ ਖਾਸ ਯੋਗਦਾਨ ਪਾਇਆ। ਲੰਚ ਵੇਲੇ ਤਕ ਬਟਲਰ 64 ਰਨ ਬਣਾ ਕੇ ਮੈਦਾਨ 'ਤੇ ਟਿਕੇ ਹੋਏ ਸਨ। ਲੰਚ ਤੋਂ ਠੀਕ ਬਾਅਦ ਬਾਲ 31 ਰਨ ਬਣਾ ਕੇ ਆਪਣਾ ਵਿਕਟ ਗਵਾ ਬੈਠੇ। ਇੰਗਲੈਂਡ ਦੀ ਟੀਮ ਇੱਕ ਸਮੇਂ 334 ਰਨ 'ਤੇ 8 ਵਿਕਟ ਗਵਾ ਚੁੱਕੀ ਸੀ।
ਪਰ ਫਿਰ ਬਟਲਰ ਅਤੇ ਬਾਲ ਨੇ ਮਿਲਕੇ 54 ਰਨ ਦੀ ਪਾਰਟਨਰਸ਼ਿਪ ਕੀਤੀ ਅਤੇ ਇੰਗਲੈਂਡ ਨੂੰ ਚੰਗੇ ਸਕੋਰ ਤਕ ਪਹੁੰਚਾ ਦਿੱਤਾ। ਬਟਲਰ 76 ਰਨ ਬਣਾ ਕੇ ਆਊਟ ਹੋਏ। ਇਸਤੋਂ ਪਹਿਲਾਂ ਮੈਚ ਦੇ ਪਹਿਲੇ ਦਿਨ ਜੈਨਿੰਗਸ ਨੇ 112 ਰਨ ਦਾ ਯੋਗਦਾਨ ਪਾਇਆ ਸੀ ਜਦਕਿ ਅਲੀ ਨੇ ਅਰਧ-ਸੈਂਕੜਾ ਜੜਿਆ ਸੀ।